Éxodo 34:1 - Bible in Tzeltal de Oxchuc y Tenejapa

¹ Te Cajwaltic, jich la yalbey te Moisese: —Waluya atuquel te cha'pejch' tonetic, ja' me ya apaj soc te bit'il ay ta neelale, swenta yu'un ya me jcha'ts'ibuy tey a te c'opetic ay ta sbabial tonetic te la awuye.

Bible in Tzeltal Bachajón

¹ Te Jehová la yalbe te Moisés: Wahluya cha'pehch tonetic pajal soc te yantique, ya jts'ihbay tey a te c'opetic ay ta yan tonetic te la awuye.

Éxodo 34:1 Referans Kwoze

Éxodo 32:19

C'alal c'ot Moisés ta campamento, la yil te alal toro soc te j'ajc'otetique. Bayal ilin yu'un, la xch'oj coel ta sc'ab te cha'pejch' tone. Wuy ta jc'axel ta mero yet'al wits.

Salmos 119:89

Cajwal, te ac'ope sbajt'el q'uinal ay, ma xyanaj sbajt'el q'uinal ta ch'ulchan.

Éxodo 31:18

Te c'alal laj yo'tan ta c'op soc Moisés ta wits Sinaí te Cajwaltic, la yac'bey ta sc'ab te cha'pejch' ton te ay mandaliletic tey a, te sts'ibuyej ta sc'ab stuquel te Diose.

Éxodo 34:28

Te Moisés la sjoin te Cajwaltic cha'winic c'aal soc cha'winic ajc'ubal. Mero ma ba we', soc ma'yuc bi la yuch' tey a. La sts'ibuy tey a ta pejch'el tonetic te c'opetic yu'un te trato, ja' te lajuneb mandaliletique.

Éxodo 32:16

Te pejch'el tonetic ja' la spas stuquel te Diose, soc ja' nix te Dios la xch'ojtilay ta ts'ibuyele.

Éxodo 24:12

Te Cajwaltic, jich la yalbey te Moisese: —Moan tel ta wits ta banti ayon, tey me ya amaliyon a. Yu'un ya cac'bat pejch'el tonetic te tey ts'ibubil cu'un a te mandaliletic swenta sp'ijtesjibal te israeletique —xi'.

Éxodo 34:4

Te Moisés la swaluy te cha'pejch' tonetic te pajal soc ta neelale. Ta yan c'aal ta buen sab la stsac bael te cha'pejch' tonetic, mo bael ta wits Sinaí, jich bit'il albil mandal yu'un te Cajwaltique.

Deuteronomio 4:13

Te Cajwaltic la yalbeyex awaiyic te trato chajbanbil yu'une, ja' te lajuneb mandalil la sts'ibuy ta cha'pejch' tonetic, te la spasex ta mandal te ya ach'uunic spasel baele.

Jeremías 36:32

Jich yu'un te Jeremías la stsac yan balbil jun, la yac'bey Baruc te secretario yu'une; te ja' la sts'ibuy spisil te bila la yal Jeremiase. La yac' ta ts'ibuyel spisil nix te bila ts'ibubil ta balbil jun te la xchic' te muc' ajwalil Joacime, soc bayal to xan la yac' ochel yantic aiyejetic te pajal sc'oplal soque.