Éxodo 34:27 - Bible in Tzeltal de Oxchuc y Tenejapa

²⁷ Te Cajwaltic, jich la yalbey te Moisese: —Ts'ibuya te c'opetic te ja' mero yiptajib te trato ya jchaptic ja'at soc te israeletique —xi'.

Bible in Tzeltal Bachajón

²⁷ Te Jehová la yalbe te Moisés: Ts'ihbaya te c'opetic ini, como ta scuenta te c'opetic ini la jchap jc'op ta atojol soc ta stojol Israel, xchi.

Éxodo 34:27 Referans Kwoze

Éxodo 24:4

Te Moisés la sts'ibuy spisil te bila la yal te Cajwaltique. Ta yan c'aal ta buen sab jajch' ta spasel scajtijib ta chiq'uel te milbil smajt'an Dios ta yet'al wits. La slats lajchayeb tonetic te ch'ultesbilique, jujun ta swenta juju-jchajp sts'umbal te israeletique.

Deuteronomio 31:9

Te Moisés jich la sts'ibuy ta jun te mandaliletic, la yac'bey ta sc'abic te sacerdote-levitaetique, ja'ic te mach'atic ay ta swentaic yich'el bael te cajón yu'un trato yu'un te Cajwaltique, soc ta spisil mamaletic te yich'oj yat'elic yu'un Israel.

Deuteronomio 4:13

Te Cajwaltic la yalbeyex awaiyic te trato chajbanbil yu'une, ja' te lajuneb mandalil la sts'ibuy ta cha'pejch' tonetic, te la spasex ta mandal te ya ach'uunic spasel baele.

Éxodo 17:14

Te Cajwaltic la yalbey te Moisés: —Ts'ibuya ta libro swenta yu'un ya me yich' na'el. Albeya te Josué, ya me jtup'bey ta jc'axel sna'jibal te amalequetique —xi'.

Éxodo 34:10

Te Cajwaltic, jich la yal: —Aiya awaiyic stojol: Yo'tic ya jpas trato soc spisil te alumale. Ya me jpas jchajp señailetic te ma'yuc bay pastajem ta spamal balumilal, ni jpamuc lum. Spisil jyanlumetic te sjoytayejexe, ya me yilbonic cat'el, melel jchajp nax yutsil te bila ya jpas ta atojolique.

Éxodo 24:7

La stsacbey slibroil te trato, soc la yawtaybey yaiy ta stojol te lume. Jich la yalic yu'un: —Ya me jpastic spisil te bila ya sc'an te Cajwaltic, ya me jch'uunbeytic te sc'ope —xiic.