Éxodo 34:7 - Bible in Tzeltal de Oxchuc y Tenejapa

⁷ Ma xch'ay xc'uxul co'tan ta stojol jmil ta caj awal-anich'an. Ya jpasbey perdón yu'un te stoybailic, te xc'axintayel jmandal, soc spisil te smulique. Ja'uc me to, ma xch'ay castigo ta stojol te mach'a ay bila smulineje. Ya me cac'bey castigo yu'un stoybailic te sme'-static, te snich'nabic soc te snich'nabic uuc te snich'nabe, c'alal ta yoxcajal, xchancajal te yal-snich'nabe —xi' te Cajwaltique.

Bible in Tzeltal Bachajón

⁷ ay sc'uxul yo'tan ta stojol bayel ta mil, ya spas perdón yu'un te bin chopol, te toybahil, soc te mulile; pero ma ba ya yal te mayuc smul te mach'a ay smul, ha ya ya'be stoj smul te me'iltatiletic te yal-snich'nabic soc smamatac c'alal ta yoxcajal soc schancajal te sts'umbalique, xchi.

Éxodo 34:7 Referans Kwoze

Salmos 103:3

Ja' te ya spasbon perdón yu'un spisil te bitic ma lecuc jpasoj; ja' te ya slamantesbon spisil te jchamel;

Efesios 1:7

La smanbotiquix jcoleltic ta swenta te xch'ich'ele. Jich la spasbotiquix perdón yu'un jmultic ta scaj te bayal yutsil yo'tan cu'untique.

Jeremías 32:18

Te ja'ate ya awac' ta ilel xc'uxul awo'tan jmil ta caj te alnich'anetique; ja'uc me to, ya awac'bey castigo ta scaj smulic te me'il-tatiletique. Ja'at muc' Diosat soc bayal awu'el, te abiile ja' “Ajwalil te Spisil ya xju' yu'un”.

1 Juan 1:9

Yan teme jamal ya caltic te jmultique, jna'ojtic stojol te jich ya spasbotic perdón te Diose, soc ya spocbotic loq'uel spisil ta jten te sbolil co'tantique. Yu'un toj yo'tan soc jun yo'tan stuquel te Diose.

Daniel 9:9

Pero Dios cu'untic, te ja'ate atalel ay xc'uxul awo'tan soc ay perdón ta awo'tan. Pero te jo'otic la jtoy jbajtic ta atojol.

Salmos 130:4

Pero ya jtatic perdón ta atojol, swenta yu'un jich ya quich'ticat ta muc'.

Job 10:14

ya atsajtayon awil teme ya jle jmule, swenta yu'un jich ya awac'on bael ta castigo yu'un a te falta cu'une.

Éxodo 23:7

“Ma me xawac' aba ta jowil leaw ta c'op te ya achajbanbey sc'oplal ta lajel te mach'a ma'yuc smul te toj yo'tane, yu'un ya me cac'bey castigo te mach'a ya sta smule.

Nahúm 1:6

¿Mach'a ya xju' yu'un te ya stejc'an sba ta stojol te yilimbae? ¿Mach'a ya xcujch' yu'un te sc'ajc'ale? Te sc'ajc'al yo'tan ya me spuc bael jichuc c'ajc', ya me xjat yu'un te muc'ul tonetique.

Daniel 9:4

La jc'opon te Cajwaltic te Dios cu'une, jich la calbey ta jamal: —Cajwal, muc' Diosat te Spisil ya xju' awu'une, spisil ora ya awac' c'otuc ta pasel te bi ya achape, soc ya awac'bey yil xc'uxul awo'tan te mach'atic c'uxat ta yo'tanique soc te ya xch'uunic spasel te mandaliletic awu'une.

Hebreos 12:29

Melel te Dios cu'untique, jich ay te bit'il c'ajc' te ya xju' ya xlajinwane.

Efesios 4:32

Ja' ya sc'an te talel c'axel ay yutsil awo'tan abaique, soc te pajal ya ac'uxtay abaique. Pasbeya abaic perdón jich te bit'il Dios la spasbeyex perdón ta swenta te Cristoe.

Salmos 86:15

Pero ja'at Cajwal, Diosat te ya xtal xc'uxul awo'tan ta jtojol, te ya ana'bon yo'bolil jba, soc te ma orauc ya x'ilinat ta jtojol. Bayal xc'uxul awo'tan, soc muc' te smelelil ac'ope.

Miqueas 7:18

Ma'yuc yan Dios jich te bit'ilate, melel ya apasbey perdón yu'un te bila amen spasojique, soc ya ach'aybey ta awo'tan stoybail te lum te jilem xan jtebuque. Te ja'at ya awac'botic quiltic te xc'uxul awo'tan; soc ma'yuc ta awo'tan sbajt'el q'uinal te awilimbae.

