Éxodo 33:11 - Bible in Tzeltal de Oxchuc y Tenejapa

¹¹ Te Dios la yilbey sba sit soc Moisés te c'alal c'opoj soque, jich bit'il ya xc'opojic te mach'a jun yo'tan sbaique. Patil te Moisés sujt' bael ta campamento. Yan te sjoy ta at'ele, ja' te Josué sbiil, te snich'an Nun, xujt' ma ba jil yu'un te Nailpaq'ue.

Bible in Tzeltal Bachajón

¹¹ Te Jehová ya snuhp'in sba ta c'op soc Moisés, hich te bin ut'il mach'a ya xc'opoj soc te smohlole. Patil te Moisés ya suht bahel ta campamento, yan te jcolel winic Josué snich'an Nun, te a'bat yu'un, ma ba ya yihquitay hilel te Nahilpac' Templo.

Éxodo 33:11 Referans Kwoze

Números 12:8

melel ya join jba ta c'op soc, chican ta lec te jc'op soque, ma ta señailuc nax. Jich yu'un te bit'il ya yilbon jsit, ¿bistuc ya atoy abaic ta slabanel? —xi' te Cajwaltique.

Deuteronomio 34:10

Pero ma'yuquix yan jich j'alwanej yu'un Dios chicnaj ta Israel te bit'il Moisés, te mero ta ye nix c'opoj soc te Cajwaltique,

Éxodo 33:9

Te c'alal nax ya x'och bael, ya xcoj tel te tocale. Tey mero ya yac' sba ta yochibal te Nailpac' Templo, te c'alal ya xc'opoj soc Cajwaltic te Moisese.

Éxodo 24:13

Jich mo bael ta wits te Moisés soc te sjoy ta at'ele, ja' te Josué. Bajt'ic ta bay wits yu'un Dios.

Deuteronomio 5:4

Te Cajwaltic la sc'oponex ta wits Horeb, ta ye nix la sc'oponex loq'uel ta yolil te c'ajq'ue.

Génesis 32:30

Te Jacob la slebey sbiil te banti jich c'ot ta pasele. Peniel sbiil c'ot yu'un, yu'un la yal: “Tey la quilbey sit a te Diose; ja'uc me to cuxulon, ma ba lajon yu'un”, xi'.

Santiago 2:23

Jich c'ot ta pasel te bila ts'ibubil jilel ta Sjun te Diose: “Te Abrahame la xch'uun te Diose, jich toj a c'ot ta stojol Dios yu'un”, te xie. Soc jich c'ot sc'oplal te Abrahame te ja' mero sjoy sba soc te Diose.

San Juan 11:11

Patil la yal te Jesuse: —Wayalix te Lázaro te jun co'tan jbajtic soque, ja'uc me to, ya xba jtij jajch'el —xi'.

San Juan 3:29

Jich bit'il te nujbinele. Te mach'a ya xnujbin soc te ach'ixe, ja'ix te smamlale. Yan te mach'a sjoy nax sba soque, ja' nax ya xbujts'naj yo'tan yu'un te ya yaiybey te sc'ope. Jich c'oemon ta stojol te Jesuse. Bayal ya xbujts'naj co'tan ta swenta.

Isaías 42:8

Jo'on Ajwalilon, ja' me jbiil abi, soc ma me xju' te ya cac' yutsilalin yan te cutsilale; jo'on nax me jtuquel ya x'ich'oton ta muc', ma me ja'uc te loc'ombaetique.

Job 16:21

ayuc mach'a ya xc'opoj cu'un ta stojol te Diose, jich bit'il ay ya xc'opoj yu'un jtul winic te yan winique.

2 Crónicas 20:7

Dios cu'untic, ja'at la aticunbey loq'uel yajwal te lumq'uinal ta stojol te lum Israel, la awac'bey yu'unin sbajt'el q'uinal te sts'umbal Abraham te ajoye.

Éxodo 32:17

C'alal la yaiy te Josué te yac ta aw te lume, jich la yalbey te Moisés: —Ay chican awetic yu'un guerra ta campamento —la yut.

Éxodo 17:9

Jich yu'un te Moisés la yalbey te Josué: —Tsaa bael winiquetic, baan ac'beyaic guerra te amalequetic. Tey me ayon pajel ta jol wits. Ya me jtsac ta jc'ab te bastón yac'ojbon te Diose —xi'.

Éxodo 33:10

C'alal la yilic te tocal te lume, juju-jtul la squejan sbaic ta yalel wocol ta bay sti'il te snailpaq'uique.

Números 11:28

Jich yu'un te Josué te snich'an Nun, ta squeremil to jajch' sjoin ta at'el te Moisés, jich la yal: —Moisés, cajwal cu'un, Moisés, ma xawac'bey spasic —xi'.

Números 12:7

Yan te cabat Moisés ma jichuc ya jpasbey stuquel. Jun yo'tan ta jtojol, c'ax jich a te bit'il spisil te yantic abatetic cu'une,

Deuteronomio 31:14

Te Cajwaltic jich la yalbey te Moisés: —Melel nopolix te ya sta yorail te ya xlajate, ja' yu'un ya me awic' tel te Josué. Ya me xbaat achebal soc ta Nailpac' te banti ya quich' c'oponele, swenta yu'un ya me cac'bey yich' yat'el —xi' te Cajwaltique. Te Moisés soc Josué bajt'ic ta Nailpac' te banti ya yich' c'oponel te Cajwaltique.