Éxodo 34:28 - Bible in Tzeltal de Oxchuc y Tenejapa

²⁸ Te Moisés la sjoin te Cajwaltic cha'winic c'aal soc cha'winic ajc'ubal. Mero ma ba we', soc ma'yuc bi la yuch' tey a. La sts'ibuy tey a ta pejch'el tonetic te c'opetic yu'un te trato, ja' te lajuneb mandaliletique.

Bible in Tzeltal Bachajón

²⁸ Te Moisés la sjoquin te Jehová tey a cha'winic c'ahc'al soc cha'winic ahc'abal; ma ba la swe' pan soc ma ba la yuch' ha'. La sts'ihbay ta pehchel tonetic te c'opetic yu'un te chapbil-c'op, ha te lajuneb mandariletique.

Éxodo 34:28 Referans Kwoze

Éxodo 34:1

Te Cajwaltic, jich la yalbey te Moisese: —Waluya atuquel te cha'pejch' tonetic, ja' me ya apaj soc te bit'il ay ta neelale, swenta yu'un ya me jcha'ts'ibuy tey a te c'opetic ay ta sbabial tonetic te la awuye.

Deuteronomio 4:13

Te Cajwaltic la yalbeyex awaiyic te trato chajbanbil yu'une, ja' te lajuneb mandalil la sts'ibuy ta cha'pejch' tonetic, te la spasex ta mandal te ya ach'uunic spasel baele.

Éxodo 24:18

Och bael Moisés ta yolil te tocale, mo xan bael ta wits. Tey jalaj cha'winic c'aal soc cha'winic ajc'ubal a.

Deuteronomio 9:25

Te bi ora la yal te Cajwaltic te jc'axel ya slajinexe, la jtinan jba coel c'alal ta lum ta stojol Cajwaltic cha'winic (40) c'aal soc cha'winic (40) ajc'ubal.

Deuteronomio 9:18

Patil la jtinan jba coel c'alal ta lum ta stojol te Cajwaltique, jich nix te bit'il la jpas ta neelal toe. Cha'winic (40) c'aal soc cha'winic (40) ajc'ubal ma'yuc bi la jwe'elin. Jich la jpas ta scaj te mulil la apasique. Jich la awuts'inbeyic yo'tan te Cajwaltique, soc la awac' ilinuc ta atojolic.

Éxodo 32:16

Te pejch'el tonetic ja' la spas stuquel te Diose, soc ja' nix te Dios la xch'ojtilay ta ts'ibuyele.

Éxodo 31:18

Te c'alal laj yo'tan ta c'op soc Moisés ta wits Sinaí te Cajwaltic, la yac'bey ta sc'ab te cha'pejch' ton te ay mandaliletic tey a, te sts'ibuyej ta sc'ab stuquel te Diose.

2 Corintios 3:7

Te mandalil yu'un Moisés te ay lajel ta swenta, la yich' ch'ojtilayel ta ts'ibuyel ta pejch'el tonetic. Te c'alal jich yac ta c'oel ta pasele, ay bayal xojobil te yutsilale. Jich te israeletique ma ju' yu'unic yilel sit yelaw te Moisese, yu'un bayal xojobajem te site. Ja'uc me to, c'unc'un tup' te xojobile. Teme jich ay yutsilal te mandaliletic te ay lajel ta swentae,

Deuteronomio 9:9

Te jo'one moon bael ta wits, ja' ba quich' tel te cha'pejch' tonetic, ja' te pejch'el tonetic yu'un te trato la spas ta atojolic te Cajwaltique. Tey jalajon cha'winic (40) c'aal soc cha'winic (40) ajc'ubal a, xujt' ma ba we'on.

San Mateo 4:2

Te c'alal la spas ayuno cha'winic c'aal soc cha'winic ajc'ubal te Jesuse, la yaiy wi'nal.

San Lucas 4:2

Tey ain cha'winic c'aal a, soc tal ta ilel yo'tan yu'un te pucuje. Xujt' ma ba we' te jich yipal c'aal tey ae. Patil la yaiy wi'nal.

Éxodo 34:10

Te Cajwaltic, jich la yal: —Aiya awaiyic stojol: Yo'tic ya jpas trato soc spisil te alumale. Ya me jpas jchajp señailetic te ma'yuc bay pastajem ta spamal balumilal, ni jpamuc lum. Spisil jyanlumetic te sjoytayejexe, ya me yilbonic cat'el, melel jchajp nax yutsil te bila ya jpas ta atojolique.

Deuteronomio 10:10

“Cha'winic (40) c'aal soc cha'winic (40) ajc'ubal jalajon ta wits, jich nix jalajon te bit'il jalajon ta sbabiale. Soc la yaiybon jc'op te Cajwaltic, jich ma ba la slajinex ta jc'axel.

1 Reyes 19:8

Te Elías jajch', och ta we'el ta uch'ajel. Te we'elil ac'bot yip yu'un, been cha'winic (40) c'aal soc cha'winic (40) ajc'ubal, ja' to c'ot c'alal ta Horeb, ja' te wits yu'un te Diose.

Deuteronomio 10:5

La yac'bon ta jc'ab. C'alal la quich', coon tel ta wits. Te cha'pejch' tonetic la cac' ochel ta yutil te cajón, jich nix te bit'il la spason ta mandal te Cajwaltique. Tey la cac' a te tonetique.