Éxodo 34:6 - Bible in Tzeltal de Oxchuc y Tenejapa

⁶ C'ax ta stojol te Moisés, tulan a c'opoj: —¡Jo'on Ajwalilon! ¡Jo'on Ajwalilon! Jo'on te Dioson te ya jna'bat yo'bolil aba, soc t'ujbil yutsil co'tan. Ma orauc ya x'ilinon, soc mero muc' xc'uxul co'tan. Ma jpasat ta lot.

Bible in Tzeltal Bachajón

⁶ Te Jehová c'ax bahel ta stojol Moisés soc hich la yal: ¡Jehová! ¡Jehová! te ay bayel sc'uxul yo'tan soc te ay yutsil yo'tan, ma orahuc ya x'ilin, mero muc' sc'uxul yo'tan soc stalel jun yo'tan,

Éxodo 34:6 Referans Kwoze

Salmos 86:15

Pero ja'at Cajwal, Diosat te ya xtal xc'uxul awo'tan ta jtojol, te ya ana'bon yo'bolil jba, soc te ma orauc ya x'ilinat ta jtojol. Bayal xc'uxul awo'tan, soc muc' te smelelil ac'ope.

Joel 2:13

Sujt'anic tel ta stojol te Awajwalic, te Dios awu'unique. Jatsaic jichuc pac' te awo'tanique, ma ja'uc x'ajatsic te ac'u'ique. Melel te Cajwaltique, sts'ujetotic ta yo'tan, ya sna' yo'bolil jbajtic; ay perdón ta yo'tan stuquel, mero c'uxotic ta yo'tan. Spisil ora ya xju' yu'un te ya slajinbey sc'oplal te castigoe.

Salmos 145:8

Te Cajwaltic t'ujbil yutsil yo'tan, ya sna' yo'bolil jbatic; ay xc'uxul yo'tan stuquel, ma x'ilin ta ora.

Nehemías 9:17

Ma ba la sc'an la xch'uunic, soc ma la sna'ic te bitic muq'uic sc'oplal la apas ta swenta sna'beyel yo'bolil sbaique. Mero tulan la yac' sbaic. Jich la yac'beyic yat'el te jwolwanej te ya x'ic'otic xan sujt'el ta mozoil ta Egipto. Pero te ja'ate Jpas-perdonat, ya ana' yo'bolil jbajtic, sts'ujetotic ta awo'tan, ma orauc ya x'ilinat, soc muc' te xc'uxul awo'tane. Ja' yu'un ma ba la apijt'es.

Jonás 4:2

La sc'opon te Cajwaltic, jich la yal ta sc'oponel: —Cajwal, la nix jna' te c'alal ayon to ta jlumal a te bila ya xc'ot ta pasele. Ja' swentail te c'an anucon bael ta Tarsis. Melel jna'oj te ja'at Diosat te mero bayal yutsil awo'tan, te bayal ya ana' yo'bolil jbajtique, soc te ma orauc ya x'ilinate. Mero bayal te xc'uxul awo'tan. Manchuc me ya awal ya awac' castigo, pero patil ma ba ya awac' c'otuc ta pasel.

Salmos 86:5

Melel ja'at Cajwal, buen lec awo'tan soc jpas-perdonat atuquel; mero jc'uxtaywanejat yu'unic te mach'atic ya yalbat wocole.

2 Crónicas 30:9

Teme ya sujt'ex tel ta stojol te Cajwaltic, te acontro te chuculic yu'un ta ora to te awermanotac soc te anich'nabic, ya me xtal xc'uxul yo'tan ta stojolic, soc ya me sticunic sujt'el ta jlumaltic. Melel te Cajwaltic Dios cu'untic ya sna' yo'bolil jbajtic, soc jc'uxtaywanej stuquel, ma ba jc'axel ya xch'ojex bael teme ya sujt'ex tel ta stojole”, xi' bael te scartae.

Miqueas 7:18

Ma'yuc yan Dios jich te bit'ilate, melel ya apasbey perdón yu'un te bila amen spasojique, soc ya ach'aybey ta awo'tan stoybail te lum te jilem xan jtebuque. Te ja'at ya awac'botic quiltic te xc'uxul awo'tan; soc ma'yuc ta awo'tan sbajt'el q'uinal te awilimbae.

Deuteronomio 5:10

Yan te mach'atic c'uxon ta yo'tanic te ya xch'uunbonic te jmandale, ya jc'uxtay mil ta caj soc yal-snich'anic stuquelic.

