Éxodo 32:33 - Bible in Tzeltal de Oxchuc y Tenejapa

³³ Te Cajwaltic la sjac': —Ja' nax ya jtup'bey sbiil ta libro cu'un te mach'a ya sta smul ta jtojole.

Bible in Tzeltal Bachajón

³³ Te Jehová hich la sjac'be te Moisés: Ha ya jtup'be sbihil ta libro cu'un te mach'a la sta smul ta jtojol.

Éxodo 32:33 Referans Kwoze

Ezequiel 18:4

Jo'on cu'un spisilic te ants-winiquetique, jich te me'il-tatiletic soc nix te alnich'anetique. Te mach'a ya sle smule, ya me xlaj.

Salmos 69:28

Tup'beya sbiilic ta slibroil cuxlejal; ma me xawaq'uic ta slistaul te mach'atic toj yo'tanique.

Deuteronomio 29:20

Te Cajwaltic ma me ja'uc ya xbajt' ta yo'tan pasulayel-perdón, ja' nax me ya yac'bey tel te yilimba ta stojol te mach'a jich ya yale. Ya me xc'ot ta swenta te bitic castigo albilix sc'oplal ta libro in to. Te Cajwaltic ya me stup'bey sts'umbal ta jc'axel ta lumq'uinal.

Salmos 9:5

La acomix te mach'atic ma'yuc ta atojole, la ajinix te mach'atic amenique, la atup'bey sna'jibal ta jc'axel ta sbajt'el q'uinal.

Levítico 23:30

Teme ay mach'a ya spas yat'el, mach'auc a te jich ya spase, ya me jlajin, jich me ya cac' ch'ayuc ta sitil yu'un slumal.

Apocalipsis 20:12

Soc la quil spisilic te animaetic te muc' biq'uit tec'ajtic tey a ta stojol te Diose. Te libroetique la yich' jamel, soc ay yan libro te la yich' jamel te ja' te lista yu'un cuxinele. Dios la yalbey yat'elic juju-jtul te animaetique chican te bi yilel te bila spasojique. Ja' chican te bila ts'ibubil ta bay te libroetique.

Apocalipsis 13:8

Spisil te mach'atic nainemic ta balumilale la slajin sbaic ta stojol te muc'ul chambalame, ja' te mach'atic ma nacaluc sbiilic ta lista swenta cuxinel te yich'oj te Alalchij te laje, te la yich' ts'ibuyel c'alal to te bi ora pastaj te ch'ulchan balumilale.

Filipenses 4:3

Ja' nix jich te ja'ate, te jun awo'tan joinej jbatic ta at'ele, ya calbat wocol te yacuc acoltaybon in cheb quermanotactic antsetic to. Melel pajal woclajon soc ta yalel te lec yach'il c'ope, soc uuc te Clemente soc te yantic jo'tactic ta at'ele, te nacal sbiilic ta jun yu'un Dios swenta cuxinel.

Apocalipsis 3:5

Te mach'atic ya xju' yu'unic tsalawe, ya me x'ac'bot slapic saquil sc'u'-spaq'uic, soc ma ba ya jtup'bey sbiilic ta bay te libro swenta cuxinele. Soc ya me calbey ta jamal sbiilic ta stojol te Jtate soc ta stojol uuc te ch'ul abatetic yu'une.

Éxodo 17:14

Te Cajwaltic la yalbey te Moisés: —Ts'ibuya ta libro swenta yu'un ya me yich' na'el. Albeya te Josué, ya me jtup'bey ta jc'axel sna'jibal te amalequetique —xi'.

Salmos 69:29

Pero te jo'one, Dios cu'un, te yacon ta chamel soc yacon ta mel-o'tan, jachawon soc coltayawon.

Ezequiel 18:20

Ja' nax te mach'a ya sle smule, ya me xlaj stuquel. Ma xju' teme ya stojbey smul stat te nich'anile, ni ja'uc te tatil ya xju' ya stojbey smul te nich'anile. Te mach'a stojil ya spase, ya me yich' smajt'an yu'un te stojil la spase; yan te mach'a amen te yat'ele, ja' me ya yich' castigo yu'un te smule.