Éxodo 32:9 - Bible in Tzeltal de Oxchuc y Tenejapa

⁹ Te Cajwaltic, jich la yalbey xan te Moisese: —Yacon ta yilel te alumale. La jna'ix stojol te mero tulan te yo'tanique.

Bible in Tzeltal Bachajón

⁹ Te Jehová hich la yalbe xan te Moisés: La jquilix te pueblo ini, mero tulan te yo'tanique.

Éxodo 32:9 Referans Kwoze

Hechos 7:51

“Ja'uc me to, te ja'exe ma x'ac'anic tojobtesel. Te awo'tanique soc te achiquinique pajal c'oemic soc te mach'a ma sna'beyic sba te Diose. Apasojic ta contro spisil ora te Ch'ul Espiritue. Te bila la spasic te antiguo tatiletic cu'untique, ja' nanix jich ya apasic te ja'exe.

Isaías 48:4

Melel jna'oj stojol te mero tulan te awo'tanique, te jich tulanex bit'il hierro, ma xju'ex ta puxel jichuc bronce.

Deuteronomio 9:13

“Soc jich la yalbon xan te Cajwaltique: “La quilix te lume, te bit'il mero tulan yo'tanic, te ma'yuc bila ya xc'ot ta yo'tanique.

Éxodo 34:9

Jich la yal: —¡Cajwal! ¡Cajwal! Teme melel te lec c'oemon ta asite, joinawotic bael jiche. Te lume, melel nix a ma spejc'an sbaic ta jyalel, ma xch'uunic mandal. Pasbon perdón yu'un a te jmul soque. Lumucotic me awu'un —xi' te Moisese.

Éxodo 33:5

yu'un yalojix Cajwaltic ta stojol te Moisese: —Albeya te alumal israeletic: “Jich la yal te Diose: ‘Te ja'ex mero tulan awo'tanic, ma xapejc'an abaic ta jyalel. Jich yu'un teme ayon ta awolilique, ajc' nax ya xlajex cu'un. Ja' yu'un loq'uesa te ach'alilique. Jich me ya jna' te bila ya jpas ta atojolique’, xi' te Diose,” uta me —xi' te Cajwaltique.

Éxodo 33:3

Tey xbaex a ta bay ya x'oquin leche soc chab c'oem. Te jo'one ma ba ya joinex bael teme repente ya jlajinex jilel ta be, melel ma xapejc'an abaic ta jyalel, ma xach'uunic mandal —xi'.

Deuteronomio 31:27

Melel jna'oj te ja'ex te mero toyba lumexe, te mero tulan ya awac' abaique. Ora te cuxulon to ta awolilique, ya atoy abaic ta stojol te Cajwaltique. Ja'uc to balix a te c'alal ya xlajonixe, ¿bi wan awilelic ya x'ainex?

2 Crónicas 30:8

Ma me tulanuc ya awac' abaic soc te awo'tanic, jich bit'il tulanaj yo'tanic te antiguo ame'-atatique. Toya ac'abic ta stojol Cajwaltic swenta yu'un ya x'ach'ub xan te trato, soc la'ic ta ch'ul templo yu'un, te xch'ultesej sbajt'el q'uinale. Ac'a abaic ta abatinel ta stojol te Cajwaltic Dios awu'unique, jich me ya xquejch'aj yilimba ta atojolic te ja'exe.

Deuteronomio 9:6

Ya me sc'an ya ana'ic te ma ta swentauc slequil awat'elic ja'ex te ya yac'beyex awu'uninic te buen lequil lumq'uinal te Cajwaltic te Dios cu'untique, melel te ja'exe lom tulan awo'tanic, ma'yuc bila ya xc'ot ta awo'tanic.

Proverbios 29:1

Te mach'a tulan ya yac' sba te c'alal ya yich' comel, ora nax me ya yich' jinel, soc ma me ayuc xpoxil yu'un.

Salmos 78:8

Jich ma me pajaluc ya xc'otic soc te antiguo sme'-statique, te ma x'ich'awanic ta muc' soc te ma sna'ic q'uinal, te ma spisiluc yo'tan la yac' sbaic ta stojol te Diose; ja'ic te c'axic ta q'uinal te mero ma junuc yo'tanic la yac' sbaic ta stojol te Diose.

Nehemías 9:17

Ma ba la sc'an la xch'uunic, soc ma la sna'ic te bitic muq'uic sc'oplal la apas ta swenta sna'beyel yo'bolil sbaique. Mero tulan la yac' sbaic. Jich la yac'beyic yat'el te jwolwanej te ya x'ic'otic xan sujt'el ta mozoil ta Egipto. Pero te ja'ate Jpas-perdonat, ya ana' yo'bolil jbajtic, sts'ujetotic ta awo'tan, ma orauc ya x'ilinat, soc muc' te xc'uxul awo'tane. Ja' yu'un ma ba la apijt'es.

Deuteronomio 10:16

“Ac'a ta awo'tanic te smarcail te trato, ma me ja'uc nax chican awo'tanic te bila ya apasic baele.

Oseas 6:10

Ta bay Israel ay bila la quil te xiweltic sba tey a: Ja' te Efraín la yaiy mulwej, soc te Israel la sboltes sba.

Jeremías 13:27

Quiloj te toyol awo'tan yu'un te mulweje, q'uexlaltic sba te awat'el yu'un te chijil jolobele, ma lecuc awat'el ta witstiquil soc ta aquiltic. Obol aba, Jerusalén. ¿Jayeb to c'aal ya xbolob bael te ac'oplale? ¿Jayeb to c'aal ya apasulay bael te bila ilaybile? —xi' te Cajwaltique.

Números 14:11

Te Cajwaltic jich la yalbey te Moisés: —¿Jayeb to c'aal ma lecucon ta yo'tanic te lume? ¿Jayeb to me c'aal ya xc'opoj yo'tanic cu'un te bit'il cac'ojbey yilic cu'el ta yolilique?

2 Reyes 17:14

Pero ma ba la yich'ic ta muc', mero tulan la yac' sbaic, jich nix te bit'il anima sme'-static te ma ba la yac' smuc'ul yo'tanic ta stojol te Cajwaltic te Dios yu'unique.

Nehemías 9:16

“Pero ja'ic soc ta spisil te antiguo jts'umbaltic, la stoy sbaic soc mero tulan la yac' sbaic. Ma ba la yich'bat ta muc' te mandaltesel awu'une.