Éxodo 33:3 - Bible in Tzeltal de Oxchuc y Tenejapa

³ Tey xbaex a ta bay ya x'oquin leche soc chab c'oem. Te jo'one ma ba ya joinex bael teme repente ya jlajinex jilel ta be, melel ma xapejc'an abaic ta jyalel, ma xach'uunic mandal —xi'.

Bible in Tzeltal Bachajón

³ Bahanic tey ta q'uinal te banti ya x'oquin leche soc chab. Yan te ho'one ma ba ya joquinex bahel, teme repente ya jlajinex hilel ta be, como ha'ex pueblohex te tulan awo'tanic, xchi.

Éxodo 33:3 Referans Kwoze

Éxodo 3:8

Jich yu'un coon tel ta scoltayel ta sc'ab te egipcioetique. Ya me jloq'ues bael, ya quic' bael ta bay jamal q'uinal ta leque, te banti ya staic te ya x'oquin leche soc chab c'oeme. Ja' te slumalinejic te cananeoetic, hititaetic, amorreoetic, ferezeoetic, heveoetic soc te jebuseoetique.

Hechos 7:51

“Ja'uc me to, te ja'exe ma x'ac'anic tojobtesel. Te awo'tanique soc te achiquinique pajal c'oemic soc te mach'a ma sna'beyic sba te Diose. Apasojic ta contro spisil ora te Ch'ul Espiritue. Te bila la spasic te antiguo tatiletic cu'untique, ja' nanix jich ya apasic te ja'exe.

Jeremías 11:5

Teme ya awich'onic ta muq'ue, ya jc'otes ta pasel te bi la calbey ta jamal te antiguo ame'-atatique, ya cac'beyex aq'uinalinic jsejp q'uinal, ja' me te awich'ojic ta ora to te ja'exe, te bay ya x'oquin te leche soc chab c'oem”, xoon ta stojolic —la yuton. La jac'bey te sc'ope: —Melel, Cajwal —la cut.

Josué 5:6

Melel te israeletic beenic cha'winic (40) ja'wil ta muc'ul jochol taquin q'uinal. Lajemiquix jilel stuquelic a te mach'atic staojiquix lec ya'wilalic te loq'uic tel ta Egipto, ja' te winiquetic te ma la xch'uunbeyic smandal te Cajwaltique. Ja' swentail te la yal ta jamal te ma xyac'bey yilic te q'uinal te albil yaiy te antiguo sme'-statique, ja' te q'uinal ta bay ya x'oquin leche soc chab c'oeme.

Números 16:45

—Loc'anic bael ta stojol te lume, ora nax me ya jlajin —xi' te Diose. Te Moisés soc Aarón la spajc'an sbaic, la stinan sbaic coel c'alal ta lume,

Números 16:21

—Q'ueja abaic loq'uel ta yolil te lume, ta ora nax me ya jlajin —xi'.

Jonás 3:10

La yil Dios te bila yacalic ta spasel te níniveetique. Te bit'il yacalic ta sujt'esel yo'tanic yu'un te bila ma lecuc yacalic ta spasele, jich ma ba la yac' c'otuc ta pasel ta stojolic te lajel la sticun ta alele.

Jonás 3:4

Te Jonás och bael ta yutil te muc'ul lume. Been bael te jun c'aal. Jich yac ta yalel ta aw: —¡Ta cha'winic c'aal ya me xlaj te lum Nínive! —xi' ta aw.

Salmos 78:8

Jich ma me pajaluc ya xc'otic soc te antiguo sme'-statique, te ma x'ich'awanic ta muc' soc te ma sna'ic q'uinal, te ma spisiluc yo'tan la yac' sbaic ta stojol te Diose; ja'ic te c'axic ta q'uinal te mero ma junuc yo'tanic la yac' sbaic ta stojol te Diose.

1 Samuel 2:30

Te bit'il jich yaloj te Cajwaltic, te Dios cu'untic te israelotic, te ya apasbey yat'el spisil ora ja'at soc te mach'atic ay awu'une, yo'tic ya yal ta jamal: “Ma'yuc bi ora jich ya xc'otix ta pasel. Te mach'a ya yich'on ta muq'ue, ya me quich' ta wenta; te mach'a ma'yuc jc'oplal ta yo'tan, jc'axel ma'yuc swentail ya xc'ot cu'un. Jo'on Ajwalilon jich caloj.

Números 16:13

¿Jteb nax bal sc'oplal ta awo'tan te la awic'otic loq'uel ta lumq'uinal ta bay ya x'oquin leche soc chab c'oem, swenta yu'un tal awac'otic ta lajel ta jochol taquin q'uinal? ¿Soc ja' bal ya ac'an te ja' mero muc' awat'el ta jtojoltique?

