Éxodo 32:16 - Bible in Tzeltal de Oxchuc y Tenejapa

¹⁶ Te pejch'el tonetic ja' la spas stuquel te Diose, soc ja' nix te Dios la xch'ojtilay ta ts'ibuyele.

Bible in Tzeltal Bachajón

¹⁶ Te pehchel tonetic ha ya'tel Dios, soc te bin ts'ihbabil tey a ha te bin sts'ihbayej ochel Dios ta tonetic.

Éxodo 32:16 Referans Kwoze

Éxodo 31:18

Te c'alal laj yo'tan ta c'op soc Moisés ta wits Sinaí te Cajwaltic, la yac'bey ta sc'ab te cha'pejch' ton te ay mandaliletic tey a, te sts'ibuyej ta sc'ab stuquel te Diose.

Hebreos 8:10

Soc la yal te Cajwaltique: “Jich ay te trato ya jpas soc te lum Israel te c'alal ya sta yoraile: Ya me cac'bey sna'ic ta yo'tanic te mandalil cu'une, ya me jts'ibubey ta yo'tanic c'oem. Jo'on Dioson yu'unic ya xc'oon, soc ja' lum cu'un ya xc'otic.

2 Corintios 3:3

Jamal chican ta ilel te ja' cartaex te ts'ibubil yu'un te Cristoe te la yac' ta jwentatique. Ma ja'uc ts'ibubilex ta tinta, ja' ts'ibubilex a te Espíritu yu'un te cuxul Diose. Ma ja'uc ch'ojtilaybil ta ts'ibuyel ta bay pejch'el tonetic, ja' la yich'ix ch'ojtilayel ta ts'ibuyel ta awo'tanic.

2 Corintios 3:7

Te mandalil yu'un Moisés te ay lajel ta swenta, la yich' ch'ojtilayel ta ts'ibuyel ta pejch'el tonetic. Te c'alal jich yac ta c'oel ta pasele, ay bayal xojobil te yutsilale. Jich te israeletique ma ju' yu'unic yilel sit yelaw te Moisese, yu'un bayal xojobajem te site. Ja'uc me to, c'unc'un tup' te xojobile. Teme jich ay yutsilal te mandaliletic te ay lajel ta swentae,

Deuteronomio 10:1

“Ja' yu'un te Cajwaltic jich la yalbon: “Waluya cha'pejch' tonetic, jich nix te bit'il ay ta neelal to, soc pasa jun cajón ta te'. La', moan tel ta wits, yu'un ya xc'opojotic.

Deuteronomio 9:15

“Te c'alal coon tel ta wits te yac ta tilel ae, quich'oj tel ta jc'ab te cha'pejch' tonetic te banti ts'ibubil te tratoe.

Éxodo 34:4

Te Moisés la swaluy te cha'pejch' tonetic te pajal soc ta neelale. Ta yan c'aal ta buen sab la stsac bael te cha'pejch' tonetic, mo bael ta wits Sinaí, jich bit'il albil mandal yu'un te Cajwaltique.

Éxodo 34:1

Te Cajwaltic, jich la yalbey te Moisese: —Waluya atuquel te cha'pejch' tonetic, ja' me ya apaj soc te bit'il ay ta neelale, swenta yu'un ya me jcha'ts'ibuy tey a te c'opetic ay ta sbabial tonetic te la awuye.

Éxodo 32:15

Jich yu'un te Moisés coj tel ta wits. La yich' tel ta sc'ab te cha'pejch' ton yu'un te mandaliletic te xchebal spat ts'ibubile.

Éxodo 32:17

C'alal la yaiy te Josué te yac ta aw te lume, jich la yalbey te Moisés: —Ay chican awetic yu'un guerra ta campamento —la yut.

Job 19:24

Ayuc nix mach'a ya sts'ibuy ta lápiz taq'uin, ta plomo o ta ton te ma'yuc bi ora ya xtup'e.