Éxodo 33:4 - Bible in Tzeltal de Oxchuc y Tenejapa

⁴ C'alal la yaiy stojol te lum te tulan c'op, bayal la smel yo'tanic yu'un. Jich te winiquetic antsetic ma ba la xch'al sbaiquix soc te xch'alilique,

Bible in Tzeltal Bachajón

⁴ C'alal la ya'iyic te pueblo te bin ma lecuc ta a'iyel ini, la smel yo'tanic yu'un soc mayuc mach'a la sch'alix sbahic yu'un,

Éxodo 33:4 Referans Kwoze

Números 14:39

C'alal Moisés la yalbey te israeletic te bila la yal te Cajwaltic, spisilic bayal la smel yo'tanic yu'un.

Ezequiel 26:16

Spisil te muc' ajwaliletic te ayic ta ti'ti'mar ya me xc'oic ta smuc'ul nactijibic, ya me sloq'uesic te snajt'il c'u'ic, soc ya me sloq'uesic te sc'u'ic bayal xch'alile. Mero bayal me xiwen yo'tanic ya snajc'an sbaic ta lum, spisil me ora ya xnijq'uic yu'un xiwel, ta scaj te ya yilbat te awocole.

Ezequiel 24:23

Ma me xju' te ya aloq'ues sbejch'il ajol, soc ma me xju' te ya aloq'ues axanabe. Ma me ba ya amel awo'tanic soc ni yacuc x'oq'uex. Ma me ayuc awipic ya xjilex ta scaj te amenexe. Talel c'axel me ya xjajch'ex ta yalel te bila ay awocolic yu'une.

Ezequiel 24:17

Muquen xamel awo'tan yu'un. Ma me xapasbey seña mel-o'tan, jich te bit'il ya yich' pasel ta stojol te mach'a ya xlaje. Ma me xaloq'ues sbejch'il ajol, soc ma me xaloq'ues axanab. Ma me xamac awelaw swenta seña mel-o'tan, soc ma me xawe' te bi ya yich' we'el swenta mel-o'tane —xi' te Cajwaltique.

Números 14:1

Jich yu'un te israeletic jajch'ic ta aw, ta sjunal ajc'ubal c'ax yu'unic ta oq'uel.

Zacarías 7:5

—Albeya spisil te winiquetic ta spamal te lumq'uinal, soc nix te sacerdoteetique: “Te ja'exe ya acom awe'elic swenta seña mel-o'tan ta yo'ebal u soc ta sjuquebal u, te ayix ta lajuneb xchanwinic (70) ja'wile. Pero ma ba ya apasic ta swenta quich'el ta muc' jo'on;

Zacarías 7:3

soc ay bila tal sjojc'obeyic te j'alwanejetic soc sacerdoteetic te ayic ta templo yu'un Cajwaltic te Spisil ya xju' yu'une. Jich jul yalbeyic: —¿Spisil bal ora ya jcom jwe'eltic swenta seña mel-o'tan ta yo'ebal u sjajch'el te jujun ja'wile, jich te bit'il yacalotic ta spasel c'alal ora? —xiic julel.

Jonás 3:6

Te c'alal la yaiy stojol te muc' ajwalil yu'un Nínive, co ta smuc'ul nactijib. La sloq'ues te sc'u' nixe, la slap uuc te ch'ixal paq'ue, la snajc'an sba ta stanul c'ajc'.

Oseas 7:14

Manchuc me ya x'awunic te c'alal ay ta swayibique, ma socuc yo'tanic ya sc'opononic. Ta swenta sc'anel trigo soc vino ya yejch'entes sbaic; la stoy sbaic, la scontroinonic.

Isaías 32:11

Ja'ex te jich nax ayexe, te ma'yuc lec ay sc'oplal ta awo'tanic, xiwanic me; ja'ex te awich'oj abaic ta muc' ya awaiyique, xiwuc me awo'tanic. Loq'uesaic te ac'u'ique, ja' xalapic te ch'ixal paq'uetic, ja' me señail sc'uxul te mel-o'tane.

Job 2:12

Q'uejel to ayic a, la staic ta ilel te Job. Melel ma xna'bajix sba ta lec la yilic, ja' yu'un jajch'ic ta aw soc jajch'ic ta oq'uel. Mero bayal la smel yo'tanic. La xch'i' sc'u'ic yu'un, ta yoxebalic la swilesic moel ts'ubil lum ta toyol, soc la smojt'es ts'ubil lum ta sjolic.

Job 1:20

Te Job la stejc'an sba, bayal xc'uxul mel-o'tan la yaiy. La xch'i' sc'u' yu'un, la sjox te stsotsil sjole, la squejan sba ta lum, la sc'opon Dios.

Esdras 9:3

C'alal la caiy te c'op in to, la jch'i' jc'u' yu'un, la jbul stsotsil jol soc la jbul quisim swenta seña xc'uxul mel-o'tan, la jnajc'an jba, mero ayon ta mel-o'tan yu'un.

2 Reyes 19:1

C'alal la yaiy te muc' ajwalil Ezequías te jich aye, la sjats sc'u' yu'un. La slap c'u'il pasbil ta ch'ixal pac', bajt' ta templo yu'un Cajwaltic.

1 Reyes 21:27

C'alal te Acab la yaiy spisil, la xch'i' sc'u', la slap ch'ixal pac' soc la scom swe'el. La slap ta wayel te ch'ixal paq'uetic, soc bayal la smel yo'tan spisil ora yu'un.

2 Samuel 19:24

Jich nix te Mefi-boset, te snich'an Saúl, loc' ta stael te muc' ajwalile. Ja' to nix te bi c'aalil loc' bael te muc' ajwalile, asta ja' to c'alal lec sujt' tel, ma ba spocoj yacan, ma ba set'oj yisim, soc ma ba sac'oj sc'u'-spac'.

Levítico 10:6

Te Moisés jich la yalbey te Aarón soc te snich'nabe, ja' te Eleazar soc Itamar: —Tesbiluc me ajolic, soc ma me xach'i' ac'u'ic swenta seña mel-o'tan, swenta yu'un ma orauc ya xlajex, soc ma orauc ya yac' tel yilimba Dios ta stojol te israeletique. Yan te awermanotac te jun ats'umbalic soque, soc spisil te israeletique, ya xju' ya yaq'uic ta ilel te ya smel yo'tanic yu'un te mach'atic lajic ta c'ajc' te la yac' tel te Cajwaltique.

Éxodo 33:6

Jich yu'un te c'alal loq'uic bael ta wits Horeb te israeletic, ma ba la xch'al sbaiquix.

1 Samuel 6:19

Pero te Cajwaltic ay la yac'bey lajuc te yajwal Bet-semes, scaj te la sjam yilic te cajón yu'une. Jich la yac' lajuc lajuneb xchanwinic (70) ta jtul. Te yajwal lum bayal oq'uic yu'un te bayal mach'a la yac' lajuc te Cajwaltique.