Éxodo 32:19 - Bible in Tzeltal de Oxchuc y Tenejapa

¹⁹ C'alal c'ot Moisés ta campamento, la yil te alal toro soc te j'ajc'otetique. Bayal ilin yu'un, la xch'oj coel ta sc'ab te cha'pejch' tone. Wuy ta jc'axel ta mero yet'al wits.

Bible in Tzeltal Bachajón

¹⁹ Te c'alal c'oht ta campamento te Moisés soc la yil te jcolel toro soc te ahc'ot, mero ilin yu'un, la sch'oj cohel te cha'pehch ton ay ta sc'ab, la swuy ta ye'tal wits.

Éxodo 32:19 Referans Kwoze

Efesios 4:26

Teme ya x'ilinexe, ma me teyuc ya ata amulic a. Ma me smaleluc c'aal te yaquex ta ilimbae.

San Marcos 10:14

C'alal la yil te Jesuse, ma lecuc la yaiy. Jich la yal: —Ac'a taluc ta jtojol te alaletique. Ma me x'acomic, melel te mach'a jich yo'tanic te bit'il in alaletic to, ja' me ya xju' ya yajwalinic te Diose.

San Marcos 3:5

Te Jesús la yil ta sjoyobal te ants-winiquetic. Ilin yu'un soc la smel yo'tan yu'un te bit'il tulan te yo'tanique. La yalbey ts'iin te winique: —Toya jajch'el te ac'abe —la yut. La stoy jajch'el sc'ab te winique. Jich lecub te sc'abe.

San Mateo 5:22

Ja'uc me to, jo'on ya calbeyex: Spisil mach'a ya yilintay te yermanoe, ay me smul ya xc'ot ta stojol te chajbanwanejetique. Spisil mach'a “Bolat”, ya yut te yermanoe, ay me smul ya xc'ot ta stojol te muc'ul tsobleje. Soc spisil mach'a ya slaban te yermanoe, ya me xch'ojot ochel ta yawil c'ajc' ta bay ma xtup' sbajt'el q'uinal.

Zacarías 11:14

La jc'as te yan jnabate', te “Jun nax ay” sbiile, jich laj sc'oplal a te yermano sbaic te Judá soc Israel.

Lamentaciones 5:15

Ma'yuquix sbujts' te co'tantique; te sbujts' co'tantic ta ajc'ot c'atp'ujix ta mel-o'tan.

Jeremías 31:32

Te trato ya jpase, ma jichuc te bit'il la jpas soc te antiguo sme'-static, c'alal la jtsacbey tel sc'abic te la jloq'ues tel ta Egipto. Melel ma la sc'otesic ta ch'uunel te trato cu'une, manchuc teme jo'on yajwalonique. Jo'on Ajwalilon, jich ya cal.

2 Samuel 6:14

Te David slapoj efod pasbil ta lino-pac', soc yac ta beel ta ajc'ot ta spisil yip.

Deuteronomio 27:26

“Boloben me sc'oplal ta jyalel te mach'a ma ba ya xch'uun soc te ma ba sc'an ya spas bael te mandaliletic in to”. “Jichuc”, xiic me ta spisil te lume.

Números 12:3

Ta mero melel te Moisés peq'uel yac'oj sba, c'ax jich te bit'il spisil a te yantic te ayic ta q'uinale.

Éxodo 32:11

Te Moisés ja' la sc'opon te Cajwaltic, jich la yalbey: —Cajwal, ¿bi yu'un te ya x'ilinat ta stojol te lum awu'un, te ja'at nix la aloq'ues tel ta Egipto ta smuc'ul awu'el soc yu'el te ac'abe?

Éxodo 15:20

Jich yu'un te María, ja' te j'alwanej te xwix te Aarón, la stsac te pandereta yu'une. T'unot yu'un spisil te antsetique, ajc'otajic ta stijel te spanderetaique.

1 Corintios 10:7

Ma me xach'uunic te loc'ombaetique, jich te bit'il ay la xch'uunique, jich bit'il te ts'ibubil jilele: “Te lume la snajc'an sbaic ta we'el-uch'ajel soc jajch' spasic q'uin”, te xie.

Éxodo 32:18

Te Moisés la sjac': —Ma c'ayojuc yu'un sbujts'-o'tanil te yu'un la yaiyic tsalaw ya caiye, soc ma c'ayojuc yu'un mel-o'tan te la yich'ic tsalele. Yantic c'ayojetic te la caiy stojol te jo'one —xi' te Moisese.

Éxodo 34:1

Te Cajwaltic, jich la yalbey te Moisese: —Waluya atuquel te cha'pejch' tonetic, ja' me ya apaj soc te bit'il ay ta neelale, swenta yu'un ya me jcha'ts'ibuy tey a te c'opetic ay ta sbabial tonetic te la awuye.

Salmos 119:53

Te mach'atic amenic te ya yijq'uitayic te p'ijubtesel awu'un, ya yac'bonic x'ilin co'tan yu'un.

Deuteronomio 10:2

Jo'on me ya jts'ibuy yan buelta ta tonetic te c'opetic la jts'ibuy ta neelal to, ja' te la atop'e. Ya me aq'uej ta cajón”, la yuton.