Salmos 138:2

Ya me jquejan jba, ya me cac' bael jsit ta stojol te ch'ul templo awu'un, swenta yu'un ya calbat wocol yu'un te xc'uxul awo'tan soc te bila melel awaloje. Melel ta spisil te bitic ay, ja'at nix toyol ayat yu'unic, soc te ac'op, ja' nix toyol yu'unic.

Salmos 116:5

Te Cajwaltic toj yo'tan stuquel, ya sna'botic yo'bolil jbatic; te Dios cu'untic mero c'ax t'ujbil xc'uxul yo'tan.

Salmos 108:4

Melel te xc'uxul awo'tane c'axem to xan muc' yu'un a te ch'ulchane; te yutsil awo'tan staoj c'oel te ch'ulchane.

Romanos 2:4

¿Ya bal ap'aj te bayal xc'uxtayejat te Dios te bit'il jal c'aal ya xmaliywane? ¿Yu'un bal ma ba c'oem ta awo'tan te ja' swentail te bit'il ayat ta c'uxtayel yu'une te yacuc asujt'es awo'tan ta stojol te Diose?

Salmos 111:4

Ma'yuc bay ch'ayem ta co'tantic ta jpisiltic te bitic jchajp nax yutsil spasoje. Te Cajwaltic t'ujbil yutsil yo'tan ta sna'el yo'bolil jbatic;

Salmos 112:4

Jich me te bit'il luz ta yolil ijc' q'uinal, te ya xojobaj ta stojol mach'atic te lec yo'tanique. Ya sna' yo'bolil jbatic, t'ujbil yutsil yo'tan soc toj te yo'tan.

Salmos 57:10

Melel te xc'uxul awo'tane, Cajwal, c'oem smuc'ul c'alal ta ch'ulchan; te bit'il jun awo'tan ta jtojol ma'yuc slajibal, c'oem c'alal ta syaxal ch'ulchan.

Éxodo 22:27

melel ja' nax me jlijc' te sc'u' te ya smuc sba yu'un a te sique. Teme ma jichuc ya apasbeye, ¿bila ya sc'u'in ta wayel? Jich yu'un teme ya sc'anbon coltayele, ya me jcoltay, melel jc'uxtaywanejon jtuquel.

Miqueas 7:20

Cajwal, junuc me awo'tan soc ayuc me xc'uxul awo'tan, te jich nix jamal la awal ta namey ta stojol te antiguo jme'-jtatic ja' te Abraham soc Jacob.

Lamentaciones 3:23

Ta jujun sab ya x'ach'ub; ¡mero ma xyanaj ta jyalel te xc'uxul yo'tane!

San Juan 1:17

Melel ta swenta Moisés ac'bototic te mandalile. Yan te yutsil-o'tanile soc te bila melele, ja' chicnaj ta swenta stuquel te Jesucristoe.

Salmos 91:4

ya me sluts'at ta yet'al xic' c'oem, jich me jun awo'tan. Te bit'il jun yo'tan ta atojol ya me scanantayat; ja' amajq'uil c'oem.

Salmos 31:19

Mero muc' yutsil awo'tan ta swenta te mach'atic ya yich'at ta muq'ue. Te yutsil awo'tan ya aq'uej jichuc c'ulejalil, te ya apucbey ta comonsitil te mach'atic smuc'ulinejat yo'tanique.

Isaías 12:4

Jich yu'un, ya me awalic: “Alaic wocol soc c'oponaic te Cajwaltique, albeya yaiyic nacionetic te bitic spasoje, ac'beya sna'ic stojol te ja' cajal yu'un ta spisile.

Salmos 111:8

Melel tulan ayic ta sbajt'el q'uinal; xchajbanej ta toj soc ta smelelil.

1 Reyes 19:11

Te Cajwaltic jich albot yu'un: —Loc'an tel ta fuera, tey xatejc'an aba ta jtojol, ta sba te witse —xi' sc'oplal. Ja' nix yorail a c'ax te Cajwaltique. Tal mero tulan ic' soc buen tulan yip te la swuy te witstiquile soc wuy te tonetic ta stojol Cajwaltic, pero te Cajwaltic ma ba tey ay a ta iq'ue. C'alal c'axix a te iq'ue, tal nijq'uel, pero ja' nix jich ma ba tey ay a te Cajwaltic ta nijq'uele.

Salmos 146:6

Ja' la spas ch'ulchan, balumilal, soc mar, soc spisil te bitic aye. Melel te bila ya yal, ya xc'ot ta pasel.

