Éxodo 33:20 - Bible in Tzeltal de Oxchuc y Tenejapa

²⁰ Ja'uc me to, jamal ya calbat, ma xju' ya awilbon te quelawe. Ma'yuc jtuluc winic ya xju' ya yilbon jsit te stalel cuxul ya xjile —xi'.

Bible in Tzeltal Bachajón

²⁰ Pero ma xhu' yac awilbon te jsit quelaw, como mayuc mach'a ya xhu' ya yilon te cuxul ya xhil, xchi.

Éxodo 33:20 Referans Kwoze

San Juan 1:18

Te Diose, jtul ma'yuc mach'a yilojbey sit; ja'uc me to, te jip jtul Snich'an te jun nax ay soc te Tatile, la yaq'uix jna'beytic sba te Diose.

Génesis 32:30

Te Jacob la slebey sbiil te banti jich c'ot ta pasele. Peniel sbiil c'ot yu'un, yu'un la yal: “Tey la quilbey sit a te Diose; ja'uc me to cuxulon, ma ba lajon yu'un”, xi'.

1 Timoteo 6:16

Ja' te mach'a stalel ma xlaj stuquel, te cuxul ta bay te xojobal q'uinal, te jtul ma'yuc mach'a ya xju' ya xnoptsaj tey a. Jtul ma'yuc mach'a la yilix, soc ma'yuc mach'a ya xju' yu'un yilel. Ja' me ac'a ich'otuc ta muc', soc ja' ac'a yich' ajwalinel sbajt'el q'uinal stuquel. Jichuc.

Isaías 6:5

La cal ta co'tan: “¡Obol jba, ya xlajon! La quilix soc jsit te Muc' Ajwalil, ja' te Cajwaltic te Spisil ya xju' yu'une, te jo'one ma ba lecon ta winiquil soc que, soc nainemon ta yolil te lum te boloben yeique”, xoon.

Jueces 6:22

Te Gedeón la sna' stojol te ja' te ch'ul abat yu'un te Cajwaltique. Jich la yal: —¡Ay, ja'at Cajwal! La quilbey jba sit soc te ch'ul abat awu'une —xi'.

Jueces 13:22

Te Manoa jich la yalbey te yiname: —Ta mero melel ya xlajotic, melel la quiltic te Diose —xi'.

Deuteronomio 5:24

jich la awalbonic: “Ta mero melel te Cajwaltic te Dios cu'untic la yaq'uix quiltic te yu'el soc te yutsilale. La caiybeytiquix te sc'op te loc' tel ta yolil c'ajc'. Yo'tic la jch'uuntiquix ta lec te ma ba ya xlajotic yu'un te ya sc'oponotic te Diose.

Éxodo 24:10

Tey la yilic a te Dios yu'unique. Ta yet'al yacan ay bila mero yax la yilic jich bit'il ch'ulchan, jich bit'il piso pasbil ta lequil zafiro-ton te jich yilel bit'il mero q'uepel te q'uinale.

Hebreos 1:13

Te Diose ma'yuc banti jich la yalbey te ch'ul abate: “Naclan ta swa'el jc'ab, ja' to teme la cac'bat apech' ta teq'uel te jayeb awajcontroe”, ma xiuc soc.

Éxodo 33:18

—¡Wocoluc, ac'bon quilbat yutsilal te axojobile! —xi' te Moisés.

Éxodo 33:23

Ta patil ya me jq'uej bael te jc'ab te ya jmacat a. Ja' nax me ya awilbon c'axel te jpate; yan te quelawe ma xju' ta ilel —xi' te Diose.

Éxodo 3:6

Soc la yal xan te Diose: —Jo'on Dioson yu'un te antiguo ame'-atate, Dioson yu'un Abraham, Isaac soc Jacob —xi'. Te Moisés la smac yelaw, yu'un la xi' sc'abuyel te Diose.

Éxodo 24:9

Te Moisés mo bael ta wits soc Aarón, Nadab, Abiú soc xan te lajuneb xchanwinic (70) mamaletic yu'un te Israele.