Éxodo 34:35 - Bible in Tzeltal de Oxchuc y Tenejapa

³⁵ Te bit'il ya yilic israeletic te xojobajem yelaw te Moisese, jich ya xcha'mac xan ta pac' te yelawe, ja' to c'alal ya xcha'och xan ta c'op soc te Cajwaltique.

Bible in Tzeltal Bachajón

³⁵ Te snich'nab Israel c'alal ya yilic te sit yelaw Moisés, ya yilic te ay sts'anabul, hich ya scha'muc xan ta pac' te sit yelaw ha to c'alal ya xcha'och xan ta c'op soc te Diose.

Éxodo 34:35 Referans Kwoze

Filipenses 2:15

Jich ma x'ata amulic a, soc ma me ayuc bila quechel ta awentaic. Jich me lequil alnich'anex yu'un Dios ta yolil te ants-winiquetique te amen yo'tanique soc te ixta yo'tanique. Jich me xojobajemex ta yolilic te bit'il eq'uetic te ya xojobaj ta ijc' q'uinale.

San Juan 5:35

Te Juan jich c'ot ta atojolic te bit'il luz te chicnaj q'uinal ta atojolic yu'une. In te ja'exe ay sbujts' awo'tanic yu'un jun chebuc c'aal te luz yu'une.

San Mateo 13:43

Te mach'atic toj yo'tanic ta stojol te Diose, ya me xojobajic jich bit'il te c'aal ta ba ay ta ajwalinel te Jtatique. Te mach'a ay xchiquine, ac'a me yaiy stojol ta lec.

San Mateo 5:16

Ja' nanix jich te ja'exe tilemex jichuc luz ta stojol te ants-winiquetique, melel teme ya yilic te lequil at'elil ya apasique, jich me ya yalbeyic yutsilal te Jtatic te ay ta ch'ulchane.

Daniel 12:3

Te mach'atic ay sp'ijilique, te la yiq'uic ta beel tsobol ta jtul ta tojil bee, jich me xojobil ya xc'otic te bit'il xojobil te ch'ulchane. Xlemet me xojobil sbajt'el q'uinal, jich te bit'il xlemet xojobil te eq'uetique.

Eclesiastés 8:1

¿Mach'a ya spaj sba soc te mach'a ay sp'ijile? ¿Mach'a ya sna'bey swentail te bitic aye? Te p'ijil-o'tanile ya sacubtesbey q'uinal ta stojol te winique; ya stse'en sit-yelaw ya xc'ot yu'un soc ya xlecub sit-yelaw yu'un.

2 Corintios 3:13

Ma jichuc ya jpastic te bit'il la spas te Moisese, te la smac ta pac' sit yelaw, swenta yu'un ma ba ya yilic a te israeletic te bit'il ya xtup' te xojobil yelaw te ma ba jalaje.

Éxodo 35:1

Te Moisés la stsob spisil te slumal israeletic, jich la yalbey: —Te Cajwaltic la yalbon mandal te bila ya sc'an ya yich' pasel, jich la yal: