Éxodo 34:13 - Bible in Tzeltal de Oxchuc y Tenejapa

¹³ Ja' lec te ya ajinbeyic te scajtijib ta chiq'uel smajt'an te yajcananic, te balal tonetic soc te sloc'omba Asera yu'unique.

Bible in Tzeltal Bachajón

¹³ Ya me ajinticlambeyic te scajtajib ta chiq'uel mahtaniletic yu'unic, ya me awuyticlambeyic te ch'ultesbil tonetic yu'unic, soc ya me ats'eticlambeyic te sloc'ombahic Asera.

Éxodo 34:13 Referans Kwoze

2 Reyes 18:4

Ja' stuquel la sloq'ues te toyol ch'uunjibaletic. La swuy te ch'ultesbil tonetic, soc la swuy te sloc'omba Asera, soc la sc'asbey te sloc'ombail chan pasbil ta bronce te ja' la spas ta namey te Moisés, te tey yacal xchic'belic pom a te israeletique. Nehustán sbiil yu'unic.

Éxodo 23:24

Ma me xac'ainbey stalelic. Ma me xaquejan abaic ta stojol te diosetic yu'unique, ma me xach'uunic. Ya me ajin ta spisil te loc'ombaetic yu'unic soc te ch'ul balal tonetic tejc'ajtic yu'unique.

Deuteronomio 16:21

“Ma me xats'apic junuc sloc'omba Asera ta swenta yich'el ta muc', ma me xawaq'uic ta nopol scajtijib ta chiq'uel smajt'an te Cajwaltic te Dios cu'untique.

Deuteronomio 7:5

Te bila ya sc'an ya apasique, ja' te ya ajinic ta spisil te scajtijib ta bay ya yich' chiq'uel smajt'an te bitic cuybilic ta Diose. Jc'axel me ya sc'an ya ajinic te tejc'anbil tonetic soc te sloc'omba Asera yu'unic te xch'uunejique. Chic'beyaic ta spisil te loc'ombaetic cuybilic ta Dios yu'unique.

2 Crónicas 31:1

C'alal ju' ta pasel spisil, te israeletic te tey ayic a, bajt'ic ta lumetic yu'un Judá, ba swuyic te tonetic te ch'ulajem ta sc'op te ants-winiquetique, la swuyic te sloc'omba Asera, soc la sjinic te toyol ch'uunjibaletic, ja' to chican ju' yu'unic sloq'uesel ta spisil te bitic ay ta sq'uinal Judá soc ta Benjamín, soc nix ta sq'uinal Efraín soc ta Manasés. Te israeletic sujt'ic bael ta slumalic, juju-jtul ta sq'uinalic.

2 Reyes 23:14

Soc la swuy te tonetic soc te sloc'ombaetic Asera, la snojes ta sbaquel mach'atic lajemic te banti ayic a.

Jueces 6:25

Ta ajc'ubal te Cajwaltic la yalbey te Gedeón: —Tsaca jcojt' toro yu'un te atate, ja' te xchebal, te juqueb ya'wilale, jina soc te scajtijib ta chiq'uel smajt'an Baal yu'un te atate. Boja loq'uel te sloc'omba Asera te ts'unul ta sts'eel scajtijib smajt'an Baal.

Jueces 2:2

Ja' la cal yu'un te manchuc ya apasic trato soc te mach'atic yajwalic te q'uinale, soc te yacuc ajinbeyic te scajtijib ta chiq'uel majt'aniletic yu'unique; ja'uc me to, ma la ac'an la ach'uunic. Ilawil te bila apasojiquixe.

Jueces 6:26

Ts'ajc'ubeya scajtijib smajt'an Cajwaltic te Dios awu'unic, ta bay mero sni'il anjibal q'uinal te inbaye. Tsaca te jcojt' toro, ja' me te xchebale, ac'bon jmajt'anin ta chiq'uel ta scojt'ol. Ja' me ya awac'bey si'ilin te sloc'omba Asera ya aboj loq'uel —xi' te Cajwaltique.

