Éxodo 34:10 - Bible in Tzeltal de Oxchuc y Tenejapa

¹⁰ Te Cajwaltic, jich la yal: —Aiya awaiyic stojol: Yo'tic ya jpas trato soc spisil te alumale. Ya me jpas jchajp señailetic te ma'yuc bay pastajem ta spamal balumilal, ni jpamuc lum. Spisil jyanlumetic te sjoytayejexe, ya me yilbonic cat'el, melel jchajp nax yutsil te bila ya jpas ta atojolique.

Bible in Tzeltal Bachajón

¹⁰ Hich la yal te Jehová: Ilawil, ya jchap jc'op ta stojol spisil te pueblo awu'un; ya jpas jchahp a'teliletic te mayuc banti hich pasbil ta junuc nación ta swohlol bahlumilal. Spisil te ants-winiquetic te ayat ta yohlilic ya me yilbeyic te ya'tel te Jehová, como mero yan ta ilel a te bin ya xbaht jpas ta atojol.

Éxodo 34:10 Referans Kwoze

Deuteronomio 10:21

Ja' nax stuquel ya xju' ya awalbeyic yutsilal sc'oplal. Ja' Dios awu'unic te ja'exe, te spasojbeyex ta atojolic te jchajp señailetic te awilojiquixe.

Salmos 77:14

Ja'at Diosat te ya apas jchajp at'eliletique; la awac'bey yil awu'el te nacionetique.

Isaías 64:3

C'alal la apas te bitic xiweltic sba te ma la jna'tic te ya xc'ot ta pasele, te c'alal nax a coat tele, te witstiquil nijq'uic ta atojol.

Salmos 66:5

La'ic, ilawilic te yat'el Diose, te jchajp at'eliletic spasoj ta stojol te ants-winiquetique:

Jeremías 32:21

Ta smuc'ul awu'el la aloq'ues tel ta Egipto te lum Israel awu'une; la apas jchajp at'eliletic soc señailetic, soc la anojesbey xiwel ta yo'tanic ta spisilic.

2 Samuel 7:23

Jich te jlumal Israel, te lum awu'une, ma'yuc yan lum pajal soc; melel ja' nax jun nación te cajal sc'oplal ta balumilale. Ja'at, Dios cu'un, la awac' ta libre te jlumal, swenta yu'un ja' lum awu'un ya xc'ot. La awac' chicnajuc yutsil sc'oplal ta stojol ants-winiquetic, swenta bit'il ay bila muc' sc'oplal la apas soc jelawen yutsil bi la apas ta jtojoltic. Te c'alal la aloq'ues tel ta Egipto te lum awu'une, ch'aybil c'ot awu'un te yantic nación soc te diosetic yu'unique.

Salmos 78:12

Dios la spas jchajp at'eliletic ta stojol sme'-static ta sq'uinal Zoán te ay ta Egipto:

Salmos 66:3

Jich xawalbeyic te Diose: “Spisil te bitic apasoj mero jchajp yutsilal. Ta swenta te smuc'ul awu'el ya me xyalic ta lum ta atojol te acontrotaque;

Deuteronomio 32:30

¿Bi yu'un te jtul nax mach'a la yac' anuc jmil ta jtule? ¿Bi swentail te cheb nax la sticun ta anel lajunmil ta jtul? Ja' nax yu'un te Cajwaltic, te ja' Jcanantaywanej yu'unic, la sc'an la yac'bey ta sc'ab yu'un te controe.

Josué 6:20

Awunic te israeletic, oq'uesinot te xulubiletique. C'alal la yaiyic stojol sc'op te xulubiletic, jajch'ic ta buen tulan aw, jich jin coel te sts'ajc'ul te lume. Jich toj ochic bael ta sjinel te lume.

Éxodo 34:27

Te Cajwaltic, jich la yalbey te Moisese: —Ts'ibuya te c'opetic te ja' mero yiptajib te trato ya jchaptic ja'at soc te israeletique —xi'.

Salmos 145:6

Ya me yich' alel te ay yip awu'el ta at'el te xiweltic sba; te jo'on ya me calbat te amuc'ule.

Salmos 106:22

Ja' te la spas jchajp at'eliletic ta sq'uinal Cam, soc te jchajp at'eliletic ta Mar Rojo.

Salmos 76:12

Melel ja' ya slajinbey xcuxlejal ajwaliletic; soc ya yac'bey xiwel te muc' ajwaliletic ta balumilale.

Salmos 65:5

Dios cu'untic soc jcoltaywanej cu'untic, ja'at ya ajac' jc'optic ta buen t'ujbil at'eliletic te mero stojil aye. Ta spamal lumq'uinal ja'at smuc'ulinejat yo'tan, ja' nix jich te mar c'ubul ay;

Salmos 147:20

Ma'yuc la spasbey jich ta stojol te yantic nacionetic; ma'yuc la sna'ic xujt'uc te bitic xchapoj ta yo'tane. ¡Bin nax yutsil te Cajwaltique!

Deuteronomio 4:13

Te Cajwaltic la yalbeyex awaiyic te trato chajbanbil yu'une, ja' te lajuneb mandalil la sts'ibuy ta cha'pejch' tonetic, te la spasex ta mandal te ya ach'uunic spasel baele.

Salmos 68:35

Jchajp a te yutsilal Dios ta ch'ul templo yu'une; te Dios yu'un Israel ya yac'bey yu'el soc yip te lum yu'une. ¡Wocol yalbotic te Diose!

Éxodo 34:28

Te Moisés la sjoin te Cajwaltic cha'winic c'aal soc cha'winic ajc'ubal. Mero ma ba we', soc ma'yuc bi la yuch' tey a. La sts'ibuy tey a ta pejch'el tonetic te c'opetic yu'un te trato, ja' te lajuneb mandaliletique.

Deuteronomio 9:19

Mero la jxi'bey te yilimba soc sc'ajc'al yo'tan te Cajwaltic te chicnaj ta atojolique, te mero c'an slajinex ta jc'axele. Te Cajwaltic la yaiybon xan te jc'ope.

Salmos 72:18

Bayal me yutsil te Diose, ja' te Cajwaltique, ja' te Dios yu'un Israele, te ja' nax stuquel te muq'uic te bila ya spase.

Salmos 136:4

Ja' nax stuquel te ya spas muc' jchajp at'eliletic, sbajt'el q'uinal ay te xc'uxul yo'tane.

Miqueas 7:15

Pasbeya yilic jchajp at'elil, jich bit'il te bi c'aalil la aloq'ues tel ta Egipto.