Éxodo 32:25 - Bible in Tzeltal de Oxchuc y Tenejapa

²⁵ Te Moisés la yil ta lec te yac ta jowejel yo'tanic te lume, yu'un te Aarón ma la yaiy comaw. Jich la yac' sbaic ta labanel yu'un te scontroique.

Bible in Tzeltal Bachajón

²⁵ Te c'alal la yil Moisés te ma ba ya scom sbahic te pueblo, yu'un ma ba comotic yu'un Aarón, te la yac' sbahic ta q'uexlal yu'un te scontrahic,

Éxodo 32:25 Referans Kwoze

Isaías 47:3

ac'a chicnajuc abaq'uetal, ac'a chicnajuc ta jc'axel. Ya me quich'bey spacol, ma'yuc mach'a ya xju' ya scomon, manchuc me ya yalbon wocol —xi' te Diose.

Apocalipsis 16:15

“Aiya awaiyic stojol, jich me ya xtalon te bit'il j'eleq'ue. Bin nax me yutsil te mach'a wiq'uil sit soc te slapoj sc'u' swenta yu'un ma me t'analuc ta comonsitil ya x'ilot yu'un ants-winiquetic te sbaq'uetale”, xi' te Cajwaltique.

Miqueas 1:11

Yajwal Safir, ijq'uitayaic te alumal, baanic ta yan lum, t'analex soc nojel awo'tanic yu'un q'uexlal. Ma me xloq'uic tel te mach'atic nainemic ta Zaanán. Ay oq'uel ta Bet-esel; ma xc'opojix awu'unic.

Romanos 6:21

Ja'uc me to, ¿bila loc' awu'unic a? Melel ja' nax la yaq'uex ta q'uexlal, melel ta slajibal te bitic ya apasique, ja' nax ya yaq'uex ta lajel.

Oseas 2:3

Teme ma jichuc ya spase, t'anal me ya quijq'uitay ta jc'axel, jich me ya xc'ot cu'un te bi yilel c'alal a ayine. Ya me jc'atp'un ta jochol taquin q'uinal, ta puro taquin lumq'uinal, soc ya me xlaj ta taquinti'il.

Daniel 12:2

Ay me bayalic te mach'atic wayemiquix, te ayic ta muquenal, te ya xcha'cuxic jajch'el. Ay me ya xbajt'ic ta cuxinel sbajt'el q'uinal, ay me ya xbajt'ic ta q'uexlal, tey me ya xbajt'ic sbajt'el q'uinal a, tey ta banti mero ilaybil sbae.

Ezequiel 16:63

Ya me xtal ta awo'tan, soc ya me xtal bayal q'uexlal ta atojol. Ya me apejc'an aba, soc ma ba ya xc'opojatix te c'alal ya jpasbat perdón spisil te bitic apasoje. Jo'on Ajwalilon te jich caloje”, uta me —xi' te Cajwaltique.

2 Crónicas 28:19

Te Cajwaltic la sc'an yo'tan te ya yich' pejc'anel Judá ta scaj Acaz, te muc' ajwalil yu'une, melel la spas te bi la sc'an yo'tan ta Judá, soc jc'axel ma tojuc yo'tan ta stojol te Cajwaltique.

Deuteronomio 9:20

Soc mero ilin ta stojol te Aarón, c'an slajin ta jyalel, pero ta scaj te la jna'bey yo'bolil sba, c'opojon yu'un.

Génesis 3:10

La sjac' te winique: —La caiy stojol yacat ta beel ta yolil awalts'unubil. Xiwon, yu'un t'analon, jich la jnac' jba —la yut.

Éxodo 32:26

Te Moisés la stejc'an sba ta yochibal te campamento, jich la yal: —Te mach'atic jun yo'tanic ta stojol te Cajwaltic, tsoba abaic tel ta jtojol —xi'. Spisil te levitaetic jtsojp nax la yac' sbaic ta stojol.

1 Reyes 12:28

C'alal la yaiybey sc'op yantic te muc' ajwalil, la snop te ya spas cheb alal toroetic ta oro. Jich la yalbey te yajwal lum: —Ja'ex israeletic, bayal buelta c'oemex ta Jerusalén. Yo'tic li' ayix te adiosic te la sloq'uesex tel ta Egipto —xi' te Jeroboam.

1 Reyes 14:16

Te Cajwaltic ya me yac' ta c'abal te Israel ta scaj te mulil la spas te Jeroboam soc te la yac'bey spasic te lum Israel —xi' te Ahías.

Proverbios 29:18

Ta bay ma'yuc ta tojtesel yu'un Dios te lum, ma'yuc lamal q'uinal yu'un; bin nax me yutsil te lum te ya xch'uunbey smandal te Diose.

Jeremías 5:5

Jich yu'un ya me xba jc'opon te ants-winiquetic te muc' sc'oplalique. Ja'ic wan te ma ba wocol ya sna'ic te bila ya sc'an yo'tan te Cajwaltique, te bila mandal yu'un Dios”, xoon yu'un. Ja'uc me to, ni me'baetic, ni ja'uc te mach'atic muc' sc'oplalic, spisil la stoy sbaic ta stojol te Diose, ma la sc'an la xch'uunbeyic te sc'ope.