Éxodo 34:26 - Bible in Tzeltal de Oxchuc y Tenejapa

²⁶ “Ja' me x'awich'ic bael ta templo ta jtojol jo'on Ajwalilon te Dioson awu'unic, ta bay mero lequic sba sit awawal-ats'unubic. “Ma me xapay alal tentsun ta ya'lel xchu' te sme'e —xi' te Cajwaltique.

Bible in Tzeltal Bachajón

²⁶ Te banti mero lec yu'un te sba sit te ya xloc' ta aq'uinal ya me awich' bahel ta sna Jehová te Dios awu'une. Ma me xapay te alal tentsun ta ya'lel schu' te sme'e, xchi te Jehová.

Éxodo 34:26 Referans Kwoze

Éxodo 23:19

“Te bay mero lec sba sit te awawal-ats'unubic, ya me awich'ic tel ta templo cu'un te Ajwalilon te Dioson awu'unique. “Ma me xapay alal tentsun ta ya'lel xchu' te sme'e.

Deuteronomio 14:21

“Ma me xati'ic te chambalam ya xlaj ta stuquel nax, melel te ja'exe, ch'ultesbilex yu'un te Cajwaltic te Dios cu'untique. Ya me xju' ya awac'bey te jyanlumetic nainemic ta alumalique, ya me xju' ya sti'ic stuquel. Soc ya xju' ya achonbeyic te jyanlumetic c'axel nax ayique. “Ma me xapayic ta ya'lel xchu' sme' te ch'in tentsune.

Deuteronomio 26:2

ya me atsac te sba sit te awawal-ats'unub te ya yac'bat te lumq'uinale, ya me apach bael ta moch ta yawil te banti stsaoj yu'un yawil sbiil te Cajwaltic te Dios cu'untique.

1 Corintios 15:20

Ja'uc me to, smelelil te cha'cux tel ta bay animaetic te Cristoe. Ja' sbabial cha'cux tel yu'un te mach'atic wayemique.

San Mateo 6:33

Ja' me xaleic neeluc te bit'il ay ta ajwalinel te Diose soc te bila toj ta pasel yu'une. Jich me ya yesmantesbeyex spisil te bila ya xtuun awu'unique.

Deuteronomio 26:10

Ja' yu'un la quich' tel yo'tic te sba sit te lumq'uinal la awac'bon ja'at te Cajwalat te Diosat cu'untique”, xaat me. “Ja' me yorail a ya me apajch'anbey ta stojol te Cajwaltic te Dios cu'untique, soc ya me aquejan aba ta stojol.

Santiago 1:18

Ta swenta sc'anjel yo'tan stuquel te la yac' cha'ayinucotic xan ta swenta te smelelil c'ope, swenta yu'un sba sit yawal-sts'unub ya xc'ootic ta bay spisil te yat'el spasoje.

Levítico 23:10

—Albeya te israeletic te bila ya calbate: “Te c'alal ya x'ochex bael ta q'uinal te ya cac'beyexe, te c'alal ya aset'ic te bila sbabial ya xloc' sit, ya me awac'beyic ta stojol sacerdote te sba tomol ya xloc' ta set'el awu'unique.

Levítico 23:14

Ja' to bi c'aalil te ya awich'ic bael te majt'anil ya awac'bonic ta jtojol jo'on te Ajwalilone, ma me xju' ya awe'ic waj, soc ma me xju' ya ac'uxic bila ch'ilbil, ni te bila stseele. Te jmandal stalel me ya xjil, ya me xch'uunic me'il-tatiletic soc alnich'anetic ta cajalcaj ta bayuc te ya xnainexe.

Números 15:20

Ya me awac'bonic jtebuc harina te loq'uel to te sbabial ya yich' wots'el, ya me achajbanbonic waj jmajt'anin.

Números 18:13

Ja' te sbabial sit awalts'unubil ya xloc' ta tsobel te ya xtal yac'bonic, ja' me awu'un te ja'ate. Mach'auc ay awu'un te lec sc'oplale, ya me swe'elinic.

Nehemías 10:35

La yich' na'el cu'untic ta jujun ja'wil te ya quich'beytic bael ta templo yu'un Cajwaltic te sba sit te bi ya xloc' cu'untique, soc sit te te'etic cu'untic te lec ta lo'ele.