Éxodo 34:12 - Bible in Tzeltal de Oxchuc y Tenejapa

¹² “Ma me xapasic trato soc te c'alal ya x'ochex tey a, swenta yu'un ma me yaq'uex ochel ta spejts'ic.

Bible in Tzeltal Bachajón

¹² Tsahtaya aba te manchuc yac achap ac'op soc te mach'atic ya xnahinic tey ta q'uinal banti ya x'ochat, scuenta yu'un ma ha'uc ayacol ya xc'ohtic ta awohlil.

Éxodo 34:12 Referans Kwoze

Deuteronomio 7:2

Te c'alal bi ora ya yac'beyex ta ac'abic te Cajwaltic te Dios cu'untic te nacionetic, soc te bi ora ya atsalique, jc'axel me ya ajinic, ma me ayuc bila ya achapic soc te nacionetique. Ma me x'ana'beyic yo'bolil sbaic.

Deuteronomio 7:16

Yan te ja'exe ya me alajinic spisil te lumetic te ya yac'beyex ta ac'abic Cajwaltic te Dios cu'untique. Ma me xtal xc'uxul ta awo'tanic, soc ma me xach'uunic te diosetic yu'unique. Melel teme jich ya apasique, ja' me ch'aybil ya xc'oex yu'un abi.

Salmos 106:36

La squejan sbaic ta stojol te loc'ombaetic te ma Diosuque, te ja' sjinjibal c'otic yu'une.

Jueces 8:27

Te Gedeón la spas jun efod a te oro. La yac' ta lum Ofra, ja' te slumale. Spisil te israeletic chebaj yo'tanic ta stojol Cajwaltic ta scaj te efod. Ja' nax syacjibal c'ot a te Gedeón soc spisil te mach'atic ay yu'une.

Deuteronomio 20:18

Te bit'il jich ya apasique, swenta yu'un jich me ma ba ya yac'beyex anopic te bitic ilaybil sba yacalic ta spasele, te ja' yich'el ta muc' yu'unic te bitic cuybilic ta diosetic yu'unique, te jich ya yac'beyex ale amulic ta stojol a te Cajwaltic te Dios cu'untique.

1 Reyes 11:2

ja'ic te yantic nación antsetic te albil sc'oplal yu'un Cajwaltic te ma xju' ya yic' sbaic ta nujbinel soc te israeletique. Melel teme jich ya spasique, puersa me ya xyanaj bael yo'tanic ta stojol te diosetic yu'unique. Pero te Salomón la smulan yo'tan te antsetic, jich la yic' sba soc.

2 Reyes 17:10

Soc la sjachic ch'ultesbil tonetic, soc sloc'omba Asera ta jujun toyol witsetic, soc ta ye'tal muc'ul te'etic te ay bayal sc'ab soc bayal yabenal.

2 Crónicas 24:18

jich la yijq'uitay ta yo'tanic te templo yu'un te Cajwaltic Dios yu'un te antiguo sme'-statique, ja' ba xch'uunic te sloc'ombaetic Asera soc te yantic yajcananique. Ja' yu'un ilin te Cajwaltic ta scaj smulic te Judá soc Jerusalén.

Números 33:52

nutsaic loq'uel spisil yajwal te lumq'uinale. Jinaic spisil te yajcanan te pasbil ta ton soc taq'uin ultesbil ta c'ajc'. Jinaic coel spisil toyol ch'uunjibaletic yu'unique.

Deuteronomio 31:5

Te c'alal ya spas te Cajwaltic te ya x'och ta ac'abic te nacionetique, ya me apasbeyic ta stojolic te bitic la calbeyexix apasique.

Josué 9:7

Te israeletic la sjac'beyic sc'op te heveoetique: —Teme repente nopol nax ayex, ¿bit'il ya jchaptiquix jc'optic a? —xiic.

Jueces 6:10

Soc la calbeyex te jo'on Awajwalonic te Dioson awu'unique. La calbeyex te manchuc ya awich'ic ta muc' te diosetic yu'un te amorreoetic te ainemexix ta sq'uinalique; ja'uc me to, ma la awich'bonic ta muc' te jc'ope”, xi' te Cajwaltic —xi' te j'alwaneje.