Éxodo 35:3 - Bible in Tzeltal de Oxchuc y Tenejapa

³ Bayuc ya x'ainex, te bi c'aalil yu'un cux-o'tan, ma me ayuc bila ya apasic ni jtebuc c'ajc'”, la yut —xi' te Moisese.

Bible in Tzeltal Bachajón

³ Ma me xanup' ac'ahq'uic ta anahic ta sc'ahc'alel cux-o'tan, xchi.

Éxodo 35:3 Referans Kwoze

Éxodo 16:23

Te Moisés, jich la yal: —Jich na'ax te mandal yu'un te Cajwaltique —xi' yu'un. Soc la yal: —Pajel ja' meix te sc'aalelal te cux-o'tan te ch'ultesbil yu'un te Cajwaltique. Te bila ya sc'an ya apayique, payaic me yo'tic. Te bila ya sc'an ya yich' pasele, pasaic me. Spisil te bitic ya spas sobraile, ijq'uitayaic ta swenta te pajele —xi' te Moisese.

Éxodo 12:16

Jich yu'un ta sba c'aalil soc ta sjuquebal c'aal, xchebal me c'aal ch'ul tsoblej awu'unic a. Ma me ayuc at'el a, ja' nax me teme ay chajbanel ya sc'an jtebuc te we'elile.

Isaías 58:13

“Ich'a ta muc' te c'aal yu'un cux-o'tanil; ma me xawat'elin te bitic ya sc'an awo'tan a te ch'ul c'aal cu'une. Jichuc me ya xc'ot ta awo'tan te ja' jun c'aal swenta sbujts'-o'tanile; ja' te ch'ul c'aal yu'un Cajwaltic te ya sc'an te ya x'ich'ot ta muq'ue. Ich'a ta muc', ma xawat'elin xchajbanel aiyejetic awu'un a, ni ma me xbajt' ta awo'tan yu'un te bitic ya sc'an awo'tan spasele.

Éxodo 20:9

Waqueb nax me c'aal ya x'at'ejat, ja' me ya apas spisil a te awat'el te pasel ya sc'an awu'une.

Éxodo 23:12

“Waqueb me c'aal xapas spisil te bitic ay ta pasel awu'une. Ta sjuquebal c'aal ya me acux awo'tan. Jich me ya xcux yo'tanic uuc te awacax soc te aburroe. Jich me ya xcha'yich' xan yip a te awabat soc te mach'a q'uejel taleme.

Éxodo 31:15

Ja' yu'un, waqueb me c'aal ya x'at'ejex. Yan te sjuquebal c'aal cux-o'tan meix abi, ja' me yu'unix te Cajwaltique. Te mach'atic ya x'at'ej a te bi c'aalil yu'un cux-o'tan, ya me x'albot te ya xc'ot lajel ta swenta, xi' me te jmandale.

Éxodo 35:4

Te Moisés la sc'opon xan ta spisil te slumal israeletic, jich la yalbey: —Ja' mandal yu'un Cajwaltic te ya sc'an ya yich' pasele:

Levítico 23:3

“Waqueb nax me c'aal ya x'at'ejat, te sjuquebal c'aal ma me ayuc bila at'elil ya apas a. Melel ja' te c'aal mero tsabil yu'un sc'aalelal cux-o'tan, soc ay me ch'ul tsoblej awu'unic a. Ta bayuc ayex, ja' me c'aal yu'un cux-o'tan ta swenta quich'jibal ta muc' jo'on te Ajwalilone.