Éxodo 34:15 - Bible in Tzeltal de Oxchuc y Tenejapa

¹⁵ “Ma me xapasic trato soc te mach'atic nainemic ta bay te q'uinal, melel te c'alal ya spejc'an sbaic ta xch'uunel te diosetic yu'unic, soc te c'alal ya yac'beyic milbil smajt'anic, repente ya yiq'uex ta spasel, jich ya ati'beyic smajt'an te ya yac'beyique.

Bible in Tzeltal Bachajón

¹⁵ Ha yu'un ma me xachap ac'op soc te mach'atic nahinemic tey ta q'uinal, como te c'alal ya yantsin sbahic c'ohem soc te diosetic yu'unic soc te ya ya'beyic milbil smahtan, ya yic'at, soc yac awe' te milbil mahtaniletic ac'bilic yu'unic,

Éxodo 34:15 Referans Kwoze

Jueces 2:17

Ja'uc me to, te israeletic ma la yich'ic ta muc' te juecetique. Jc'axel chebaj yo'tanic ta stojol Cajwaltic, la xch'uunic loc'ombaetic te scuyojic ta diosetique. Te antiguo sme'-static la xch'uunbeyic te mandaliletic yu'un Cajwaltic; yan stuquelic ma ja'uc la snopbeyic te yo'tanique.

1 Corintios 8:4

Jich yu'un te bit'il ay sc'oplal te we'elil yu'un te milbil majt'anil yu'un te loc'ombaetique, jna'ojtic stojol te tojol ay ta balumilal te loc'ombaetique, te melel jun nax te Diose, ma'yuc yan.

Salmos 106:28

La yac' sbaic ta mosoinel yu'un te lotil dios Baal-peor; la sti'beyic te milbil smajt'an ti'bal diosetic te ma cuxuluque.

Deuteronomio 31:16

Te Cajwaltic jich la yalbey te Moisés: —Nopolix ya xlajat. Te lum in to ya me xc'ax bolob ta jc'axel ta swenta te xch'uunel diosetic yu'un te yantic lumq'uinaletic te ya xba yich'e. Jich me ya xch'ayon ta yo'tanic, ya me sjinic te trato jpasoj soque.

Números 25:2

melel ic'otic bael ta swe'el te milbil majt'anil la yac'beyic te lotil diosetic yu'unique. Te israeletic jich ochic ta we'el, soc la squejan sbaic ta stojol te diosetic yu'un te moabetique.

1 Corintios 10:27

Soc teme ay ya yiq'uex ta we'el te mach'a ma ba xch'uunej te Diose, ya xju' xbaex teme jich awo'tanique. Ti'a me te bila ya xpajchanbotat tele. Ma me x'ajojc'oy, swenta yu'un ma me xjajch' ta aiyej awo'tan yu'un.

1 Corintios 8:10

Melel teme ay mach'a la yilat te nacalat ta we'el ta smesa te loc'ombaetique, te mach'a ma'yuc yip yo'tane jich me ya sc'ain sti'el uuc te milbil smajt'an te loc'ombaetique.

1 Corintios 8:7

Ja'uc me to, ay to tsobol te ma to c'oemuc ta yo'tanique. Melel ay to cha'oxtul te c'aemic ta xch'uunel te loc'ombaetique. C'alal ya sti'beyic te milbil majt'anil yu'un te loc'ombaetique, te bit'il ma'yuc yip te yo'tanique, jich ya scuyic te ya xbolobic yu'un a.

Jeremías 3:9

Ma'yuc swocolil ta pasel la yaiy te la sboltes a te lumq'uinale. Mero ma junuc yo'tan ta jyalel, ba xch'uun te tonetic soc te te'etique.

Levítico 17:7

Tey ma'yuquix bi ora ya yac'beyic milbil smajt'an a te pucujetique, ja' te la xch'uunic ta neelal to soc ja' ta scaj te bolobenique. Ja' jmandal in to ma'yuc bi ora ya xlaj sc'oplal awu'unic, te ya me sc'an ya yich' ch'uunel yu'un tatiletic soc nich'aniletic ta cajalcaj bael.

