Éxodo 32:30 - Bible in Tzeltal de Oxchuc y Tenejapa

³⁰ Ta yan c'aal te Moisés jich la yalbey te lume: —Te ja'exe mero muc' mulil la apasic. Jich yu'un ta ora to ya me xmoon bael ta stojol te Cajwaltique. Ya quil teme ya jta te ya spasbeyex perdón —xi'.

Bible in Tzeltal Bachajón

³⁰ Ta schebal c'ahc'al te Moisés hich la yalbe te pueblo: Te ha'ex la atahic muc'ul mulil, pero ya xmohonix bahel ta stojol Jehová; ya wan xhu' ya jc'ambe perdón yu'un te amulique, xchi.

Éxodo 32:30 Referans Kwoze

1 Samuel 12:20

La sjac' te Samuel: —Ma xiwex. Melel nix a te mero ma lecuc te bi apasojique, pero yo'tic ma me xapit loq'uel abaic ta stojol te Cajwaltique. Ch'uunaic ta spisil awo'tanic.

Números 25:13

ja' me te ya cac'bey ta swenta soc sts'umbal te at'el ta sacerdoteil ta sbajt'el q'uinal. Melel bayal jc'oplal ta yo'tan, jich la stabey perdón te israeletic —xi' te Cajwaltique.

Jonás 3:9

Repente jich ya xlecub yo'tan cu'untic a te Diose, jich ma ba ya yac'otic ta lajel —xi' te ajwalile.

Amós 5:15

Ilayaic te bila amene, lecuc me awo'tanic yu'un te bila leque. Leaic te bit'il ya yich' chajbanel ta toj te c'opetique; jich te Cajwaltic Dios te Spisil ya xju' yu'une, repente ya xc'uxtay te jayeb xan mach'atic cuxajtic ta Israel.

2 Reyes 17:21

La sloq'ues ta stojol te sts'umbal David te Israel, ja' muc' ajwalil c'ot yu'unic te Jeroboam te snich'an Nabat, te ja' la yac'bey yijq'uitay te Cajwaltic te israeletique, te jich la yac'bey staic smulic ta stojole.

2 Samuel 16:12

Teme yu'un ya yilbon jwocol te Cajwaltic, ya wan yac'bon bendición te bit'il bolc'optayel yacon ta yaiyel abi —xi'.

1 Samuel 12:23

Jich te jo'one, ac'a me scoltayon te Cajwaltic te manchuc ya jquejch'an yalel wocol ta stojol ta awentaique, melel teme jich ya jpase, ja' me jmul ta stojol te Cajwaltique. Ja' lec ya me cac'beyex anopic bit'il ya sc'an ya awac' abaic, soc te bit'il mero toj ya x'ainexe.

Números 16:47

Te Aarón la spas te bila albot yu'un Moisés. Bajt' ta animal ta bay stsoboj sbaic te lume. Te tulan chamel te ticunbilix tel yu'un te Diose, yaquix ta yaq'uel lajel ta stojol te lume. Jich yu'un te Aarón la yac' ochel pom, soc la sc'anbey perdón Dios ta stojol te lume.

2 Timoteo 2:25

soc te lamal yo'tan ya stojobtes te mach'atic ya xcontroinwanique, soc ya smaliy yil teme ayuc bit'il ya sujt'es yo'tanic ta stojol te Diose swenta yu'un ya me sna'ic uuc te smelelil c'ope.

Gálatas 3:13

Ja'uc me to, te Cristoe la yac'otic ta libre te bit'il ayotic ta ch'ayel yu'un te mandalile. Ja' la jelolintic ta ch'ayel. Melel jich ts'ibubil ta Sjun te Diose: “Ch'ayel bajt'ix te mach'a a te ya yich' jojc'anel ta te'”, te xie.

Romanos 9:3

Co'tanuc te ya cac' jba ta ch'ayel ta o'tanil yu'un Cristo ta swenta xc'uxul co'tan te jich ya xcolic a te quermanotac te jun jts'umbal soque.

San Lucas 15:18

Ya me sujt'on bael ta sna te jtate. Jich me ya xc'o calbey: ‘Jtat, jtaoj jmul ta stojol Dios soc ta atojol uuc.

San Lucas 7:47

Jich yu'un ya calbat awaiy: Ja' bayal c'uxon ta yo'tan yu'un te bit'il bayal smul la jpasbeyix perdón yu'une. Yan te mach'a jteb nax smul la jpasbey perdón yu'une, jteb nax c'uxon ta yo'tan yu'un —xi'.

1 Samuel 2:17

Ja' yu'un te smulic te winiquetic, mero tulan sc'oplal ta stojol Cajwaltic, melel mero ma'yuc swentail ta yo'tanic te majt'aniletic yu'une.

Santiago 5:16

Jich yu'un albeya abaic ta jamal teme ay amul ataojique, soc c'oponbeya abaic Dios swenta yu'un jich me ya xlamaj te chamele. Te c'alal ya sc'opon Dios te mach'a toj yo'tane, bayal yip ya xc'ot.

2 Samuel 12:9

¿Bi yu'un te ma'yuc sc'oplal ta awo'tan te jc'ope? ¿Bi yu'un ja' la apas te bi ma jmulane? Melel la achap ta awo'tan te la amil te Urías te hitita-winique, ja' la awac' milotuc yu'un te amonetique. Soc la awic'beyix te yiname.

Éxodo 32:29

Jich te Moisés la yal: —Yo'tic la awich'ix awat'elic ta stojol te Cajwaltic, yu'un ma'yuc sc'oplal c'ot ta awo'tanic teme anich'nabic soc teme awermanotaque. Jich yu'un yo'tic ay me bendición ta atojolic yu'un te Cajwaltique —xi'.

Salmos 99:6

Te Moisés, Aarón soc ta spisil te sacerdoteetic yu'un Dios, soc te Samuel, jun ayic soc te mach'atic la yalbeyic yutsil te sc'oplale. Te Cajwaltic la sjac'bey sc'op ta spisilic te c'alal la sc'anbeyic te coltayel yu'une.

1 Samuel 12:17

Yo'tic yorail set' trigo, ma yorailuc ja'alel q'uinal, jna'ojtic ta jpisiltic. Pero ya me jc'opon te Cajwaltic, ya me yac' tel buen tulan chawuquil ja'al, swenta yu'un jich me ya ana'ic xan, soc jich me ya awilic a te ma ba lequex ta sit Cajwaltic, yu'un te la ac'anic muc' ajwalil awu'unique —xi' te Samuele.

1 Samuel 12:19

Ja' yu'un, jich la yalbeyic te Samuel: —Albeya wocol te Cajwaltic te Dios awu'un, te manchuc ya xlajotic jo'otic te abatotic awu'un, melel bayal jmultic ta jpisiltic, soc ja' jmultic xan te la jc'antic muc' ajwalil cu'untique —xiic.