Éxodo 32:5 - Bible in Tzeltal de Oxchuc y Tenejapa

⁵ C'alal la yil te Aarón, la spasbey scajtijib ta chiq'uel milbil smajt'an te sloc'ombail alal toro. Jich la yal ta aw te Aarón: —¡Pajel ya jpasbeytic sq'uin swenta yich'jibal ta muc' te Cajwaltique! —xi'.

Bible in Tzeltal Bachajón

⁵ C'alal hich la yil te Aarón, la spas scajtajib ta chiq'uel mahtanil ta stojol te jcolel toro, soc tulan la yal ta aw: ¡Pajel ay me q'uin yu'un Jehová! xchi.

Éxodo 32:5 Referans Kwoze

2 Reyes 10:20

Ja' yu'un la yal te ya yich' puquel ta alel te ya yich' pasel buen q'uin yu'un Baal. Jich la yich' pasel yu'unic.

Levítico 23:37

“Ja'ic me te sc'aalelal te bayal sc'oplal te ya yich' pasel q'uinetic ta jtojol jo'on te Ajwalilone. Ya me sc'an ya yich' alel te ja'ic te ch'ul tsoblejetic awu'unic, ja' me ta yorail a te ya awac'bonic chic'bil jmajt'an jo'on te Ajwalilone, soc majt'anil te scojt'ol ya yich' chiq'uel, majt'anil harina, majt'anil vino, chican te bila pasel ya sc'an te jujun sc'aalelal te q'uinetique.

Levítico 23:2

—Albeya te israeletic te bila ya calbate: “Ja' in to, ja' sc'aalelal te bayal sc'oplal ta jtojol jo'on te Ajwalilone, ja' me te ch'ul tsoblejetic sbiil ya xc'ot awu'unique.

1 Corintios 5:8

Jich yu'un, c'alal ya jpastic te q'uin Pascua, ma me ja'uc ta swenta te pocol levadurae. Soc ma me ja'uc te levadura yu'un te bila amene soc te mulile. Ja'uc me te waj te ma'yuc levadura yich'oje, te bila stojile soc te bila smelelile.

Oseas 8:14

Israel ya spas palacioetic yu'un ajwalil; ja'uc me to, ya xch'ay ta yo'tanic te mach'a jpaswanej yu'une. Judá ya spas bayal ta jpam lumetic te tulanic sts'ajc'ule; ja'uc me to, ya cac'bey tiluc sc'aal te ya xtanub ta c'ajq'uel te muc'ul naetic yu'une —xi' te Cajwaltique.

Oseas 8:11

“Melel te Efraín yac ta spasel bayal ta jmil scajtijib majt'aniletic; ja' nax ya xtuun yu'unic ta sleel smulic a.

2 Crónicas 30:5

Jich la snopic te ya me spucbeyic bael sc'oplal ta spisil Israel, ja' to ta Beerseba c'alal ta Dan, te ya yich'ic iq'uel tel ta Jerusalén ta q'uin Pascua yu'un te Cajwaltic, te Dios yu'un Israel. Ma ba spasojic te bit'il ay ta pasel ta neelal te ay bayal ya stsob sbaic jich bit'il ts'ibubil mandal.

2 Reyes 16:11

Te Urías la spas te scajtijib ta chiq'uel majt'anil, ja' nix jich te bit'il albot ta jun yu'un te muc' ajwalil Acaz, te ticunbot tel c'alal ta Damasco. Ju'emix yu'un a te c'alal sujt' tel ta Damasco te Acaz.

1 Reyes 21:9

Jich la yalbey ta cartaetic: “Alaic ta comel we'elil, soc najc'anaic te Nabot ta yolil te alumalique.

1 Samuel 14:35

Te Saúl la spasbey scajtijib majt'anil yu'un te Cajwaltique. Ja' sbabial buelta spasbel a te scajtijib smajt'ane.

Levítico 23:21

“Ja' nix ta yorail a, ya me apasic ch'ul tsoblej, ma me ayuc bila at'elil ya xju' ya apasic. Te jmandal stalel me ya xjil, ya me xch'uunic me'il-tatiletic soc alnich'anetic ta cajalcaj ta bayuc ayuquex ta nainel.

Levítico 23:4

“Ja' in ajtal to bayal sc'oplal yu'un ya yich' pasel a te ch'ul tsoblejetic swenta quich'jibal ta muc' jo'on te Ajwalilon, ja'ic in to:

Éxodo 32:4

Jich la stsac jilel ta sc'ab. La yultes ta c'ajc' te oro, la yac' ta smoldeil, la spas xan ta cincel. Jich la spasbey sloc'ombail jcojt' alal toro a. Jich la yalic ta spisilic te israeletique: —¡Jlumal, ilawil, ja' dios cu'untic te la sloq'uesotic tel ta Egipto! —xiic.

Éxodo 12:14

Ja' in c'aal to ya me sc'an ya ana'ulayic, ya me apasic muc'ul q'uin jujun ja'wil, yu'un quich'jibal ta muc', jo'on te Ajwalilone. Ja' mandalil sbajt'el q'uinal te ya xc'ax ta stojol ta cajalcaj alnich'anetic.

Éxodo 10:9

Te Moisés la sjac': —Ya me xbootic soc te alaletic cu'untique, soc te me'el-mamaletique, queremuc ach'ixuc, soc me te chijetic cu'untique, soc te wacaxetique. Mero muc'ul q'uin me cu'untic ta stojol te Cajwale —xi' te Moisese.

Éxodo 32:6

Jich yu'un ta yan c'aal sab jajch'ic ta yac'beyel milbil smajt'an te scojt'ol ya yich' chiq'uele, soc xan yan milbil smajt'an te swenta seña te lamal-o'tanile. Te lume la snajc'an sbaic ta we'el ta uch'el, soc jajch' spasic q'uin.

Éxodo 17:15

Te Moisés la spasbey scajtijib smajt'an Dios. Jich la yac'bey sbiilin: “Ja' bandera cu'un te Cajwale”, xi'.