Éxodo 34:12

“Ma me xapasic trato soc te c'alal ya x'ochex tey a, swenta yu'un ma me yaq'uex ochel ta spejts'ic.

Apocalipsis 2:20

Ja'uc me to, ay amul jtebuc ta jtojol, ja' te bit'il ma'yuc bi ya awalbey te ants te Jezabel sbiile, te j'alwanej yu'un Dios ta sc'ope, soc te ya yac'bey snopic te abatetic cu'un te ya spasic te mulweje soc te ya sti'ic te milbil smajt'an lotil diosetique.

Oseas 9:1

Israel, ma me binuc nax awo'tan; ma me xwilat yu'un sbujts' awo'tan jich bit'il yantic lum. Melel la apas mulwej c'oem a te bit'il la awijq'uitay ta awo'tan te Dios awu'une. Ta yawilic smajibal trigo, ta bay ya yich' loq'uesel te site, bin nax awo'tan yu'un te tey ya awich'bey stojol a te amulweje.

Oseas 4:12

Te lum cu'un ay bila ya sjojc'obeyic te yajcananic te spasojic ta te'; ta swenta snabate'ic ya sta ta sc'opic te sujt'ibe. U'uninbilic yu'un mulwej te lum cu'une, jich yu'un st'unojic nix jowil beetic a. Te ya spasic mulweje, jich ya yijq'uitayonic te Dioson yu'unique.

Salmos 73:27

Te mach'atic ya xc'ubic ta atojol, ya me xlajic; ya me alajin te mach'atic ma junuc yo'tanic ta atojole.

Esdras 6:9

Ma me xquejch'aj ta aq'uel, jujun me c'aal ac'a yich'ic aq'uel te sacerdoteetic ta Jerusalén te bitic ya sc'ane. Chican te bi ya yalique, soc spisil te bila ya xtuun yu'unique, teme ch'in wacaxetique, teme chijetique, o teme ch'in alal chijetic yu'un ya xtuun yu'unic, yu'un ya yac'beyic chic'bil smajt'an te Dios ta ch'ulchane, o teme trigoe, teme ats'ame, vino, o aceite.

Deuteronomio 7:2

Te c'alal bi ora ya yac'beyex ta ac'abic te Cajwaltic te Dios cu'untic te nacionetic, soc te bi ora ya atsalique, jc'axel me ya ajinic, ma me ayuc bila ya achapic soc te nacionetique. Ma me x'ana'beyic yo'bolil sbaic.

Números 15:39

Jich yu'un te c'alal ya awilic te stsijts'mal, tey me ya ana'ic spisil te mandaliletic te cac'ojbeyexe, soc jich me ya ach'uunic. Jich ma ba ya awich'-o'tantay abaic soc te bila ya snop awo'tanic, teme ma junuc awo'tanic ta jtojole.

Éxodo 34:10

Te Cajwaltic, jich la yal: —Aiya awaiyic stojol: Yo'tic ya jpas trato soc spisil te alumale. Ya me jpas jchajp señailetic te ma'yuc bay pastajem ta spamal balumilal, ni jpamuc lum. Spisil jyanlumetic te sjoytayejexe, ya me yilbonic cat'el, melel jchajp nax yutsil te bila ya jpas ta atojolique.

Éxodo 23:32

“Ma me xapas trato soc, ni ma me bi xanopic yu'un te diosetic yu'unique.

Hechos 15:20

Ja' nax ac'a jts'ibubeytic sjunic te ya calbeytic te ma me swe'elinic te we'elil te ma lecuc sc'oplal te ac'bil ta jmajt'anil ta stojol te loc'ombaetique, soc te ma me xyalic ta mulil, soc te ma sti'beyic sti'balul ta bay ts'otbil nax snuc' te yich'oj milele, soc te ma stuuntesic te ch'ich'e.