1 Reyes 14:15

te Cajwaltic ya me syuq'uilay te Israel, jich te bit'il yip yocja' ya syuq'uilay te jalale. Ya me sbul loq'uel li' ta lequil lum te ac'bot te antiguo sme'-statique, ya me xch'oj bael ta jejch' muc'ja' Eufrates. Melel la spas sloc'omba Asera, jich la yac' ilinuc te Cajwaltique.

2 Crónicas 14:3

La sloq'uesbey scajtijib smajt'an te yantic diosetic te tey ayic a, soc te toyol ch'uunjibaletic. La swuybey te tonetic te ch'ulajem ta sc'opic, soc la swuybey te sloc'omba Asera.

2 Crónicas 15:16

Te muc' ajwalil Asa la sloq'uesbey yajcanan te yinam smam, ja' te Maaca, yu'un te Maaca la yac' ta pasel sloc'omba Asera. Te Asa la sjinbey te yajcanan, la swuybey ta jc'axel, soc ba xchic'bey ta beja' Cedrón.

2 Crónicas 17:6

Toyol yo'tan ta st'unel te be chapal yu'un Cajwaltic soc la sloq'ues te toyol ch'uunjibaletic soc te sloc'omba Asera.

2 Crónicas 24:18

jich la yijq'uitay ta yo'tanic te templo yu'un te Cajwaltic Dios yu'un te antiguo sme'-statique, ja' ba xch'uunic te sloc'ombaetic Asera soc te yantic yajcananique. Ja' yu'un ilin te Cajwaltic ta scaj smulic te Judá soc Jerusalén.

2 Crónicas 33:19

Te la sc'opon Dios soc te bit'il tsacbot sc'op yu'une, soc spisil sc'oplal te smule, te ma tojuc c'ax ta q'uinal, soc te bayuc la spasbey toyol ch'uunjibaletic, soc te bay la yac' sloc'omba Asera, soc te loc'ombaetic te c'alal ma to spejc'anej sba ta stojol a te Diose, ts'ibubil sc'oplal yu'unic ta bay slibroic te j'alwanejetique.

Isaías 17:8

Ma ba ya yilic xan bael te scajtijib majt'aniletique, ni ja'uc te yantic bitic pasbilic ta sc'ab te ants-winiquetique. Ma ba xbajt'ix yo'tanic ta banti te sloc'omba Asera yu'unique, ni ma xbajt' yo'tanic ta scajtijib yu'un xchiq'uel pom te ya yac'bey smajt'anin xch'ailel te lotil diosetic yu'unique.

Isaías 27:9

Ja'uc me to, ya spasbey perdón yu'un smul te Jacob, ya yich' ch'ayel faltaetic yu'un teme ya spas in to: Ac'a swuy ta spisil te scajtijib smajt'an te lotil diose, jich bit'il tan ya xbajt' ta loq'uel; soc ma me ayuc sloc'omba Asera ya xjil tey a, ni scajtijib xchic'jibal pom te yich'jibal ta muc' te lotil diosetic yu'unique.

Jeremías 17:2

Te anich'nabe ya sna'ic te scajtijib majt'aniletic yu'un awajcananique, soc te sloc'ombaetic Asera awu'unique ta yet'al pimil c'ab te'etic soc ta sba te witstiquile,

Miqueas 5:14

Ya me jbulbat loq'uel te sloc'omba Asera, soc ya me jinbat ta jc'axel te lumetic awu'une.

Números 33:52

nutsaic loq'uel spisil yajwal te lumq'uinale. Jinaic spisil te yajcanan te pasbil ta ton soc taq'uin ultesbil ta c'ajc'. Jinaic coel spisil toyol ch'uunjibaletic yu'unique.

Deuteronomio 16:22

Ma me xatejc'anic ton yu'un ya ach'uunic, jich bit'il ya spas te mach'a ma ba xch'uunejic te Diose, melel te Cajwaltic te Dios cu'untique mero ilaybil yu'un.

2 Reyes 10:27

Soc la sjinic te scajtijib ta chiq'uel smajt'an soc te templo yu'une. La sc'atp'unic ta tsa'anjibal, c'alal ora yo'tic.