Éxodo 33:13 - Bible in Tzeltal de Oxchuc y Tenejapa

¹³ Ja' yu'un, teme melele, ac'bon jna'bat te bila ay ta awo'tane, swenta yu'un jich me jun co'tan ta atojol te bit'il ya jna'bat aba ta leque. Jich me ya jna' te lec ya awilone. Na'a me te ja' lum awu'un in ants-winiquetic to —xi' te Moisese.

Bible in Tzeltal Bachajón

¹³ Ha yu'un teme lec c'ohemon ta atojol, awocoluc, a'bon jna' te bin ay ta awo'tan, scuenta yu'un ya jna'bat aba soc te lecuc ya xc'ohon ta atojol. Soc na'a me te ha pueblo awu'un te pueblo ini, xchi.

Éxodo 33:13 Referans Kwoze

Salmos 119:33

Cajwal, ac'bon quil te be yu'un te mandaliletic awu'un, ya jc'an ya jt'un ja' to c'alal ta slajibal c'aal.

Salmos 25:4

Cajwal, ac'bon quil te beetic; tojtesawon bael ta beetic awu'une;

Salmos 27:11

Cajwal, ac'bon quil te be awu'une; ic'awon bael ta lequil be ta bay ma staon te jcontrotaque.

Salmos 86:11

Cajwal cu'un, ac'bon quil te be awu'une, swenta yu'un jun me co'tan ya jt'un. Ac'bon quich'at ta muc' soc te co'tane.

Deuteronomio 9:29

Yan te ja'ate lum awu'un, ja'at awu'un ta spisilic. Ja'at la aloq'ues tel ta Egipto ta smuc'ul yip awu'el, soc ta swenta bit'il la atoy ac'ab”, xoon ta stojol Cajwaltic ta awentaic.

Deuteronomio 9:26

Jich la calbey bayal wocol: “Cajwal, ma xalajin te lume, melel ja'at awu'un atuquel. Ja'at la acoltay loq'uel ta Egipto, la aloq'ues tel ta swenta smuc'ul yip awu'el.

Efesios 1:17

Ya jc'anbey te Dios yu'un te Cajwaltic Jesucristo, ja' te Jtatic te bayal yutsilale, te yacuc yac'beyex te Espíritu yu'une. Ja' me ya yac'beyex sp'ijil awo'tanic, soc ya me yac'beyex ana'ic stojol ta lec, swenta yu'un jich me ya ana'beyic xan sba ta melel a.

Colosenses 1:10

Swenta yu'un jich ya xju' awu'unic te toj ya x'ainex ta q'uinal te bit'il yu'unex te Cajwaltique, soc te jich ya xju' awu'unic spasel spisil ora te bila lec yo'tan yu'une. Ac'a sitinuc awu'unic spisil ta jchajp te lequil at'elile, jich me ya x'esmaj xan te bit'il ya ana'beyic sba te Diose.

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

Isaías 30:21

Teme ya xjowejat bael ta wa'el o ta q'uexen, ya me awaiy c'op ta apat, jich me ya yalbat: “Tey ay te be, beenanic”, xi' me.

Joel 2:17

Ac'a oq'uicuc te sacerdoteetic, ja' te abatetic yu'un te Cajwaltique. Jich ac'a yalic ta yolil te yochibal Ch'ul Awilal soc te scajtijib ta chiq'uel majt'anile: “Cajwal, pasbeya perdón te lum awu'une; ma xawac' te ay mach'a ya xlabanot yu'un te mach'atic awu'une; ma xawac' te ya x'u'uninot yu'un yantic nación, soc te jich ya yalic te mach'atic ma ba xch'uunejate: ‘¿Banti ay te Dios yu'unique?’ xiic me”, xiuc me sc'op te sacerdoteetique.

2 Pedro 3:18

Ja'uc me to, na'beyaic xan sba ta lec te Cajwaltic Jesucristoe te Jcoltaywanej cu'untique. Ac'a esmajuc xan ta awo'tanic te xc'uxul yo'tane. Jelawen yutsilal sc'oplal stuquel te Cajwaltique ta ora to soc ta sbajt'el q'uinal. Jichuc.

