Éxodo 32:20 - Bible in Tzeltal de Oxchuc y Tenejapa

²⁰ La stsac te sloc'omba alal toro, la yac' ochel ta c'ajc', la sjuch' ja' to c'alal c'atp'uj ta tan. Te stanule la spuc bael ta ja', la yac'bey yuch' te israeletique.

Bible in Tzeltal Bachajón

²⁰ Soc la stsac te jcolel toro te spasojic, la schic' ta c'ahc', la sjuch' ha to c'alal ts'ubiltic c'oht, la sbuhquiy bahel ta ha' soc la yac'ticlambe yuch'ic te snich'nab Israel.

Éxodo 32:20 Referans Kwoze

Deuteronomio 9:21

La jtsac te sloc'omba ch'in toro te la apasique, te ja' la ata amulic ta stojol Cajwaltic yu'une, la cac' ochel ta c'ajc'. La juch' ta lec, mero ts'ubiltic bajt', patil la jch'oj coel ta ja' te ya xco tel ta witse.

Proverbios 14:14

Te mach'a ma sna' q'uinal, ya scuy ta lec te bila ya spase; yan te mach'a lec yo'tane, lec yat'el stuquel.

Proverbios 1:31

C'ux obol me abaic yu'un swocolil te awat'elique; tsobol me ya xjil ta atojolic te bila amen la anop ta awo'tanique.

2 Reyes 23:15

Ja' nix jich te scajtijib ta chiq'uel majt'anil soc te toyol ch'uunjibal ta Betel te la spas Jeroboam snich'an Nabat te la yac'bey sta smulic te israeletique, la swuy te Josías, jc'axel ts'ubiltic bajt' yu'un. Patil la yac'bey sc'aal, soc la xchic' uuc te sloc'omba Asera.

2 Reyes 23:6

La sloq'ues ta Jerusalén te sloc'omba Asera ay ta templo yu'un te Cajwaltique. La xchic' ta spamlej Cedrón, asta mero tanub ta c'ajc' yu'un. Patil la slilin ta muquenaletic.

Deuteronomio 7:25

Ja'ex me ya achic'beyic te loc'ombaetic cuybil ta diosetic yu'unique. Ma me xbic'taj awo'tanic yu'un te oro te plata yich'ojic te loc'ombaetique. Ma me awo'tanuc x'awich'beyic, ma me xyalex ta mulil yu'un. Teme jich ya apasique, ja' me ya apasic abi te bila ilaybil yu'un te Cajwaltique.

Deuteronomio 7:5

Te bila ya sc'an ya apasique, ja' te ya ajinic ta spisil te scajtijib ta bay ya yich' chiq'uel smajt'an te bitic cuybilic ta Diose. Jc'axel me ya sc'an ya ajinic te tejc'anbil tonetic soc te sloc'omba Asera yu'unic te xch'uunejique. Chic'beyaic ta spisil te loc'ombaetic cuybilic ta Dios yu'unique.

Éxodo 32:21

Te Moisés la yalbey te Aarón: —¿Bi la apas soc te lume? Mero muc' mulil la apas soc —la yut.

1 Reyes 15:13

Soc la sloq'uesbey yat'el te antsil-ajwalil, ja' te Maaca, yu'un la yac' ta pasel sloc'omba Asera. Te Asa la sjin te loc'omba soc la xchic' ta beja' yu'un Cedrón.

2 Crónicas 34:4

La yich' wuyel ta stojol Josías te scajtijib majt'aniletic yu'un te yantic sloc'omba te Baal. Te Josías la yal mandal ta jinel te scajtijib xchic'jibal pom te ay ta sba. Soc la yal mandal ta wuyel te sloc'omba Asera, te yajcananic soc te loc'ombaetic yu'unic te pasbil ta taq'uin te ultesbil ta c'ajq'ue; jc'axel wuyot yu'un, ora ba spucbey ta sba smuquenal te mach'atic la yac'beyic milbil majt'aniletique.