Éxodo 34:9 - Bible in Tzeltal de Oxchuc y Tenejapa

⁹ Jich la yal: —¡Cajwal! ¡Cajwal! Teme melel te lec c'oemon ta asite, joinawotic bael jiche. Te lume, melel nix a ma spejc'an sbaic ta jyalel, ma xch'uunic mandal. Pasbon perdón yu'un a te jmul soque. Lumucotic me awu'un —xi' te Moisese.

Bible in Tzeltal Bachajón

⁹ Hich la yal: Cajwal, teme melel lec c'ohemon ta atojol, ac'a sjoquinotcotic bahel te Cajwaltique. Aunque tulan yo'tanic te pueblo ini, pasbotcotic perdón yu'un te jchopolilcotic soc te jmulcotic, soc ic'awotcotic te ha awu'un ya xc'ohotcotique, xchi.

Éxodo 34:9 Referans Kwoze

Salmos 33:12

Bin nax yutsil te lum te ja' Dios yu'un te Cajwaltique, ja' te lum stsaoj te yu'uninej stuquele.

Salmos 94:14

Te Cajwaltic ma ba ya spijt'es te lum yu'un; ma xyijq'uitay jilel stuquelic te mach'atic yu'unineje.

Deuteronomio 32:9

melel te bila ay yu'un te Cajwaltique, ja' te lum yu'une, ja' me te sts'umbal Jacob.

Salmos 135:4

Melel la stsa Jacob, ja' te Israel, swenta yu'un ja' sc'ulejal c'ot stuquel.

Salmos 28:9

Cajwal, coltaya te lum awu'une, ac'beya bendición te mach'atic awu'unineje. Canantaya me, jich bit'il te jcanan-chije; peta ta ac'ab spisil ora.

Jeremías 10:16

Mero yan yilel stuquel a te Dios yu'un Jacob, jchicnanteswanej yu'un spisil te bitic aye. La stsa Israel te mero yu'un stuquele. “Ajwalil te Spisil ya xju' yu'un”, xi' te sbiile.

Éxodo 32:9

Te Cajwaltic, jich la yalbey xan te Moisese: —Yacon ta yilel te alumale. La jna'ix stojol te mero tulan te yo'tanique.

Zacarías 2:12

Te Cajwaltic, ya me yic' xan ta stojol te Judá. Ya me yu'unin te ja' mero tsabil yu'un te ay ta ch'ul lumq'uinale, soc ya me yalbey xan sc'oplal te Jerusalén te ja' tsabil lum yu'une.

Salmos 78:62

Mero jajch'em sc'ajc'al yo'tan ta stojol te lum yu'un, ja' yu'un la yac' lajuc ta spuñal te scontroe.

Éxodo 19:5

Jich yu'un teme ya awaiybonic spisil jc'op, soc teme ya awich'bonic ta muc' te trato cu'une, mero lumex me cu'un, te ma'yuc yan lumetic ya spajex, melel ja' cu'un spamal te balumilale.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

Isaías 48:4

Melel jna'oj stojol te mero tulan te awo'tanique, te jich tulanex bit'il hierro, ma xju'ex ta puxel jichuc bronce.

Salmos 25:11

Cajwal, muc' te jmule, pasbon perdón; ac'a ta ich'el ta muc' te abiile.

Números 14:19

Melel te xc'uxul awo'tane, mero muc' ta jyalel, jich yu'un pasbeya perdón yu'un smulic, melel ats'icojbey c'alal ta Egipto ja' to c'alal ta bay q'uinal to —xi' te Moisese.

Éxodo 34:7

Ma xch'ay xc'uxul co'tan ta stojol jmil ta caj awal-anich'an. Ya jpasbey perdón yu'un te stoybailic, te xc'axintayel jmandal, soc spisil te smulique. Ja'uc me to, ma xch'ay castigo ta stojol te mach'a ay bila smulineje. Ya me cac'bey castigo yu'un stoybailic te sme'-static, te snich'nabic soc te snich'nabic uuc te snich'nabe, c'alal ta yoxcajal, xchancajal te yal-snich'nabe —xi' te Cajwaltique.

Deuteronomio 4:20

Te ja'exe la stsobex loq'uel tel ta Egipto te Cajwaltique, ta yutil horno yu'un yultesel taq'uin c'oem. Jich la yaq'uex te bit'il ayex ta ora in to: Ja'ex lumex yu'un stuquel.

Deuteronomio 9:18

Patil la jtinan jba coel c'alal ta lum ta stojol te Cajwaltique, jich nix te bit'il la jpas ta neelal toe. Cha'winic (40) c'aal soc cha'winic (40) ajc'ubal ma'yuc bi la jwe'elin. Jich la jpas ta scaj te mulil la apasique. Jich la awuts'inbeyic yo'tan te Cajwaltique, soc la awac' ilinuc ta atojolic.

Deuteronomio 9:26

Jich la calbey bayal wocol: “Cajwal, ma xalajin te lume, melel ja'at awu'un atuquel. Ja'at la acoltay loq'uel ta Egipto, la aloq'ues tel ta swenta smuc'ul yip awu'el.

Deuteronomio 9:29

Yan te ja'ate lum awu'un, ja'at awu'un ta spisilic. Ja'at la aloq'ues tel ta Egipto ta smuc'ul yip awu'el, soc ta swenta bit'il la atoy ac'ab”, xoon ta stojol Cajwaltic ta awentaic.

Miqueas 7:18

Ma'yuc yan Dios jich te bit'ilate, melel ya apasbey perdón yu'un te bila amen spasojique, soc ya ach'aybey ta awo'tan stoybail te lum te jilem xan jtebuque. Te ja'at ya awac'botic quiltic te xc'uxul awo'tan; soc ma'yuc ta awo'tan sbajt'el q'uinal te awilimbae.

Éxodo 33:12

Te Moisés jich la yalbey te Cajwaltique: —Ya calbat ta atojol, ja'at nix la awalbon te jo'on jtsobwanejon yu'un te lume; ja'uc me to, ma ba ya awalbon caiy te mach'a ya awac' sjoinon baele. Soc awalojbon te jun awo'tan ta jtojol: “Ya jna'bat aba ta lec soc lec c'oemat ta jsit”, te xaate.