Éxodo 33:22 - Bible in Tzeltal de Oxchuc y Tenejapa

²² Te c'alal ya xc'ax yutsilal te jxojobile, ya cac'at ochel ta bay lomol ochel te tone. Ya me jmacat ta jc'ab, ja' to me te c'alal ya xc'axone.

Bible in Tzeltal Bachajón

²² te c'alal ya xc'ax bahel te cutsilal, ya cac'at ta banti hotol ochel te tone, ya jmacat ta jc'ab ha to teme c'axone.

Éxodo 33:22 Referans Kwoze

Salmos 91:1

Te mach'a ay ta canantayel yu'un Dios te mero Toyole, te ay ta yaxinal te Mach'a Spisil ya xju' yu'une,

Isaías 2:21

Soc ya me sleic yan ch'entiquil soc nailch'entiquil, swenta yu'un jich me ya snac' sbaic ta stojol te Cajwaltique, te xiweltic nax sba ta scaj xojobil te yipe, te c'alal ya xjajch' te Cajwaltic soc te ya snojes ta xiwel te balumilale.

Salmos 91:4

ya me sluts'at ta yet'al xic' c'oem, jich me jun awo'tan. Te bit'il jun yo'tan ta atojol ya me scanantayat; ja' amajq'uil c'oem.

1 Corintios 10:4

Soc spisilic la yuch'ic te ja' yu'un te Diose, melel la yuch'ic te ja' loc' tel ta ton yu'un te Diose, joinbilic ta beel yu'un. In te tone, ja' ix te Cristoe.

Isaías 32:2

Ta juju-jtulic jich bit'il anjibal ya xc'ot yu'un te tulan iq'ue soc te tulan yic'al ja'ale. Jich me c'oemic te bit'il pasbil beja' ta taquin q'uinale, jich bit'il yaxinal muc'ul ton ta jochol taquin q'uinal.

2 Corintios 5:19

Ja' bi, ja' te Dios ya yac' te ya xjunaj yo'tan sbaic soc te mach'atic ayic ta balumilal ta swenta Cristo. Ma ba ya sna'bey smulic te ants-winiquetique. Soc ja' yac'ojbotiquix cat'eltic ta xcholel te bit'il ya xjunaj yo'tan sbaic soque.

Salmos 18:2

Ja'at Cajwal, jcanantaywanejat, anjibalat cu'un, ja'at la awac'on ta libre atuquel. Diosat cu'un, ja'at nac'jibal tonat, ja' majq'uilat, Cajwal, ya acoltayon ta awu'el. Mero toyol nac'jibalat cu'un.

Cantares 2:3

Te winic bayal ya jmulane, c'ax jich st'ujbilal a te bit'il yantique, pajal soc ste'el manzana ya quil ta yolil ja'mal q'uinal. Mero bayal yutsil co'tan ya jnajc'an jba ta yaxinal. Buen chi' ya caiy te site.

Deuteronomio 33:12

Sc'oplal Benjamín, jich la yal: —Te mach'a c'ux ta yo'tan te Cajwaltique, bin nax me yo'tan ya x'ain. Te mach'a Mero Toyole, spisil me ora ya scanantay. Ay me ta sc'ab spisil ora —xi'.

1 Reyes 19:9

C'alal c'ot, och bael ta nailch'en, tey c'ax yu'un a te ajc'ubale. Pero te Cajwaltic c'oponot yu'un, jich albot: —¿Bi ya apas li'to, Elías? —xi' sc'oplal.

Isaías 49:2

Te que, jich la sc'atp'un te bit'il puñal te juxbile, la snac'on ta yaxinal te sc'abe; jich la sc'atp'unon te bit'il sjayal sni' yat'ejibal t'im, tey la sq'uejon ta yawil te scuchoj ta spate.

Isaías 51:16

La jlim bael te ch'ulchan soc la cac'bey yiptajib te balumilale. Jo'on la cac'bat ta awe te jc'ope, soc la jcanantayat ta yaxinal te jc'abe. La calbey te Sión: “Ja'at lumat cu'un”, la cut —xi' te Cajwaltique.