Éxodo 34:25 - Bible in Tzeltal de Oxchuc y Tenejapa

²⁵ “Te c'alal ya amilbonic jmajt'anin te achambalamic, ma me x'awich'bon tel xch'ich'el soc waj te yich'oj levadura. Ma me xaq'uej te sobrail majt'anil yu'un Pascua ta swenta yan c'aal.

Bible in Tzeltal Bachajón

²⁵ Ma me xawa'bon te sch'ich'el te milbil jmahtan soc te bin yich'oj levadura, soc ma me ayuc bin ya xhil yu'un pajel yu'un te milbil mahtanil yu'un te Q'uin Pascua.

Éxodo 34:25 Referans Kwoze

Éxodo 23:18

“Te chambalametic ya amilbonic ta jtojol, ma me xawac'bonic xch'ich'el soc te waj yich'oj levadura. Ma me xaq'uej te xepuil ta swenta yan c'aal.

Éxodo 12:10

Ma me xawijq'uitayic ta swenta yan c'aal. Teme ay to ya xjil jtebuque, ya me achiq'uic.

Deuteronomio 16:3

“Te milbil chambalametic, ma me xati'ic soc waj te yich'oj levadura. Juqueb me c'aal ya awe'ic waj te ma ba yich'oj levadura, melel ja' me te waj swenta woclajel, melel animaltic nax loq'uex tel ta Egipto. Te jayeb c'aal cuxulex, ja' ya scoltayex ta sna'el te bi c'aalil loq'uex tel ta Egipto.

Números 9:12

soc ma me ayuc ti'bal ya yijq'uitay ta yan c'aal, ni ma me sc'asbey jilel jch'ixuc sbaquel. Pasaic te q'uin, ja' xat'unic spisil te mandalil te cac'oje.

Levítico 7:15

“Te sbaq'uetal te chambalam ya yich' aq'uel swenta yalel wocol ta jtojol soc swenta te lamal-o'tanile, ya me sc'an te ja' nix te sc'aalelal te bi ora ya yich' aq'uel te ya yich' ti'el spisil te sbaq'uetale; ma xju' ya yich' q'uejel jxujt'uc yu'un yan c'aal.

Éxodo 29:34

Teme ay to jil jtebuc ta yan c'aal te waj soc te ti'bal te la yich'ic ch'ultesel yu'un a te Diose, chic'a me. Ma me mach'a ya swe', melel yu'un Dios.

Éxodo 12:20

Jich yu'un ya calbeyex ma me xawe'ic te waj yich'oj levadura. Bayuc ya x'ainex ma me xawe'ic”, uta me —xi' te Diose.

Éxodo 12:8

Ta ajc'ubal me, wobil me ta c'ajc' ya ati'ic te ti'bale, te ya sjoin ta tuuntesel awu'unic te ch'aal itaj soc te waj te ma ba yich'oj levadura.

San Mateo 13:33

Ay yan seña-c'op te la yal te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te levadura te la scap ta wots'el soc oxp'is harina te antse, ja' to te pujc' yip ta sc'olol —xi' te Jesuse.

Levítico 2:11

“Ma me xawac'beyic slevadurail te majt'anil harina te ya awac'bonic jmajt'anin jo'on te Ajwalilon, melel ma xju' ya achic'bon jmajt'anin ni levadura, ni chab.

Deuteronomio 16:4

Te juqueb c'aal ma me ayuc levadura ta spamal te alum-aq'uinalique. Te ti'bal ya yich' aq'uel ta milbil majt'anil ta sbabial c'aal ta mal c'aalil, ma me xju' ya xjilix yu'un xchebal c'aal.