Éxodo 34:16 - Bible in Tzeltal de Oxchuc y Tenejapa

¹⁶ Soc repente ya yac'beyex yantsil-nich'nabic te ya yic' sbaic soc te aquerem-nich'nabique. Jich yu'un, te c'alal ya xba yaiyic mulwej ta xch'uunel te diosetic yu'unic te yinamique, tey me ya yac' sbaic ta pejc'anel uuc te anich'nabique.

Bible in Tzeltal Bachajón

¹⁶ o yac awa'be yic' yihnamin te aquerem-nich'nab te yantsil-nich'nabic, soc te c'alal te yantsil-nich'nabic ya yac' sbahic ta antsinel c'ohem yu'un te diosetic yu'unic, ya me yaq'uic te ha nix ya yantsin sbahic c'ohem te aquerem-nich'anic soc te diosetic yu'unique.

Éxodo 34:16 Referans Kwoze

Esdras 9:2

Ja'ic soc snich'nabic te nujbinic soc te yantsil-nich'anic te winiquetic in to. Ja' yu'un te lum yu'un te Diose la scap sba soc te jyanlum-ants-winiquetique. Te mach'atic sbabial la spasic te mulil in to, ja'ic te mach'atic jwolwanejetic soc te mach'atic ay yat'elique —xi'.

Nehemías 13:25

La cut yu'un, soc la calbey te buen amenique. Ay la jmaj, soc la jbulbey stsotsil sjolic. La cac' puersa te jc'axel ya yalic ta jamal ta stojol Dios te ma'yuc bi ora ya yaq'uiquix permiso te ya xnujbin xan soc jyanlumetic te yantsil-nich'nabic; soc ma ba ya yiq'uic uuc te jyanlum-antsetique. Soc jich la calbey xan:

Nehemías 13:23

Soc ta c'aal in to, la quil te ay judioetic te nujbinemic soc asdod-antsetic, amon-antsetic, soc moab-antsetic.

Josué 23:12

Ya me jc'an te ya ana'ic in to: Teme ya awijq'uitay ta awo'tanic te Diose, soc teme ya acap abaic soc te ants-winiquetic te jilem ta awolilic, soc teme ay ya xnujbinex soque, te Cajwaltic te Dios cu'untic ma ba ya sloq'uesbeyex ta awolilic. Jich me ya xtuun ta atojolic te bit'il ya syaquex ta lazo soc te bit'il pejts', swenta yu'un tey ya x'ochex a te ja'exe. Jich me ya xc'ot te bit'il smajibal apatic, soc jich bit'il ch'ix ya x'och ta asitic, ja' to me ni jtuluc ya xjilex li'to ta q'uinal te mero lec, te la yac'beyex te Cajwaltic te Dios cu'untique.

Jueces 3:6

Te snich'nab israeletic, queremetic ach'ixetic, la yic' sbaic soc te queremetic ach'ixetic yu'un te lumetic, soc la xch'uunic te loc'ombaetic yu'unique.

Jueces 14:3

Ja'uc me to, te sme'-stat la yalbey: —¿Bi yu'un te ya xba ale awinam ta bay filisteoetic te ma'yuquic ta stojol te Diose? ¿Yu'un bal ma'yuc ach'ixetic yu'un quermanotactic soc ta spisil te israeletique? —xi'. Te Sansón la sjac': —Yu'un ya jmulan te ach'ix, soc ja' ya sc'an co'tan te ya quinamin —xi'.

1 Reyes 11:1

Te Salomón ma ja'uc nax te yantsil-nich'an faraón te la yic' yinamin, la to yic' xan jyanlum-antsetic a: moab-antsetic, amon-antsetic, edom-antsetic, sidon-antsetic, hitita-antsetic,

Esdras 9:12

Soc la awalbotic te ma xju' ya jnujbin cantsil-nich'nabtic soc squerem-nich'nabic, soc ma xju' ya xnujbin jquerem-nich'nabtic soc yantsil-nich'nabic uuc. Soc la awalbotic te ma me ayuc bi ora ya xbajt' co'tantic ta slamantesel q'uinal ta stojolic, ni slebeyel yutsilalic te ants-winiquetic in to, swenta yu'un jich mero ya me jcanantay jbajtic a soc mero tulan ya x'ainotic a, soc ya me jwe'beytic te bitic lec ta q'uinale, soc ya me cac'beytic jilel yu'unin te jts'umbaltic ta sbajt'el q'uinale.

Nehemías 10:30

Jich la yalic: —Ma ba ya cac'tiquix ta nujbinel cantsil-nich'antic soc te yajwal te lumq'uinale, soc ja' nix jich ma ba ya jc'antic te ya xnujbin soc jquerem-nich'nabtic te yantsil-nich'nabique.

Génesis 24:3

ya me awalbon ta stojol te Cajwaltic, te Dios yu'un ch'ulchan soc balumilal, te bit'il ma ba tey ya alebon yinam jnich'an te bay yantsil-nich'anic te cananeoetic te ayon ta yolilique.

Levítico 21:15

swenta yu'un ma xbolob te sts'umbale, melel jo'on Ajwalilon te ch'ultesbil cu'une —xi' te Cajwaltique.

Jueces 3:5

Jich te israeletic jajch' sjoin sbaic ta q'uinal soc te cananeoetic, hititaetic, amorreoetic, ferezeoetic, heveoetic soc te jebuseoetique.

Jueces 8:27

Te Gedeón la spas jun efod a te oro. La yac' ta lum Ofra, ja' te slumale. Spisil te israeletic chebaj yo'tanic ta stojol Cajwaltic ta scaj te efod. Ja' nax syacjibal c'ot a te Gedeón soc spisil te mach'atic ay yu'une.

1 Reyes 21:25

(Ma'yuc mach'a yan jich te bit'il Acab, te sujot yu'un yinam, ja' te Jezabel, te la spas te bila amen ta pasel ta sit te Cajwaltique.

2 Crónicas 21:11

Soc la spasbeyix toyol ch'uunjibaletic ta witstiquil yu'un Judá. Ja' tey la yac' bolobuc a te mach'atic yajwal Jerusalén, jich la sta smulic ta stojol Cajwaltic, soc la spasbey te ya xjowejic ta jyalel te Judá.

Nehemías 10:31

Teme ay ya xtal xchonbotic ta yorail cux-o'tanil te bi ya xloc' yu'unic te yajwal te lumq'uinal, soc ta spisil te sit yawal-sts'unubique soc yawalique, ma ba ya jmanbeytic. Ma xju' ta manel ta yorail cux-o'tan, soc ni ta yorail q'uinetic cu'untic. Ja' nix jich, ta sjuquebal ja'wil ya cac'beytic xcux yo'tan te jq'uinaltique, soc ya jpasbeytic perdón te mach'a ay sbet cu'untique.

Salmos 106:39

la sboltes sbaic melel mulwej la spasic a ta spisil te yat'elique.

Oseas 1:2

Jich jajch' yal te Cajwaltic ta stojol Oseas: —Te israeletic yac ta mulwej c'oem te bit'il loq'uic ta jtojole. Ja' yu'un, jich me ya apas te ja'ate: Baan, ic'a jtul jmulawil ants. Alaj-nich'najan soc. Jich te alaletique, yalatac jmulawil ants, xi' me sc'oplal —xi' te Cajwaltique.