Nehemías 9:32

“Ja' yu'un yo'tic, Dios cu'untic, muc' Dios te spisil ya xju' awu'une, soc te ayat ta xi'ele, te cuxul awu'un te c'op chapal awu'un ta jtojoltique, soc te smuc'ul xc'uxul awo'tane, ayuc me sc'oplal ta awo'tan spisil te woclajel c'otix ta pasel ta stojol te muc' ajwaliletic cu'untic, te jwolwanejetic, sacerdoteetic, j'alwanejetic, soc te antiguo jme'-jtatic, soc ta spisil te yajwal lume, ja' to ta yorail te muc' ajwalil ta Asiria, c'alal ta ora in to.

Nehemías 1:5

Jich la cal: —Cajwal Dios ta ch'ulchan, te muc' Diosat soc te ayat ta xi'ele, te stalel ay awu'un te c'op chapal awu'une, soc te jun awo'tan ta stojolic te mach'atic c'uxat ta yo'tanique, te ya yaq'uic c'otuc ta pasel te mandaliletic awu'une,

Hechos 13:38

Jich yu'un, quermanotac, na'aic me stojol te yaquix ta alel ta atojolic te ayix perdón yu'un jmultic ta swenta te Jesuse.

Hechos 5:31

Dios la yaq'uix ta ich'el ta muc' ta swa'el sc'ab yu'un la yaq'uix ta Ajwalil soc ta Coltaywanej, swenta yu'un ya me yac'bey sujt'es yo'tanic ta stojol Dios te israeletique. Jich me ya spasbey perdón yu'un te smulique.

Josué 24:19

Ja'uc me to, te Josué la yalbey: —Te ja'exe ma xju' awu'unic te ya awac' abaic ta abatinel ta stojol te Cajwaltic, melel ch'ul Dios stuquel. Soc ma ba ya smulan te ya ale yantic diosetic. Ma ba ya sts'icbeyex te atoybailic soc te amulique.

Deuteronomio 32:35

yu'un ya xtuun te c'alal ya jsujt'esbey spacole, te ya cac'bey te bila lebil yu'unique; ja' te c'alal ya xc'ot yorail te ya x'ochic ta c'abale. ¡Nopolix yorail te ya yich'ic lajinel, nopolix yorail te ya xlajique!’, xi' te Cajwaltique.

Éxodo 23:21

Ma me q'uejeluc xawac' aba ta stojol. Ch'uunbeya sc'op, ma me toybaucat ta stojol, melel ja' me ya x'at'ej ta jwenta, soc ma xju' ya spasbeyex perdón yu'un te amulique.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

Apocalipsis 20:15

Soc la yich' ch'ojel ochel ta bay muc' pamal c'ajc' spisilic te mach'atic ma ba ts'ibubil sbiilic ta bay lista yu'un te cuxinele.

San Lucas 7:48

Jich te Jesús la yalbey te antse: —Pasbilatix perdón yu'un te amule —xi'.

San Lucas 7:42

Patil ma ju' yu'unic stojel. Jich yu'un te yajwal taq'uine ma la yac'bey sjeltay ta xchebalic. Ala caiytic: ¿Mach'a ta xchebalic te bayal c'ux ya yaiy ta yo'tan te mach'a ch'aybot sbet yu'une? —xi' te Jesuse.

San Mateo 12:31

“Jich yu'un ya calbeyex: Spisil mulil soc stoyba c'op te ants-winiquetique, ya spasbot perdón yu'un te Diose. Yan teme ya stoybac'optayic te Ch'ul Espiritue, ma xju' ya spasbot perdón yu'un stuquel.

Miqueas 6:11

¿Bit'il ya jpasbey perdón te mach'a ya stuuntes te slicjibal te la syantesix soc te lotil sp'isjibal yalale?

Isaías 45:21

Ac'a c'opojicuc soc ac'a stejc'an sbaic ta yaq'uel pruebaetic, ac'a sjojc'obey sbaic, teme jich yo'tanique: “¿Mach'a la sneeltesbey sc'oplal ta alel ta xjajch'ibal in bitic to? ¿Mach'a la yalbey sc'oplal c'alal ta namey tel?” xiuquic me. ¿Ma bal jo'ucon te Ajwalilone? Ma'yuc yan Dios jich bit'ilon. Ta jtojol ma'yuc yan Dios te ya yaiy tsalaw soc te ya xcoltaywane.

Salmos 136:15

Ja' te la yac' muluc ta Mar Rojo te faraón soc te soldadoetic yu'un, sbajt'el q'uinal ay te xc'uxul yo'tane.

Salmos 136:10

Ja' te la slajinbey spisil ba alaletic yu'unic te egipcioetique, sbajt'el q'uinal ay te xc'uxul yo'tane.

