Éxodo 32:29 - Bible in Tzeltal de Oxchuc y Tenejapa

²⁹ Jich te Moisés la yal: —Yo'tic la awich'ix awat'elic ta stojol te Cajwaltic, yu'un ma'yuc sc'oplal c'ot ta awo'tanic teme anich'nabic soc teme awermanotaque. Jich yu'un yo'tic ay me bendición ta atojolic yu'un te Cajwaltique —xi'.

Bible in Tzeltal Bachajón

²⁹ Ha yu'un la yal te Moisés: Yo'tic ch'ultesbil c'ohex ta stojol Jehová, yu'un jujutuhl la scontrahin te snich'an soc te yermano, scuenta yu'un yo'tic ya ya'beyex bendición te Jehová, xchi.

Éxodo 32:29 Referans Kwoze

San Mateo 10:37

“Ja' te mach'a c'ax jich c'ux ya yaiy ta yo'tan sme'-stat te bit'il c'ux ya yaiyone, ma snujp'in te ja' cu'un ya xc'ote. Soc te mach'a ja' c'ax c'ux ya yaiy ta yo'tan yal-snich'an te bit'il c'ux ya yaiyone, ma snujp'in te ja' cu'un ya xc'ote.

Zacarías 13:3

“Teme ay mach'a ay bi ya yil ta sc'op, te ya yalbey sc'oplal, jich me ya x'albotic yu'un te sme'-state: “Ya me xlajat, melel ay bi ya awal ta lot, te ya awal te ja' ta swenta te Cajwaltique”, ya me yut. Ja' ni me te sme'-stat te ya x'ac'bot puñal yu'une, te bi ora yac ta yalel ta lot te ja' j'alwanej yu'un te Cajwaltique.

Proverbios 21:3

At'elina spasel te bitic toj ta pasel soc te bitic swenta toj-o'tanile, melel te Diose ja' ya smulan, c'axem jich sc'oplal yu'un a te milbil smajt'ane.

Éxodo 32:28

Te levitaetic la xch'uunic te mandal la yal Moisés. Te bi c'aalil la yich' alele, jich ora lajic oxmil (3,000) winiquetic.

Éxodo 32:30

Ta yan c'aal te Moisés jich la yalbey te lume: —Te ja'exe mero muc' mulil la apasic. Jich yu'un ta ora to ya me xmoon bael ta stojol te Cajwaltique. Ya quil teme ya jta te ya spasbeyex perdón —xi'.

2 Crónicas 35:3

Soc la yac'bey snopic te bi ya spasic te levitaetic, te ja' maestroetic yu'un spisil Israel, te ch'ultesbilic ta stojol te Cajwaltic. Jich la yal: —Ac'aic te ch'ul cajón tey ta templo te la spas te Salomón te snich'an David, te antiguo muc' ajwalil yu'un Israel; ma me xaq'uechiquix bael ta anejq'uelic. Ta ora yo'tic at'elinaic abatinel yu'un te Cajwaltic Dios cu'untic soc yu'un Israel te lum yu'une.