Éxodo 34:9

Jich la yal: —¡Cajwal! ¡Cajwal! Teme melel te lec c'oemon ta asite, joinawotic bael jiche. Te lume, melel nix a ma spejc'an sbaic ta jyalel, ma xch'uunic mandal. Pasbon perdón yu'un a te jmul soque. Lumucotic me awu'un —xi' te Moisese.

Romanos 11:28

Te bit'il la sp'ajic te lec yach'il c'ope, jich yajcontro Dios c'otic te judioetique, swenta yu'un jich la awich'ic c'uxtayel te ja'exe. Ja'uc me to, te Diose ay to sc'uxul yo'tan ta stojolic, ta scaj te ja' la stsa stuquel te antiguo jme'-jtatique.

Isaías 63:19

Jich c'oemotiquix te bit'il ma ba la apasotic ta mandal, ni jtebuc; jich c'oemotiquix te ma ba quich'ojtiquix te abiile.

Isaías 63:17

¿Bi yu'un, Cajwal, te ya awac' xjowejotic ta bay beetic awu'une, soc te ya awac' xtulanaj te co'tantic swenta yu'un ma xquich'ticat ta muc'? Ta swenta xc'uxul awo'tan ta jtojoltic te abatotic awu'une, yantesa te awo'tane, yantesa ta jtojoltic jo'otic ta chajbalchajp te awentaineje.

Éxodo 32:7

Jich yu'un te Cajwaltic la yalbey te Moisese: —Baan, coan bael, melel te lum la aloq'ues tel ta Egipto, la sboltes sbaiquix.

Éxodo 3:7

Te Cajwaltic jich la yal xan: —Mero chican ta jsit te bit'il ay swocol te lum cu'un ta Egipto. La caiybeyix stojol sc'opic ta scaj uts'inel yu'un te jwolwanejetic yu'un te tulan at'ele. Jna'ojbey ta lec te swocolique.

Éxodo 3:10

Jich yu'un ya me xbeenat te ja'ate, ya me jticunat bael ta stojol te faraón, ya me aloq'uesbon tel ta Egipto te lum cu'un, ja' te alumal Israele —xi' te Diose.

Éxodo 5:1

Te Moisés soc te Aarón ba yalbeyic te faraón: —Jich la yal te Cajwal te Dios cu'untic jo'otic te israelotique: “Ya me awac'bon loq'uel te lum cu'une. Ya xbajt'ic ta muc'ul jochol taquin q'uinal. Ya xba spasbonic q'uin tey a swenta quich'jibal ta muc' yu'unic”, xi' te sc'ope —xiic ta stojol.

Éxodo 32:12

¿Ja' bal ya ac'an te ya xjajch'ic ta labanwanej te egipcioetique? Jich me ya yalic: “Ja' la yic' loq'uel bael te Diose swenta ya xba smil ta witstiquil, yu'un ya stup' ta q'uinal”, te xi' ac'oplal yu'unique. Ma x'ilinat, ma xawalbey stup'el te lum awu'une.

Éxodo 32:14

Te Cajwaltic la sujt'es sc'op, scaj te la yalbey te Moisés te ma xyuts'in te lum yu'une.

Salmos 51:13

swenta yu'un ya me cac'bey yil beetic awu'un te jch'ay-mandaletique, jich me ya xcha'sujt'es xan yo'tanic ta atojol te jmulawiletique.

Salmos 103:7

La yac'bey yil te sbe soc te yat'el ta stojol Moisés soc ta stojol lum Israel.

2 Samuel 15:25

Pero te muc' ajwalil jich la yalbey te Sadoc: —Ich'a sujt'el ta lum te cajón yu'un te Diose. Teme la to sna'bon yo'bolil jba te Cajwaltique, ya me yac'on xan sujt'el tel, soc ya quil xan te cajón soc te banti aye.