Éxodo 22:20

“Te mach'a ya yac'bey milbil smajt'an lotil dios, teme ma ja'uc ya yac'bey stuquel te Cajwaltique, jc'axel me ya yich' chajbanel sc'oplal ta milel.

Éxodo 32:8

Ora nax la yijq'uitayic jilel te be c'oem te la calbey mandal te ya st'unique. La spasbeyic sloc'ombail jcojt' alal toro ta oro ultesbil ta c'ajc'. Yacaliquix ta xch'uunel soc la yac'beyiquix smajt'an. Jich yacalic ta yalel: “¡Jlumal, ilawil, ja' dios cu'untic te la sloq'uesotic tel ta Egipto!” xiic me —la yut.

Números 25:1

C'alal la snajc'an sbaic israeletic ta Sitim, jajch' sboltes sbaic soc yantsilelic te moabetique,

Deuteronomio 7:3

Ma me xapajaltay abaic soc, ma me xawaq'uic ta nujbinel aquerem-nich'anic, ni awantsil-nich'anic,

Deuteronomio 32:37

Jich me ya yalbey: ‘¿Banti ay te diosetic awu'unic, ja' te jcanantaywanejetic awu'unique, ja' te ay smuc'ul awo'tanic ta stojole;

Deuteronomio 32:38

Ja' te la slo'beyex te xepuil te milbil majt'aniletic awu'unic, soc te la yuch' a te vino la awac'beyique? ¡Ac'a me ochuc scoltayex! ¡Ac'a me tal scanantayex!

Josué 23:12

Ya me jc'an te ya ana'ic in to: Teme ya awijq'uitay ta awo'tanic te Diose, soc teme ya acap abaic soc te ants-winiquetic te jilem ta awolilic, soc teme ay ya xnujbinex soque, te Cajwaltic te Dios cu'untic ma ba ya sloq'uesbeyex ta awolilic. Jich me ya xtuun ta atojolic te bit'il ya syaquex ta lazo soc te bit'il pejts', swenta yu'un tey ya x'ochex a te ja'exe. Jich me ya xc'ot te bit'il smajibal apatic, soc jich bit'il ch'ix ya x'och ta asitic, ja' to me ni jtuluc ya xjilex li'to ta q'uinal te mero lec, te la yac'beyex te Cajwaltic te Dios cu'untique.

Jueces 3:6

Te snich'nab israeletic, queremetic ach'ixetic, la yic' sbaic soc te queremetic ach'ixetic yu'un te lumetic, soc la xch'uunic te loc'ombaetic yu'unique.

1 Crónicas 5:25

Ja'uc me to, la stoy sbaic ta stojol te Dios yu'un te antiguo sme'-statique. Ma ba jun yo'tanic ta stojol Dios, ja' la xch'uunic lotil diosetic yu'un te lumetic te la sjin soc te jc'axel la slajin ta jyalel ta stojolic te Diose.

Esdras 9:12

Soc la awalbotic te ma xju' ya jnujbin cantsil-nich'nabtic soc squerem-nich'nabic, soc ma xju' ya xnujbin jquerem-nich'nabtic soc yantsil-nich'nabic uuc. Soc la awalbotic te ma me ayuc bi ora ya xbajt' co'tantic ta slamantesel q'uinal ta stojolic, ni slebeyel yutsilalic te ants-winiquetic in to, swenta yu'un jich mero ya me jcanantay jbajtic a soc mero tulan ya x'ainotic a, soc ya me jwe'beytic te bitic lec ta q'uinale, soc ya me cac'beytic jilel yu'unin te jts'umbaltic ta sbajt'el q'uinale.

Éxodo 22:19

“Te mach'a ya sta sba soc chambalam, jc'axel me ya yich' chajbanel sc'oplal ta milel.

Deuteronomio 31:18

Pero te c'alal ya xc'ot sc'aalelal in to, ya me jq'uej jba ta stojolic ta jc'axel, ta scaj te bila amen la spasique, soc ja' te ya xch'uunic yantic bitic cuybilic ta Dios.