Éxodo 32:15 - Bible in Tzeltal de Oxchuc y Tenejapa

¹⁵ Jich yu'un te Moisés coj tel ta wits. La yich' tel ta sc'ab te cha'pejch' ton yu'un te mandaliletic te xchebal spat ts'ibubile.

Bible in Tzeltal Bachajón

¹⁵ Suht cohel tal ta wits te Moisés, yich'oj tal ta sc'ab te cha'pehch ton yu'un te Testigo-c'op, ha te pehchel tonetic te ts'ihbabil ta jehch ta jehch.

Éxodo 32:15 Referans Kwoze

Deuteronomio 9:15

“Te c'alal coon tel ta wits te yac ta tilel ae, quich'oj tel ta jc'ab te cha'pejch' tonetic te banti ts'ibubil te tratoe.

Apocalipsis 5:1

Soc la quil te ay balbil jun te stsacoj ta swa'el sc'ab te mach'a nacal ta muc'ul nactijibale. Ay bila ts'ibubil ta yutil soc ta spat te balbil june, soc yich'oj juqueb sello.

Salmos 19:7

Mero lec te p'ijubtesel yu'un te Cajwaltique, melel ya x'ach'ub jcuxlejaltic yu'un. Te smandal Cajwaltic jun nax bi ya yal, melel ya xpasot ta p'ij yu'un te mach'a ma sna' q'uinale.

Deuteronomio 5:22

“Ja' te c'opetic la yal ta tulan te Cajwaltic te c'alal c'opoj ta yolil c'ajc' soc ta yolil pimil tocal. Ja' te c'alal stsoboj sbaic spisilic ta ye'tal te witse. Te c'alal laj yo'tan ta c'ope, tey ma'yuquix bila yan la yal a. Te c'opetic la sts'ibuy ta cha'pejch' tonetic. C'alal ju' yu'un, la yac'bon ta jc'ab.

Éxodo 40:20

Jich yu'un te Moisés la stsac te cha'pejch' ton yu'un te mandaliletic, la yac' ta yutil scajonil trato. La yac'bey te sq'uechjibal soc te yawil perdón ta sba. La yich' bael ta mero yutil te ch'ul awilale. La st'iman c'axel te pac' te ya stsal ta olile, jich la smac a te cajone, jich bit'il yaloj mandal te Cajwaltique.

Éxodo 31:18

Te c'alal laj yo'tan ta c'op soc Moisés ta wits Sinaí te Cajwaltic, la yac'bey ta sc'ab te cha'pejch' ton te ay mandaliletic tey a, te sts'ibuyej ta sc'ab stuquel te Diose.

Éxodo 24:18

Och bael Moisés ta yolil te tocale, mo xan bael ta wits. Tey jalaj cha'winic c'aal soc cha'winic ajc'ubal a.

Éxodo 16:34

Jich nix la spasic te bit'il mandal albot yu'un Cajwaltic te Moisese. Te Aarón tey la yac' ta oxom ta bay sts'eel scajonil te trato swenta yu'un ya me yich' q'uejel.

2 Corintios 3:3

Jamal chican ta ilel te ja' cartaex te ts'ibubil yu'un te Cristoe te la yac' ta jwentatique. Ma ja'uc ts'ibubilex ta tinta, ja' ts'ibubilex a te Espíritu yu'un te cuxul Diose. Ma ja'uc ch'ojtilaybil ta ts'ibuyel ta bay pejch'el tonetic, ja' la yich'ix ch'ojtilayel ta ts'ibuyel ta awo'tanic.

2 Corintios 3:7

Te mandalil yu'un Moisés te ay lajel ta swenta, la yich' ch'ojtilayel ta ts'ibuyel ta pejch'el tonetic. Te c'alal jich yac ta c'oel ta pasele, ay bayal xojobil te yutsilale. Jich te israeletique ma ju' yu'unic yilel sit yelaw te Moisese, yu'un bayal xojobajem te site. Ja'uc me to, c'unc'un tup' te xojobile. Teme jich ay yutsilal te mandaliletic te ay lajel ta swentae,

Hebreos 9:4

Ay scajtijib xchic'jibal pom tey a te pasbil ta oro, soc tey ay a te xcaxail trato pasbil ta ch'ujte' te potsbil ta oro. Tey q'uejbil ta yutil caxa te jarra te pasbil ta oro te nojel ta maná, soc te sbastón Aarón te puline, soc te cha'pejch' ton te ts'ibubil jilel tey a te tratoe.

Éxodo 24:12

Te Cajwaltic, jich la yalbey te Moisese: —Moan tel ta wits ta banti ayon, tey me ya amaliyon a. Yu'un ya cac'bat pejch'el tonetic te tey ts'ibubil cu'un a te mandaliletic swenta sp'ijtesjibal te israeletique —xi'.

Éxodo 32:16

Te pejch'el tonetic ja' la spas stuquel te Diose, soc ja' nix te Dios la xch'ojtilay ta ts'ibuyele.

Éxodo 34:29

Jich coj tel Moisés ta wits Sinaí. La yich' coel tel ta wits te cha'pejch' ton yu'un te mandaliletique. Te c'alal coj tel ta wits ma la sna' stojol teme xojobajem yelaw te bit'il la sjoin sba ta c'op soc te Cajwaltique.