Éxodo 32:8 - Bible in Tzeltal de Oxchuc y Tenejapa

⁸ Ora nax la yijq'uitayic jilel te be c'oem te la calbey mandal te ya st'unique. La spasbeyic sloc'ombail jcojt' alal toro ta oro ultesbil ta c'ajc'. Yacaliquix ta xch'uunel soc la yac'beyiquix smajt'an. Jich yacalic ta yalel: “¡Jlumal, ilawil, ja' dios cu'untic te la sloq'uesotic tel ta Egipto!” xiic me —la yut.

Bible in Tzeltal Bachajón

⁸ Ora nax la yihquitayic hilel te be te ho'on la jcalbeyic ta mandar. La spasiquix sloc'omba jcolel toro ta uhltesbil oro, la sch'uhuntayic, la ya'beyic milbil mahtaniletic, soc la yalic: ¡Israel, ha te diosetic awu'unic ini te la sloq'uesex tal ta sq'uinal Egipto! xchi.

Éxodo 32:8 Referans Kwoze

1 Reyes 12:28

C'alal la yaiybey sc'op yantic te muc' ajwalil, la snop te ya spas cheb alal toroetic ta oro. Jich la yalbey te yajwal lum: —Ja'ex israeletic, bayal buelta c'oemex ta Jerusalén. Yo'tic li' ayix te adiosic te la sloq'uesex tel ta Egipto —xi' te Jeroboam.

Éxodo 20:23

Jich yu'un ma me xapasic loc'ombaetic ta oro soc ta plata te ya ach'uunique.

Deuteronomio 9:16

La quil te la ataix amulic ta stojol te Cajwaltique, te apasojiquix sloc'omba ch'in toro te ultesbil ta c'ajc' te taq'uine, te jich la awijq'uitayic jilel te be la yac'beyex at'unic te Cajwaltique.

Jueces 2:17

Ja'uc me to, te israeletic ma la yich'ic ta muc' te juecetique. Jc'axel chebaj yo'tanic ta stojol Cajwaltic, la xch'uunic loc'ombaetic te scuyojic ta diosetique. Te antiguo sme'-static la xch'uunbeyic te mandaliletic yu'un Cajwaltic; yan stuquelic ma ja'uc la snopbeyic te yo'tanique.

Éxodo 22:20

“Te mach'a ya yac'bey milbil smajt'an lotil dios, teme ma ja'uc ya yac'bey stuquel te Cajwaltique, jc'axel me ya yich' chajbanel sc'oplal ta milel.

Éxodo 32:4

Jich la stsac jilel ta sc'ab. La yultes ta c'ajc' te oro, la yac' ta smoldeil, la spas xan ta cincel. Jich la spasbey sloc'ombail jcojt' alal toro a. Jich la yalic ta spisilic te israeletique: —¡Jlumal, ilawil, ja' dios cu'untic te la sloq'uesotic tel ta Egipto! —xiic.

Éxodo 34:15

“Ma me xapasic trato soc te mach'atic nainemic ta bay te q'uinal, melel te c'alal ya spejc'an sbaic ta xch'uunel te diosetic yu'unic, soc te c'alal ya yac'beyic milbil smajt'anic, repente ya yiq'uex ta spasel, jich ya ati'beyic smajt'an te ya yac'beyique.

Levítico 17:7

Tey ma'yuquix bi ora ya yac'beyic milbil smajt'an a te pucujetique, ja' te la xch'uunic ta neelal to soc ja' ta scaj te bolobenique. Ja' jmandal in to ma'yuc bi ora ya xlaj sc'oplal awu'unic, te ya me sc'an ya yich' ch'uunel yu'un tatiletic soc nich'aniletic ta cajalcaj bael.

Deuteronomio 9:12

Jich la yalbon: “Baan, coan bael ta ora, melel te lum la awic' loq'uel tel ta Egipto, yanajix yo'tanic. Mero ora nax la yijq'uitayic spasel te bi la calbey spasique. La spas sdiosinic loc'omba ta ultesbil taq'uin”, xi'.

Deuteronomio 32:17

La yac'beyic milbil smajt'an pucujetic, lotil diosetic te ma'yuc bi ora sna'ojbeyic sba, yach'il lotil diosetic, lotil diosetic te c'oelic to, ni la xch'uunic te sme'-statique.

Salmos 78:36

Pero ta spisil yo'tanic la spasic ta lot.

Josué 22:15

Spisilic bajt'ic ta Galaad, ja' te ba ayic te sts'umbal Rubén, Gad soc te olil sts'umbal Manasés, jich c'o yalbeyic:

Jueces 8:24

Te bi ya jc'anbeyex, ja' te ya awac'bonic te staq'uinal chiquiniletic la apojic, teme jich awo'tanique —xi'. (Ja' scostumbre te madianetic te ay staq'uinal xchiquinic pasbilic ta oro, jich bit'il yantic ismaeletic.)

Nehemías 9:18

Asta la spasic ch'in alal wacax pasbil ta ultesbil taq'uin. La yalic te ja' te dios ic'otic loq'uel tel ta Egipto yu'une. Jich la staic tulan smulic ta atojol.

Salmos 106:19

Ta bay wits Horeb la spasic sloc'ombail alal wacax: la yultesic ta c'ajc' te oro, la spasic ta yajcananic, soc la squejan sbaic ta stojol.

Isaías 46:6

Ay mach'a ya sloq'ues bayal oro ta sbolsaic, soc ya slicbeyic yalal te plata; ya spas trato soc te jten-taq'uine, te yacuc pasbotuc junuc dios yu'un a, swenta yu'un ya squejan sba ta stojol soc ya xch'uun.

Jeremías 31:32

Te trato ya jpase, ma jichuc te bit'il la jpas soc te antiguo sme'-static, c'alal la jtsacbey tel sc'abic te la jloq'ues tel ta Egipto. Melel ma la sc'otesic ta ch'uunel te trato cu'une, manchuc teme jo'on yajwalonique. Jo'on Ajwalilon, jich ya cal.