Santiago 5:11

Jich ay ta co'tantic te bin nax me yutsilic te mach'atic ya sts'ijc' yu'unic te swocolique. Jich bit'il Job, te awaiyojbeyic stojol sc'oplal te bit'il ts'ijc' yu'un te swocole, soc ana'ojic te bit'il c'ot ta loq'uel yu'un Cajwaltic ta patile. Melel te Cajwaltique bayal xc'uxul yo'tan soc ya sna' yo'bolil jbajtic stuquel.

Éxodo 20:5

Ma me xaquejan aba ta stojolic, ma me xach'uunic. Melel jo'on Ajwalilon te Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal.

Éxodo 33:19

Te Cajwaltic la sjac': —Ya jpas te ya jc'asesbat ta asit spisil te cutsilale, soc ya cal jilel ta atojol te jbiile. Chican co'tan jtuquel te mach'a ya jc'uxtaye, soc chican co'tan te mach'a ya jna'bey yo'bolil sbae.

Deuteronomio 4:31

te bit'il mero lec yo'tan stuquel, ma me ba ya spijt'esex, soc ma me ba ya slajinex. Ma ba ya xch'ay ta yo'tan te trato la spas soc te antiguo ame'-atatic, te jc'axel yaloj te ya sc'otes ta pasele.

Deuteronomio 32:3

Ya me calbey sbiil te Cajwaltique: ¡Na'beyaic xan me te smuc'ul yu'el te Dios cu'untique!

1 Reyes 8:30

Aiybon te ya xc'opojon ta atojol, soc aiybeya sc'op te lum Israel awu'une, te c'alal ya jc'oponat ta templo in to. Aiybon awaiy jc'op c'alal ta ch'ulchan te banti nainemate, pasbotic me te perdone.

Eclesiastés 8:11

melel te bit'il ma ba la yich' castigo ta ora yu'un te bila amene, ay me mach'a ja' ya xbajt'ix yo'tan ta spasel te bila amene.

Isaías 65:16

Mach'auc a ta lumq'uinal te ya sc'an bendición, ja' me ya sc'anbey te Dios te jun yo'tan ta melele; soc mach'auc ta lumq'uinal te ya sta ta alel Dios a te bila ya xchape, ja' me jich ya spas ta swenta Dios te jun yo'tan ta melele. Te woclajeletic ta neelal to tele, ch'ayemix ta o'tanil, ch'ayiquix ta jc'axel ta jsit stuquel.

Jeremías 9:24

Teme ay mach'a toyol nax q'uinal ya yaiye, ja'uc me toyemuc nax q'uinal ya yaiy yu'un te ya sna'bon jbae, te ya sna' te jo'on Ajwalilon, te ya x'at'ejon ta balumilal soc xc'uxul co'tan, te toj ya caiy chajbanwaneje. Ja' me ya smulan co'tan. Jo'on Ajwalilon jich ya cal —xi'.

Jeremías 32:18

Te ja'ate ya awac' ta ilel xc'uxul awo'tan jmil ta caj te alnich'anetique; ja'uc me to, ya awac'bey castigo ta scaj smulic te me'il-tatiletique. Ja'at muc' Diosat soc bayal awu'el, te abiile ja' “Ajwalil te Spisil ya xju' yu'un”.

Nahúm 1:3

Te Cajwaltic sts'icojbey to te smule; ja'uc me to, muc' te yu'ele. Ma xch'aybey castigo ta stojol te mach'a ay smule. Te Cajwaltic ya scajtijibin ta beel te tulan iq'ue; te tocaletic jich c'oem te bit'il tan te ya xwil te c'alal ya xbeene.

Génesis 24:27

jich la yal: —Bin nax awutsil, Cajwal te Diosat yu'un te cajwal Abraham, te jun awo'tan la ac'uxtaybon te cajwale. La atojteson tel ta be, la awic'on tel li'to ta sna te yermanotac te cajwale —xi'.

Números 12:8

melel ya join jba ta c'op soc, chican ta lec te jc'op soque, ma ta señailuc nax. Jich yu'un te bit'il ya yilbon jsit, ¿bistuc ya atoy abaic ta slabanel? —xi' te Cajwaltique.

2 Samuel 24:14

Te David la sutbey sc'op te Gad: —Mero tenbilon ya caiy. Yo'tic, ja' lec teme ja' ya x'ochotic ta sc'ab te Cajwaltic, te bit'il mero bayal ya sna' yo'bolil jbajtic stuquele, ma ja'uc ya x'ochotic ta sc'ab te winiquetique —xi'.

Proverbios 3:3

Ma me xawijq'uitay te c'uxul-o'tanil soc ma me xch'ay ta awo'tan te bila smelelile; chuca me ta anuc' jichuc ualil spisil ora, ts'ibuya me ta yolil awo'tan.