Éxodo 34:29 - Bible in Tzeltal de Oxchuc y Tenejapa

²⁹ Jich coj tel Moisés ta wits Sinaí. La yich' coel tel ta wits te cha'pejch' ton yu'un te mandaliletique. Te c'alal coj tel ta wits ma la sna' stojol teme xojobajem yelaw te bit'il la sjoin sba ta c'op soc te Cajwaltique.

Bible in Tzeltal Bachajón

²⁹ Te c'alal co tal ta wits Sinaí te Moisés soc yich'oj ta sc'ab te cha'pehch ton yu'un te Testigo-c'op, ma ba la sna' te Moisés teme ay sts'anabul te sit yelaw yu'un te la sjuc sba ta c'op te Diose.

Éxodo 34:29 Referans Kwoze

San Mateo 17:2

C'atp'uj ta sitic tey a te Jesuse. Te sit yelawe xlemet nax jich bit'il te c'aale, soc buen sac c'ot te sc'u'-spaq'ue.

San Lucas 9:29

Te c'alal yac ta sc'oponel Dios a te Jesuse, c'atp'uj sit yelaw. Te sc'u'-spaq'ue xlemet nax xojobil a c'ot.

Éxodo 32:15

Jich yu'un te Moisés coj tel ta wits. La yich' tel ta sc'ab te cha'pejch' ton yu'un te mandaliletic te xchebal spat ts'ibubile.

Apocalipsis 1:16

Ta swa'el sc'ab sloch'oj juqueb eq'uetic. Soc yac ta loq'uel puñal ta ye te xcha'jejch'el ay yee. Te sit yelawe xlememet nax xojobil jich bit'il c'aal te bayal yip ya xtile.

2 Corintios 3:13

Ma jichuc ya jpastic te bit'il la spas te Moisese, te la smac ta pac' sit yelaw, swenta yu'un ma ba ya yilic a te israeletic te bit'il ya xtup' te xojobil yelaw te ma ba jalaje.

Apocalipsis 10:1

Soc la quil coj tel ta ch'ulchan yan ch'ul abat te bayal yipe. Potsol tel ta tocal soc ay arco iris joyol ta sjol. Te sit yelawe xlememet nax xojobil jich bit'il te c'aale. Te yacane jich yilel te bit'il muc'ul oy te tsajxojan nax sc'aale.

Hechos 6:15

Jich te mach'atic nacalic ta Muc'ul Tsobleje, spisilic la stojlinbeyic ta ilel sit te Estebane. La yilic te pajal sit yelaw soc ch'ul abat yu'un Dios te site.

San Juan 5:13

Ja'uc me to, te winic te colemixe, ma la sna' te mach'a coltayot yu'une. Melel te Jesús la xch'ay sba ta yolilic te ants-winiquetique.

Hechos 12:9

Jich te Pedro la sts'aclin loq'uel te ch'ul abate. Ma la sna' teme melel te bila yac ta spasel te ch'ul abate. La scuy ta swaich nax.

Hechos 23:5

La yal te Pabloe: —Quermanotac, ma la jna' teme ja' te muc' sacerdotee, melel ya yal te ts'ibubil ta Sjun te Diose: “Ma me xabolc'optay te mach'a yich'oj yat'el ta alumale”, te xie —xi' te Pabloe.

San Lucas 2:49

La yal te Jesuse: —¿Bistuc te yacalex ta leawe? ¿Yu'un bal ma x'ana'ic te ya sc'an ya cat'elin te bila ay yu'un te Jtate? —xi' te Jesuse.

San Marcos 9:6

Te Pedro ma la sna' te bila la yal yu'une, melel bayal xiwenic te jnopojeletique.

Jueces 16:20

Awun te Dalila: —¡Sansón, ya slumtayat te filisteoetique! —xi'. Te Sansón wijc' te site. La scuy te ya to xju' scoltayel xan sba, jich bit'il la spasulay ta jujun buelta. Ma ba sna'oj stojol te ijq'uitaybilix yu'un te Cajwaltique.

Josué 8:14

C'alal la yil te ajwalil yu'un Hai te scontroe, loq'uic tel ta animal soc spisil te swinictaque, swenta yu'un tal stsal sba soc te israeletic te banti ya xchicnaj spamlej yu'un Jordán. Mero ma la sna' teme ay yantic israeletic snac'oj sbaic ta bay spat te lume.

Josué 2:4

Ja'uc me to, nac'biliquix yu'un te Rahabe. Jich yu'un la yalbey te abatetic yu'un te ajwalile: —Melel te ay winiquetic te julic tel ta jtojole, pero ma la jna' stojol te bay talemique.

San Marcos 14:40

Cha'tal xan ta bay te jnopojeletique. Ja' nanix jich wayajtic la sta, yu'un mero bayal te swayelique. Jich ma la sna'beyic sujt'esel te sc'ope.

Éxodo 16:15

C'alal la yil te israeletic, te bit'il ma sna'beyic sba, jich la yalbey sbaic: —¿Bila a? —xiic. Te Moisés jich la yal: —Ja' me te jwe'eltic yu'un Cajwaltic te la yac'botique.

Éxodo 31:18

Te c'alal laj yo'tan ta c'op soc Moisés ta wits Sinaí te Cajwaltic, la yac'bey ta sc'ab te cha'pejch' ton te ay mandaliletic tey a, te sts'ibuyej ta sc'ab stuquel te Diose.

Deuteronomio 10:5

La yac'bon ta jc'ab. C'alal la quich', coon tel ta wits. Te cha'pejch' tonetic la cac' ochel ta yutil te cajón, jich nix te bit'il la spason ta mandal te Cajwaltique. Tey la cac' a te tonetique.

Eclesiastés 8:1

¿Mach'a ya spaj sba soc te mach'a ay sp'ijile? ¿Mach'a ya sna'bey swentail te bitic aye? Te p'ijil-o'tanile ya sacubtesbey q'uinal ta stojol te winique; ya stse'en sit-yelaw ya xc'ot yu'un soc ya xlecub sit-yelaw yu'un.

Éxodo 34:35

Te bit'il ya yilic israeletic te xojobajem yelaw te Moisese, jich ya xcha'mac xan ta pac' te yelawe, ja' to c'alal ya xcha'och xan ta c'op soc te Cajwaltique.