Éxodo 33:19 - Bible in Tzeltal de Oxchuc y Tenejapa

¹⁹ Te Cajwaltic la sjac': —Ya jpas te ya jc'asesbat ta asit spisil te cutsilale, soc ya cal jilel ta atojol te jbiile. Chican co'tan jtuquel te mach'a ya jc'uxtaye, soc chican co'tan te mach'a ya jna'bey yo'bolil sbae.

Bible in Tzeltal Bachajón

¹⁹ La sjac' te Jehová: Ya jc'asesbat ta atojol spisil te cutsilal, soc ya cal hilel ta atojol te jbihil, Jehová. Ho'on ya jc'uxultay te mach'a ya jc'an ya jc'uxultay, soc ya jna'be yo'bolil sba te mach'a ya jc'an ya jna'be yo'bolil sba.

Éxodo 33:19 Referans Kwoze

Jeremías 31:14

Ya me cac'bey te sacerdoteetic te ya swe'elinic te mero lequil we'eliletique; soc te lum cu'une ya me yaiybeyic lec yutsilal ta c'axem to xan te lequil biluquetic cu'une. Jo'on Ajwalilon, jich ya cal —xi'.

Jeremías 31:12

“Ya me xtalic soc ya me xc'ajinic yu'un yutsil yo'tanic ta sba wits Sión, ay me sbujts' ya yaiyic te utsilal yu'un te Cajwaltique: ja' te trigo, te vino soc aceite, te chijetic soc te wacaxetique. Jich me c'oemic yilel te bit'il awalts'unubil te bueno ya yich' malel ta ja'e, soc ma me xch'ayix te yipique.

Isaías 7:14

Jich yu'un, ja' nix me te Cajwaltic te ya yac'beyex awilic señail: Te ach'ixe yic'ojix yal, ya me x'ayin jtul squerem-al, Emanuel, sbiil ya xc'ot yu'un.

Zacarías 9:17

Bayal me yutsil, soc buen t'ujbil me te slumalique. Ya me x'esmaj xan te trigo yu'unic; ya me x'esmaj xan te vino yu'unic. Buen t'ujbil me ya xmuc'ubic te queremetic yu'unique; buen t'ujbil me ya xmuc'ubic te ach'ixetic yu'unique.

Romanos 2:4

¿Ya bal ap'aj te bayal xc'uxtayejat te Dios te bit'il jal c'aal ya xmaliywane? ¿Yu'un bal ma ba c'oem ta awo'tan te ja' swentail te bit'il ayat ta c'uxtayel yu'une te yacuc asujt'es awo'tan ta stojol te Diose?

Isaías 12:4

Jich yu'un, ya me awalic: “Alaic wocol soc c'oponaic te Cajwaltique, albeya yaiyic nacionetic te bitic spasoje, ac'beya sna'ic stojol te ja' cajal yu'un ta spisile.

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

Nehemías 9:25

Soc la yu'uninic buen yaxal q'uinaletic, nanatic nojelic ta bitic mero t'ujbilic, pozoetic, ts'usubiletic, ts'unbil olivoetic, soc yantic te'etic te lec ta lo'el site. We'-uch'ic, mero la snojes xch'ujt'ic, chican te bay c'alal la smulan yo'tanique. Buen jujp'ic, soc bin nax yo'tanic yu'un te bila mero muc' te spasemal awo'tan la awac'bey ta stojolique.

Romanos 9:23

Soc la sc'an yo'tan te ya xpujc' sc'oplal te yutsilal te ay xojobile, soc jich la yac' ta ilel te yutsil xc'uxul yo'tane, te namey chajbanbil yu'un te ya quich'beytic te yutsilale.

Salmos 65:4

Bin nax me yutsil te ants-winic te ya atsa soc te ya awic' bael ta nainel ta ats'eel tey ta banti templo awu'une. Nojesa co'tantic a te bila bayal yutsil ta ana, ja' te ch'ul templo awu'une.

Salmos 25:13

ya me xbusanbot lequilal ta stojol, te sts'umbale ya me yac'bey yu'unin te lumq'uinale.

Deuteronomio 32:3

Ya me calbey sbiil te Cajwaltique: ¡Na'beyaic xan me te smuc'ul yu'el te Dios cu'untique!