Éxodo 33:14 - Bible in Tzeltal de Oxchuc y Tenejapa

¹⁴ La yal te Cajwaltic: —Jo'onix me ya joinat bael, soc ya me cac'bat te bay ya acux awo'tan —xi'.

Bible in Tzeltal Bachajón

¹⁴ Hich halbot yu'un Jehová: Ya joquinat bahel, soc ya ca'bat acux awo'tan, xchi.

Éxodo 33:14 Referans Kwoze

Josué 21:44

Te Cajwaltic la sc'otes ta pasel te bila yaloj, soc la yac' lamajuc q'uinal ta sjoylejal. Te scontroique ma'yuc bay tsalotic yu'un, melel te Cajwaltic la yac'bey yaiyic tsalaw.

Josué 1:5

Ma'yuc mach'a ya stsalat te jayeb c'aal cuxulate. Jich bit'il la join te Moisés, jich nix ya joinat te ja'ate, ma xquijq'uitayat soc ma ba ya jpijt'esat.

San Mateo 11:28

La'ic me ta jtojol ta apisilic ja'ex te lubenex yu'un te tulan at'ele soc te ijc'atsile. Jo'on ya cac'beyex acux awo'tanic.

Isaías 63:9

yu'un spisil te swocolique. Ma yu'unuc yan mach'a la sticun tel te tal ta coltaywaneje; ja' nix tal stuquel te Cajwaltique. Ta swenta xc'uxul yo'tan la yac' ta libre soc yutsil yo'tan, la sjach, la stsac ta sc'ab. Jich la spas spisil ora.

Salmos 95:11

Ja' swentail te la cal ta jamal ta sc'ajc'al co'tan, te jc'axel ma me x'ochic ta bay awilal cu'un ta swenta cux-o'tan”, xoon yu'unic.

Josué 22:4

Ta ora to te Cajwaltic la sc'otes ta pasel te bitic yalojbey sc'oplale. Jich yu'un te bit'il lamalix jilel q'uinal ta stojol te quermanotactic, sujt'aniquix bael ta anailpaq'uic c'alal ta aq'uinalic te la yac'beyex Moisés te yabat Cajwaltic, ta jejch' muc'ja' Jordán ta stojol sloq'uib c'aal.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

Jeremías 6:16

Te Cajwaltic jich ya yalbey te lum yu'une: —Tejc'ana abaic ta bebetic soc ilawilic, jojc'oic te namey biq'uit beetique, ja' te banti lec xan te be; t'unaic bael, tey me ya acux awo'tanic a —xi'. Ja'uc me to jich la yalic: —Ma jc'an jt'untic bael —xiic.

Éxodo 13:21

Ta c'aaleltic la sjoin te Cajwaltic, jich yilel te bit'il balal tocal te yac ta ic'aw ta beel. Ta ajc'ubal balal ta tilel jichuc c'ajc' xojobajem ta lec. Jich ju' yu'unic beel ta c'aal ajc'ubal.

Josué 23:1

Bayal xan c'aal ta patil te ac'botix lamajuc q'uinal ta stojolic te israeletic yu'un te Cajwaltique, te Josué mamalix a.

Deuteronomio 3:20

Te Cajwaltic ya me yac'bey ta banti ya xcux yo'tanic ta nainel uuc te awermanotaque. Jich nix te bit'il te la yac'beyexix te ja'exe, jich ni me ya yac'bey yu'uninic te q'uinal, ya me yac'bey sq'uinalic ta jejch' ja' Jordán. Teme jich c'ote, ja' to me ya sujt'ex bael a ta aq'uinalic te la cac'beyexe, chican banti ayex ta juju-jtul”, la cutex.

Éxodo 3:12

La sjac' te Diose: —Ya me joinat te bit'il jo'on ya jticunate. Jich me ya ana' stojol a, te c'alal loq'uix tel ta Egipto awu'un a te lum cu'une, apisilic li' me ya xtal aquejan abaic ta jtojol ta bay wits to —xi'.

Deuteronomio 4:37

C'ux la yaiy ta yo'tan te antiguo ame'-atatique, soc la stsabey te patil alnich'anetic yu'unic, te la scoltay loq'uel tel ta Egipto ta swenta te smuc'ul yu'ele.

Deuteronomio 12:10

Teme c'axex bael ta Jordán, te c'alal tey nainemexix a, tey ta lumq'uinal ya yac'beyex te Cajwaltique, te c'alal libre ayexix ta bayuc, soc te mayuquexix ta xiwel,

Deuteronomio 25:19

Ja' yu'un te c'alal Dios ya yaq'uex ta libre ta stojolic ta spisilic te acontroique ayic ta sjoyobal te lumq'uinal ya yac'beyex awu'uninic te Cajwaltic Diose, ya me sc'an te ya ach'aybeyic sc'oplal ta jc'axel ta lumq'uinal te sts'umbal Amalec. ¡Ma me xch'ay ta awo'tanic!

Deuteronomio 31:8

Ja' nix me te Cajwaltic te ya xneelaj bael ta atojole, soc ya me sjoinat spisil ora. Ma ba ya yijq'uitayat soc ma ba ya spijt'esat. Ja' yu'un, ma me xiwat, ma me xyu'uninat xiwel —xi' te Moisese.

Jeremías 31:2

Te Cajwaltic ya yal: —Ta jochol taquin q'uinal la cac'bey yil yutsil co'tan ta stojol te lum colic xan ta lajele. C'alal la sleic ta bay ya xcux yo'tan Israel,

Job 34:29

Pero teme ma xc'opoj yu'un te Diose, ¿mach'a ya xju' yu'un ya yalbey smul te j'uts'inwaneje? Teme ya snac' yelaw te Diose, ¿mach'a ya yilbey te smule? Ja' stuquel ya yil lumetic soc juju-jtul ants-winiquetic,

Daniel 12:13

Pero te ja'ate, Daniel, tojan bael ta slajibal awu'un, baan cuxa awo'tan, ja' to ta slajibal c'aal ya me xjajch'at ta yich'el te stojol ac'abe —la yuton, jo'on te Danielone.