Éxodo 34:24 - Bible in Tzeltal de Oxchuc y Tenejapa

²⁴ Jo'on me ya jin loq'uel ta atojolic te lumetique. Ya me jmuc'tesbeyex te aq'uinalique. Ma'yuc mach'a ya snop te ya yu'uninbeyex aq'uinalic te c'alal ya xtal atejc'an abaic ta jtojol oxeb buelta te jujun ja'wile.

Bible in Tzeltal Bachajón

²⁴ Ya jten loq'uel ta atojol te nacionetic soc ya jmuc'ubtesbat te aq'uinale. Mayuc mach'a ya sbic'tal-o'tantaybat aq'uinal te c'alal ya xtal atehc'an aba oxeb buelta ta jujun ha'bil ta stojol Jehová te Dios awu'une.

Éxodo 34:24 Referans Kwoze

Salmos 78:55

La sloq'ues ta stojol Israel te mach'atic ma ba ch'uunbil yu'une; ta juju-jchajb sts'umbal Israel la spucbey ta sejpelsejp te q'uinale, soc la yac' nainuc ta scampamentoic.

Éxodo 33:2

Ya me jticun tel te ch'ul abat cu'une, ja' me ya yic'at bael. Ya me jticun loq'uel te cananeoetic, amorreoetic, hititaetic, ferezeoetic, heveoetic soc te jebuseoetique.

Hechos 18:10

melel joinejat. Ma'yuc mach'a ya xyal sc'ab te ay bila amen ya spasbate, yu'un ay bayal ta jtul te mach'a cu'un li'to ta bay in lum to —utot yu'un.

Proverbios 16:7

Te mach'a lec yat'el ya x'ilot yu'un Cajwaltic, ya xlamaj yo'tanic yu'un te scontrotaque.

Deuteronomio 12:20

“Te c'alal ya smuc'tesbeyex bael aq'uinalic te Cajwaltic te Dios cu'untique, jich te bit'il yaloje, teme ya yal awo'tanic sti'el ti'bale, ya xju' ya ati'ic ta biluc nax ora.

Salmos 80:8

Ta Egipto la aloq'ues tel jun ts'usubil; la ach'oj loq'uel te mach'atic ma ba xch'uunejate, ja' la ats'un tey a te ts'usubile.

1 Crónicas 4:10

Te Jabes la sc'opon te Dios yu'un Israel, jich la yal: —Ya calbat wocol te ya awac'bon bendición soc te ya awac'bon bayal jq'uinale. Ya me acoltayon, soc ma me xawac' staon te bitic ya yac'bon jwocol —xi'. Te Dios la yac'bey te bi la sc'ane.

Deuteronomio 19:8

Teme spisil ora ya apasic bael te bila ya yal te mandaliletic ya cac'beyex ta ora in to, ja' te c'ux ta awo'tanic te Cajwaltic te Dios cu'untique, soc te spisil ora ya at'unic te be yu'une, te Cajwaltic te Dios cu'untique, te ya yac'beyex spisil te q'uinale jich te bit'il la yalbey te antiguo ats'umbalique, ya me smuc'tesbeyex te aq'uinalique. Jich me ora ya aleic xan oxeb lumetic yu'un anjibaletic.

Deuteronomio 7:1

“Te Cajwaltic te Dios awu'unique ya me yiq'uex ochel ta lumq'uinal te ya yac'beyex awu'uninique. Ya xch'ojbeyex loq'uel ta asitic jucpam nacionetic te mero muq'uic soc te bayal yipique, te c'axem jich yipic a te bit'il ja'exe. Ja'ic te hititaetic, gergeseoetic, amorreoetic, cananeoetic, ferezeoetic, heveoetic soc te jebuseoetique.

Génesis 35:5

Jajch'ic ta beel. Te jaychajp lum ta banti ayique, ma ba nutsotic yu'un, melel ac'bot xiwel ta yo'tanic yu'un Dios, jich ma ba nutsotic.

Job 1:10

Te ja'at ma xawac' te ay bila ya xtaot yu'un, ni ja'uc te mach'atic ay yu'un, soc ni ja'uc te bitic ay yu'une. Ja'at ya awac'bey bendición spisil te bitic ya spase. Ja' nax mero jc'ulej winic ta swenta te xchamsbalam.

2 Crónicas 17:10

Spisil te ajwaliletic yu'un te nacionetic te ayic ta sjoyobal sq'uinal Judá, la xi'ic te Cajwaltic, jich ma'yuc mach'a jelaw te la yac'bey guerra te Josafat.

Levítico 18:24

“Ma me ayuc x'aboltes abaic ta swenta te bitic la calixe. Melel ja' boloben c'ot yu'un te yajwal lumetic ya jch'ojbeyex loq'uel ta atojolic,

Éxodo 34:11

“Ch'uunaic te jmandal la calbeyex te naxe. Ya me jticunbeyex loq'uel ta atojolic te amorreoetic, cananeoetic, hititaetic, ferezeoetic, heveoetic soc te jebuseoetique.

Deuteronomio 16:16

“Spisil te winiquetic puersa me ya xtal stejc'an sbaic oxeb buelta ta stojol Cajwaltic Dios ta jujun ja'wil, tey me ta yawil te banti tsabil yu'un te Cajwaltique, ta yorail te q'uinetique: te q'uin yu'un Waj te ma ba yich'oj levadura, te q'uin yu'un Semanaetic, soc te q'uin yu'un Nailwamal. Ma me ayuc jtuluc te jochol sc'ab ya xtal stejc'an sbaic ta stojol te Cajwaltique.

Salmos 120:1

Te c'alal ay jwocol, ya cawtay te Cajwaltique, te Cajwaltic ya sjac'bon te jc'ope.

Génesis 15:18

Jich yorail a te Abram albot yu'un te Cajwaltic ta swenta trato: —Yu'un ats'umbal ya xc'ot cu'un in q'uinal to c'alal ta beja' yu'un Egipto, c'alal ta muc'ja' Éufrates,

1 Reyes 5:1

Te Hiram, muc' ajwalil yu'un lum Tiro, la yaiy stojol te la yaq'uiquix ta muc' ajwalil te Salomón swenta sjelol te anima David, ja' te state. La sticun abatetic yu'un ta stojol, melel te Hiram spisil ora lec yo'tan ta stojol David.