Éxodo 34:20 - Bible in Tzeltal de Oxchuc y Tenejapa

²⁰ Te sba yal me' burra ya me awac'bey sjelolin jcojt' chij, o teme jcojt' tentsun. Teme ma jichuc ya awaq'uique, ya me amilic ta c'asbeyel snuc' te ch'in burroe. Yan te sba anich'anic, lebeyaic me sjelol te ja' ya awac'bonic jmajt'anine. Ma me ayuc mach'a ya xtal yilon teme ma'yuc bila ya yich'bonic tel jmajt'anin.

Bible in Tzeltal Bachajón

²⁰ Yan te sba-quelmal burro ya me ajeltay ta jcoht tut tuminchij; teme ma ba yac ajeltay, ya me awac'be snuc'. Ya me ajeltay spisil te aba-nich'anique. Soc ma me ayuc mach'a ya xtal ta jtojol te mayuc bin yich'oj ta sc'ab.

Éxodo 34:20 Referans Kwoze

Deuteronomio 16:16

“Spisil te winiquetic puersa me ya xtal stejc'an sbaic oxeb buelta ta stojol Cajwaltic Dios ta jujun ja'wil, tey me ta yawil te banti tsabil yu'un te Cajwaltique, ta yorail te q'uinetique: te q'uin yu'un Waj te ma ba yich'oj levadura, te q'uin yu'un Semanaetic, soc te q'uin yu'un Nailwamal. Ma me ayuc jtuluc te jochol sc'ab ya xtal stejc'an sbaic ta stojol te Cajwaltique.

Éxodo 23:15

Ya me apasbon jq'uin swenta te waj ma ba yich'oj levadura. Ja' yu'un juqueb c'aal ya me awe' waj te ma ba yich'oj levadura, jich me te bit'il calojbat mandale. Ja' me yuil te Abib te jich u te loq'uex tel ta Egipto. Ma me xtal awilonic teme ma'yuc bila ya awich'bonic tel jmajt'anine.

Éxodo 13:13

Spisil te sba yal te me' burra ya me ajel ta chij o tentsun, ja' me sjelol ya xc'ot. Teme ma jichuc ya awac'bey te Cajwaltique, ya me amilic te ch'in burroe. Jich ni me ya awac'beyic sjelolin chij te sba anich'anic te ya awac'beyic smajt'anin te Cajwaltique.

Números 18:15

“Spisil te sba yal israel-antsetic, soc te sba yal te xchamsbalamic ya yac'bonic, ja' me awu'un. Ja'uc me to, te sba yal israel-antsetic, soc te sba yal chambalametic te ma lecuc sc'oplal, ya me ac'anbey te ya yac'bon taq'uin ta swenta.

Éxodo 13:15

soc te bit'il tulanaj yo'tan te faraón te ma la yac'otic loq'uele. Jich la yich' ejch'entesel ta lajel sba snich'anic te egipcioetic soc te sba yalatac te xchamsbalamique. Ja' me swentail te ya cac'beytic smajt'anin Cajwaltic teme stat te sba yal te jchambalamtic te ja' sjelol ya xc'ot te sba jnich'antique.

2 Samuel 24:24

Pero te muc' ajwalil la sjac': —Lec te ac'ope, pero puersa me ya jmanbat jo'on. Ya me jtojbat te bit'il stojole, melel ma xju' ya cac'bey ta chic'bil smajt'an te Cajwaltic Dios cu'un te bila ma tojbiluc cu'un —xi'. Jich la sman te David te q'uinal soc te wacaxetique, lajuneb yoxwinic (50) ta jsejp plata la stoj ta spisil.

Éxodo 13:10

Jich yu'un ya me sc'an ya yich' pasulayel swenta jujun ja'wil te bit'il nix te mero sc'aalelale.

Éxodo 22:29

“Ma me wocoluc ya awich'bonic tel jmajt'anin sba sit te awawal soc te sba ya'lel te ats'usube. “Ya me awac'bonic te sba anich'anique.

Éxodo 13:12

ya me awac'beyic Cajwaltic te sbabial aquerem-nich'anique. Jich nix me te c'alal ya x'ayin yalatac te achambalamic, ja' me yu'un te Cajwaltique.