Éxodo 34:21 - Bible in Tzeltal de Oxchuc y Tenejapa

²¹ “Waqueb me c'aal ya x'at'ejex, ta sjuquebal c'aal ya me acux awo'tanic. Manchuc me yorailix ts'unbajel, o teme yorailix c'ajoj, puersa me ya acux awo'tanic.

Bible in Tzeltal Bachajón

²¹ Waqueb c'ahc'al ya x'a'tejat, yan te shuquebal c'ahc'al ya me acux awo'tan; aunque yorahil joc'-lum o yorahil c'ajoj, ya me acux awo'tan.

Éxodo 34:21 Referans Kwoze

Éxodo 23:12

“Waqueb me c'aal xapas spisil te bitic ay ta pasel awu'une. Ta sjuquebal c'aal ya me acux awo'tan. Jich me ya xcux yo'tanic uuc te awacax soc te aburroe. Jich me ya xcha'yich' xan yip a te awabat soc te mach'a q'uejel taleme.

San Lucas 13:14

Yan te mach'a yich'oj yat'el ta sinagoga, ilin yo'tan yu'un te bit'il Jesús la slamantesbey xchamel ta sc'aalelal cux-o'tan. Jich caj yalbey te mach'a stsoboj sbaique: —Ay waqueb c'aal te ya xju' ya x'at'ejotique. Ja' me yorail ya xtalex a te ya awac' ta lamantesel te achamelique. Ma me ja'uc ta sc'aalelal cux-o'tan —la yut.

1 Samuel 8:12

Ya me yac'bey yich' yat'elic ta jtsobwanej yu'un jmil (1,000) ta jtul soldadoetic, yan yu'un ya x'ac'bot stsob lajuneb yoxwinic (50) ta jtul. Soc ay me ya x'ochex ta joc'-lum yu'un, soc ya me x'ochex ta c'ajoj, soc ta at'el ta spasel at'ejibaletic yu'un guerra, soc ta spasel carretaetic yu'un.

Deuteronomio 21:4

Ya me yiq'uic coel ta muc'ja' te spisil ora ay ya'lel, soc te ma'yuc bi ora yich'oj pasel yawil ts'unubil soc te ma'yuc bila ts'unul tey a, tey ni me ya sc'asbeyic snuc' a te ch'in wacaxe.

Éxodo 35:2

“Waqueb me c'aal ya x'at'ejex. Yan ta sjuquebal c'aal ja' me cux-o'tan awu'unic. Ch'ultesbil cu'un swenta me quich'jibal ta muc' awu'unic. Te mach'atic ya spas yat'elic a, ya me x'ac'otic ta lajel.

San Lucas 23:56

C'alal sujt'ic bael ta na, la xchajbanbeyic xpoxil sbaq'uetal te bujts'an nax yiq'ue. Jich la xcux yo'tanic ta sc'aalelal cux-o'tan, jich te bit'il ya yal te mandalile.

Isaías 30:24

Soc ay lec swe'elic te jelawen sbujts' ya yaiyic te j'at'el-wacaxetic soc te burroetic te ya x'at'ejic ta aq'uinale.

Génesis 45:6

Melel xchebalix ja'wil sjajch'el wi'nal ta balumilal, soc jo'eb xan ja'wil sc'an te ma'yuc awal soc ma'yuc c'ajoj.

Éxodo 31:15

Ja' yu'un, waqueb me c'aal ya x'at'ejex. Yan te sjuquebal c'aal cux-o'tan meix abi, ja' me yu'unix te Cajwaltique. Te mach'atic ya x'at'ej a te bi c'aalil yu'un cux-o'tan, ya me x'albot te ya xc'ot lajel ta swenta, xi' me te jmandale.

Levítico 23:3

“Waqueb nax me c'aal ya x'at'ejat, te sjuquebal c'aal ma me ayuc bila at'elil ya apas a. Melel ja' te c'aal mero tsabil yu'un sc'aalelal cux-o'tan, soc ay me ch'ul tsoblej awu'unic a. Ta bayuc ayex, ja' me c'aal yu'un cux-o'tan ta swenta quich'jibal ta muc' jo'on te Ajwalilone.

Nehemías 13:15

Ja' nix ta yorail a la quil ta sq'uinal Judá te ay mach'atic ya st'us ta yacanic sts'usubic yu'un vino ta sc'aalelal cux-o'tanil, soc la scuchic tombil trigoetic, te burroetic yu'unique la yac'beyic scuch vino, soc chexelchex ts'usubetic, soc higoetic soc ta spisil te ijc'atsiletic. Ta sc'aalelal cux-o'tan la yich'ic bael ta Jerusalén. Ja' yu'un la calbey ta sit te ma xyaiyic chonbajel a ta c'aal in to.