San Mateo 6:12

Pasbotic perdón yu'un te bila amen jpasojtique, jich te bit'il ya jpasbeytic perdón uuc te mach'atic amen bila spasojbotique.

Génesis 19:16

Te bit'il yoquelal ma xloc' te Lot, te cheb winiquetic la stsacbeyic sc'ab, soc la stsacbeyic sc'ab te yinam soc te cheb yantsil-nich'nabe. La yiq'uic loq'uel ta lum te bit'il ayic ta c'uxtayel yu'un te Diose.

Éxodo 33:19

Te Cajwaltic la sjac': —Ya jpas te ya jc'asesbat ta asit spisil te cutsilale, soc ya cal jilel ta atojol te jbiile. Chican co'tan jtuquel te mach'a ya jc'uxtaye, soc chican co'tan te mach'a ya jna'bey yo'bolil sbae.

Éxodo 34:9

Jich la yal: —¡Cajwal! ¡Cajwal! Teme melel te lec c'oemon ta asite, joinawotic bael jiche. Te lume, melel nix a ma spejc'an sbaic ta jyalel, ma xch'uunic mandal. Pasbon perdón yu'un a te jmul soque. Lumucotic me awu'un —xi' te Moisese.

Deuteronomio 7:9

Ja' yu'un na'aic me ta lec te bit'il te Cajwaltic te Dios cu'untic ja' mero Dios stuquel. Jun yo'tan ya yac' c'otuc ta pasel ta stojol ta cajalcaj sts'umbal te mach'a ay trato chapal yu'un soque, ja'ic te mach'atic c'ux ya yaiy ta yo'tanic, soc te ya xch'uunic spasel bael te mandaliletic yu'une.

Deuteronomio 7:10

Pero jc'axel me ya slajin stuquel te mach'atic ya x'ilayot yu'une. Ja' ni me ya yac'bey ta swentaic te bitic lebil yu'unique. ¡Ma wocoluc ya yac'bey te bila sleojic te mach'atic ya x'ilayot yu'une!

1 Reyes 8:30

Aiybon te ya xc'opojon ta atojol, soc aiybeya sc'op te lum Israel awu'une, te c'alal ya jc'oponat ta templo in to. Aiybon awaiy jc'op c'alal ta ch'ulchan te banti nainemate, pasbotic me te perdone.

2 Crónicas 30:9

Teme ya sujt'ex tel ta stojol te Cajwaltic, te acontro te chuculic yu'un ta ora to te awermanotac soc te anich'nabic, ya me xtal xc'uxul yo'tan ta stojolic, soc ya me sticunic sujt'el ta jlumaltic. Melel te Cajwaltic Dios cu'untic ya sna' yo'bolil jbajtic, soc jc'uxtaywanej stuquel, ma ba jc'axel ya xch'ojex bael teme ya sujt'ex tel ta stojole”, xi' bael te scartae.

Jeremías 9:24

Teme ay mach'a toyol nax q'uinal ya yaiye, ja'uc me toyemuc nax q'uinal ya yaiy yu'un te ya sna'bon jbae, te ya sna' te jo'on Ajwalilon, te ya x'at'ejon ta balumilal soc xc'uxul co'tan, te toj ya caiy chajbanwaneje. Ja' me ya smulan co'tan. Jo'on Ajwalilon jich ya cal —xi'.

1 Reyes 8:32

aiya stojol c'alal ta ch'ulchan, pasa awat'el ta stojol, toj me xachajpan te abatetic awu'une. Ac'beya scuch smul te mach'a ay smule, ac'a c'otuc ta swenta te castigo yu'un te bila amen spasoje, soc toj me xachajpan te mach'a ma'yuc smule, chican te bila ya xc'ot ta swenta ta juju-jtule.

Salmos 25:11

Cajwal, muc' te jmule, pasbon perdón; ac'a ta ich'el ta muc' te abiile.

Salmos 99:8

Cajwal, Dios cu'un, ja'at la ajac'bey te sc'opique. Ja'at te Diosat yu'un te jpas-perdone, pero la nix awac'bey castigo yu'un te bitic amen la spasique.

Salmos 109:14

Ac'a me sna' Cajwaltic te bitic ma lecuc spasoj te state; soc xujt' ma me xch'aybey smul te sme'e.

Jeremías 30:11

Jo'on Ajwalilon, jich ya cal, joinejat swenta yu'un ya jcoltayat. Ya me jin spisil te nacionetique, ja' te bay la jpuquex baele. Yan te ja'ate ma ba ya jinat; ja' nax ya cac'bat castigo jich te bit'il ya sc'an te awat'ele; ma me jichuc nax ya quijq'uitayat jilel te ma xcac'bat castigo —xi' te Cajwaltique.