Éxodo 32:34 - Bible in Tzeltal de Oxchuc y Tenejapa

³⁴ Jich yu'un beenan, ic'a bael te lum ta bay calojbate. Te ch'ul abat cu'une ja' me ya yic'at bael. Te c'alal ya xc'ot sc'aalelal te castigo, ya me cac'bey castigo yu'un te smulique —xi'.

Bible in Tzeltal Bachajón

³⁴ Bahan me hiche, ic'a bahel te pueblo ini ta banti la jcalbat; te ch'ul a'bat cu'un ha ya xnahilij bahel awu'un. Pero te c'alal ya sta yorahil castigo, ya cac'ticlambe castigo yu'un te smulique, xchi.

Éxodo 32:34 Referans Kwoze

Deuteronomio 32:35

yu'un ya xtuun te c'alal ya jsujt'esbey spacole, te ya cac'bey te bila lebil yu'unique; ja' te c'alal ya xc'ot yorail te ya x'ochic ta c'abale. ¡Nopolix yorail te ya yich'ic lajinel, nopolix yorail te ya xlajique!’, xi' te Cajwaltique.

Éxodo 23:20

“Aiya awaiy stojol ya jticunbat ch'ul abat cu'un ta atojol, swenta yu'un ya scanantayat ta be. Ja' me ya yic'at bael ta q'uinal te chajbanbilix cu'une.

San Mateo 23:35

Jich yu'un te ja'exe, ja' me ya xc'ot ta awentaic stojel te la yich' malel xch'ich'el spisil te mach'atic toj yo'tanic te lajemiquix tele, jich bit'il te Abel te la yich' malel xch'ich'el ta xjajch'ibal, ja' to c'alal ta Zacarías te snich'an Berequiase te la yich' malel xch'ich'el ta bay olilal ay yu'un te xchic'jibal smajt'an Dios soc te temploe.

Amós 3:14

Melel te bi c'aalil ya cac'bey castigo yu'un smul te Israele, ya jin te scajtijib majt'anil ta Betel; te xulubiletic yu'un scajtijib majt'anil ya me yich' c'oquel loq'uel soc ya me xch'ay coel ta lum.

Jeremías 5:29

¿Ma bal yacuc cac'bey castigo yu'un? ¿Ma bal jichuc ya sc'an ac'beyel castigo te ants-winiquetic te jich ya spasique? Jo'on Ajwalilon te jich ya cale.

Jeremías 5:9

¿Ma bal yacuc cac'bey castigo yu'un? ¿Ma bal yacuc cac'bey stoj te lum te jich ya spase?

Isaías 63:9

yu'un spisil te swocolique. Ma yu'unuc yan mach'a la sticun tel te tal ta coltaywaneje; ja' nix tal stuquel te Cajwaltique. Ta swenta xc'uxul yo'tan la yac' ta libre soc yutsil yo'tan, la sjach, la stsac ta sc'ab. Jich la spas spisil ora.

Salmos 99:8

Cajwal, Dios cu'un, ja'at la ajac'bey te sc'opique. Ja'at te Diosat yu'un te jpas-perdone, pero la nix awac'bey castigo yu'un te bitic amen la spasique.

Números 20:16

Jich yu'un la jc'anbeytic coltayel te Cajwaltique. La yaiybotic stojol, jich la sticun tel jtul ch'ul abat yu'un te la sloq'uesotic tel ta Egipto. Ta ora to li' ayotiquix ta lum Cades ta bay sti'il te aq'uinale.

Éxodo 33:2

Ya me jticun tel te ch'ul abat cu'une, ja' me ya yic'at bael. Ya me jticun loq'uel te cananeoetic, amorreoetic, hititaetic, ferezeoetic, heveoetic soc te jebuseoetique.

Éxodo 20:5

Ma me xaquejan aba ta stojolic, ma me xach'uunic. Melel jo'on Ajwalilon te Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal.

Éxodo 3:17

Soc la yalbon te ya scoltayex loq'uel ta woclajel yu'unic. Ya me yiq'uex bael ta slumal cananeoetic, heveoetic soc te jebuseoetic, ta bay lumq'uinal te banti ya ataic te ya x'oquin leche soc chab c'oeme, xi' te Cajwaltique”, uta me.

Éxodo 15:17

Ja'at Cajwal, ic'awotic bael, ac'a ainucotic ta ch'ul wits awu'un, te la atsa ta bay ya xnainate, ta ch'ul awilal te la awac' ipajuque.

Éxodo 33:12

Te Moisés jich la yalbey te Cajwaltique: —Ya calbat ta atojol, ja'at nix la awalbon te jo'on jtsobwanejon yu'un te lume; ja'uc me to, ma ba ya awalbon caiy te mach'a ya awac' sjoinon baele. Soc awalojbon te jun awo'tan ta jtojol: “Ya jna'bat aba ta lec soc lec c'oemat ta jsit”, te xaate.

Jeremías 23:2

Te Cajwaltic, te Dios yu'un Israel, ya yalbey te jcanan-chijetic te ya xmandalajic ta stojol te slumale: —Ja'ex la apucbonic bael te chijetic cu'une, la axiwtesbonic bael, ma ba la acanantaybonic. Ja' yu'un ya me cac'bat tulan castigo yu'un te amen awat'elique. Jo'on Ajwalilon, jich ya cal.

Jeremías 14:10

Te Cajwaltic jich ya yalbey sc'oplal te lum Israele: —Ja' in lum to ya smulan te bayuc nax ya xbajt' ta spisil ora ta stojol yan, jich yu'un ma ba lec ya quil. Ora yo'tic ya me jna'bey te smulique, soc ya me quich' ta c'op yu'un —xi'.

Oseas 8:13

Ja'ic ya smulanic te milbil majt'aniletique, ya smilic soc ya sti'beyic sti'balul; ja'uc me to, jo'on Ajwalilon, ma lecuc co'tan yu'unic. Ya me jna'bey te smulic te la spasique, soc ya me cac'bey castigo yu'un, ya cac' sujt'el ta Egipto.

Amós 3:2

—Ja'ex nax atuquelic te la jtsaex ta yolilic spisil te lumetic ta balumilal. Jich yu'un ya cac'beyex castigo yu'un spisil te bila amen apasojique —xi'.