Éxodo 32:27 - Bible in Tzeltal de Oxchuc y Tenejapa

²⁷ Jich yu'un te Moisés la yal: —Jich la yal te Cajwaltic te Dios cu'untic te Israelotique: “Tsaca ta juju-jtul te apuñalique. Sujt'anic bael ta nailpaq'uetic, puca abaic ta spamal campamento. Milaic ta juju-jtul te awermano, soc te mach'a jun awo'tan abaic soque, soc te apat-axujq'ue”, xi' te Cajwaltic —xi'.

Bible in Tzeltal Bachajón

²⁷ Te Moisés hich la yalbe: Hich la yal te Jehová te Dios yu'un Israel: Jujutuhl ac'a schuc te espada yu'un ta scub, c'axanic bahel ta jujun ti'nahil, jujutuhl ac'a smil te yermano, te yamigo soc te spat-xuhc, xchi.

Éxodo 32:27 Referans Kwoze

Números 25:5

Te Moisés jich la yalbey te juecetic yu'un Israel: —Ta juju-jtul te ja'exe, ya me amilic te winiquetic te pajal ats'umbal soc ta juju-jchajp, te la yac' sbaic ta xch'uunel te Baal-peor —xi'.

San Lucas 14:26

—Te mach'a ya xtal ta jtojole, teme ma c'axuc jich c'uxon ta yo'tan a te bit'il te state, te sme'e, te yiname, te snich'nabe, te sbanquiltaque, te xwixitaque, te yijts'inabe, soc uuc te xcuxlejal ta q'uinale, ma xju' te jnopojel ya xc'ot cu'une.

2 Corintios 5:16

Jich yu'un, te jo'otique ma jichuc jnopojtic te bit'il ay te yantique, jich te bit'il ya yalic te mach'atic ayic ta balumilale. Manchuc teme jich jnopojbeytic sc'oplal Cristo jich te bit'il ya yalique, ta ora to ma jichuc c'oemix ta co'tantic te bit'il ya yalique.

Éxodo 32:29

Jich te Moisés la yal: —Yo'tic la awich'ix awat'elic ta stojol te Cajwaltic, yu'un ma'yuc sc'oplal c'ot ta awo'tanic teme anich'nabic soc teme awermanotaque. Jich yu'un yo'tic ay me bendición ta atojolic yu'un te Cajwaltique —xi'.

Éxodo 32:26

Te Moisés la stejc'an sba ta yochibal te campamento, jich la yal: —Te mach'atic jun yo'tanic ta stojol te Cajwaltic, tsoba abaic tel ta jtojol —xi'. Spisil te levitaetic jtsojp nax la yac' sbaic ta stojol.

Éxodo 32:28

Te levitaetic la xch'uunic te mandal la yal Moisés. Te bi c'aalil la yich' alele, jich ora lajic oxmil (3,000) winiquetic.

Deuteronomio 13:6

“Manchuc me mero abanquil o awijts'in, aquerem-nich'anuc, awantsil-nich'anuc, o awinam te mero c'ux ta awo'tane, o ja' te mach'a mero jun awo'tan aba soc, teme ya sujat bael ta smuquen-ch'uunel yantic diosetique, te ma x'ana'beyic sba soc te ni ja'uquic te ame'-atatic la sna'beyic sba, ma me ja'uc xapasbeyic te bila ya sc'an yo'tanic stuquelique.

Deuteronomio 13:10

Ch'oja ta ton ja' to teme laje, melel ya sc'an yac'batix awijq'uitay ta awo'tan te Cajwaltic te Dios cu'untique, ja' te la sloq'uesat tel ta Egipto te banti ayat ta mozoile.

2 Reyes 10:25

C'alal laj yo'tan ta yaq'uel te chic'bil majt'anil te Jehú, la yalbey mandal te soldadoetic soc te capitanetic yu'une: —¡Ochanic, milaic! ¡Ma me ayuc ya xjil ni jtuluc! —xi'. Te swinictac te Jehú la smilic spisil ta puñal, limil jilel yu'unic ta lum ta spat templo. Patil ochic bael c'alal ta awilal ta templo yu'un Baal.

Ezequiel 9:5

La caiy te bila la yalbey te yantic winiquetique: —Baanic t'unaic bael, baan beentayaic te lume. Jachaic jajch'el ta templo cu'un, milaic te mamaletic, queremetic, ach'ixetic, alaletic soc antsetic, ma me x'ana'bey yo'bolil sbaic. Pero ma me x'awuts'inic stuquel te mach'atic yich'oj señaique —xi'. Ja' yu'un te winiquetic ja' neel la smilic te mamaletic ayic ta elawal yu'un templo.