Números 14:12

Ya me jticunbey chamel swenta lajel. Jich me ma xc'ot ta swentaic yich'el te q'uinale. Yan te ja'ate muc'ul lum ya xc'oat cu'un, soc mero tulan me ya xc'oat atuquel —xi' te Cajwaltique.

Números 14:8

Teme bin nax yo'tan cu'untic te Cajwaltic, ya me yic'otic ochel tey a, soc ya me yac'botic cu'unintic, ja' te lumq'uinal ta bay ya x'oquin leche soc chab c'oem.

Números 13:27

La yalbeyic te Moisés: —Xc'otucotic ta yilel te q'uinal te la aticunotic bael yu'une. Melel nix a, ja' te lumq'uinal ta bay ya x'oquin leche soc chab c'oem, soc ja' me sit awalts'unubil in to te ya yac' tey ae.

Levítico 20:24

Jo'on ya calbeyex ta jamal, te ja'ex awu'unic ya xc'ot te slum-sq'uinalique. Jo'on nix me ya cac'beyex awu'uninic te lumq'uinal te banti ya x'oquin leche soc chab c'oeme. “Jo'on Ajwalilon Dioson awu'unic, yan me awilelic cu'un te bit'il yantic lumetique.

Éxodo 34:9

Jich la yal: —¡Cajwal! ¡Cajwal! Teme melel te lec c'oemon ta asite, joinawotic bael jiche. Te lume, melel nix a ma spejc'an sbaic ta jyalel, ma xch'uunic mandal. Pasbon perdón yu'un a te jmul soque. Lumucotic me awu'un —xi' te Moisese.

Éxodo 32:14

Te Cajwaltic la sujt'es sc'op, scaj te la yalbey te Moisés te ma xyuts'in te lum yu'une.

Éxodo 23:21

Ma me q'uejeluc xawac' aba ta stojol. Ch'uunbeya sc'op, ma me toybaucat ta stojol, melel ja' me ya x'at'ej ta jwenta, soc ma xju' ya spasbeyex perdón yu'un te amulique.

Éxodo 13:5

Jich yu'un ja' ni me te u te ya apasic q'uin yu'un sna'jibal te la yiq'uex bael Cajwaltic ta q'uinal te bay ya ataic te ya x'oquin leche soc chab c'oeme, te bay sq'uinal te cananeoetic, hititaetic, amorreoetic, heveoetic soc te jebuseoetique. Ja' te albil yu'un Cajwaltic te antiguo jme'il-tatiletic te ja' ya xc'otix ta awentaic te ja'exe.

Éxodo 3:17

Soc la yalbon te ya scoltayex loq'uel ta woclajel yu'unic. Ya me yiq'uex bael ta slumal cananeoetic, heveoetic soc te jebuseoetic, ta bay lumq'uinal te banti ya ataic te ya x'oquin leche soc chab c'oeme, xi' te Cajwaltique”, uta me.

Éxodo 33:5

yu'un yalojix Cajwaltic ta stojol te Moisese: —Albeya te alumal israeletic: “Jich la yal te Diose: ‘Te ja'ex mero tulan awo'tanic, ma xapejc'an abaic ta jyalel. Jich yu'un teme ayon ta awolilique, ajc' nax ya xlajex cu'un. Ja' yu'un loq'uesa te ach'alilique. Jich me ya jna' te bila ya jpas ta atojolique’, xi' te Diose,” uta me —xi' te Cajwaltique.

2 Reyes 17:14

Pero ma ba la yich'ic ta muc', mero tulan la yac' sbaic, jich nix te bit'il anima sme'-static te ma ba la yac' smuc'ul yo'tanic ta stojol te Cajwaltic te Dios yu'unique.

Ezequiel 20:6

Ja' nix ta yorail a, la cal jba ta jamal te ya quic' loq'uel tel ta sq'uinal Egipto, te ya quic' bael ta lumq'uinal te jo'on jleoje, tey ta q'uinal te banti ya x'oquin leche soc chab c'oeme. Ja' te buen t'ujbil lumq'uinal, te ma'yuc yan pajal soque.

Deuteronomio 4:24

melel te Cajwaltic Dios cu'untique jc'axel ma smulan teme ay mach'a yan ya xbajt' awo'tanic ta stojole. ¡Te Diose jich c'oem te bit'il c'ajc' te spisil ya xchiq'ue!

Isaías 48:4

Melel jna'oj stojol te mero tulan te awo'tanique, te jich tulanex bit'il hierro, ma xju'ex ta puxel jichuc bronce.