Éxodo 32:10 - Bible in Tzeltal de Oxchuc y Tenejapa

¹⁰ Ora yo'tic ma me bila ya awal, melel mero ilinemon ta stojolic, jich yu'un ya xba jtup' ta jc'axel. Yan te ja'ate muc'ul lum ya cac' xc'oat —xi'.

Bible in Tzeltal Bachajón

¹⁰ Ha yu'un ihquitayawon yu'un ya cac' tihluc hahchel quilimba ta stojolic, ya jlajinlan. Yan te ha'ate muc'ul nación ya xc'ohat cu'un, xchi.

Éxodo 32:10 Referans Kwoze

Deuteronomio 9:14

Q'ueja aba ta bay be cu'une, yu'un ya me jlajin soc ya jch'aybey sts'umbalic, jich ya xch'ayic ta balumilal. Pero te ja'ate ya me cac' chicnajuc jun nación ta awenta te mero bayal yip soc te mero stsobole, te c'axem jich a te bit'il te lum in to”, xi'.

Números 14:12

Ya me jticunbey chamel swenta lajel. Jich me ma xc'ot ta swentaic yich'el te q'uinale. Yan te ja'ate muc'ul lum ya xc'oat cu'un, soc mero tulan me ya xc'oat atuquel —xi' te Cajwaltique.

Deuteronomio 9:19

Mero la jxi'bey te yilimba soc sc'ajc'al yo'tan te Cajwaltic te chicnaj ta atojolique, te mero c'an slajinex ta jc'axele. Te Cajwaltic la yaiybon xan te jc'ope.

Números 16:22

Ja'uc me to, la spajc'an sbaic, la stinan sba coel c'alal ta lum, jich la yalic: —Ja'at Diosat, te ya awac'bey xcuxlejal spisil ants-winiquetic, ¿tic' bal ya awilintay spisil lum a ta scaj nax smul te jtul winique? —xiic.

Éxodo 32:19

C'alal c'ot Moisés ta campamento, la yil te alal toro soc te j'ajc'otetique. Bayal ilin yu'un, la xch'oj coel ta sc'ab te cha'pejch' tone. Wuy ta jc'axel ta mero yet'al wits.

Éxodo 32:11

Te Moisés ja' la sc'opon te Cajwaltic, jich la yalbey: —Cajwal, ¿bi yu'un te ya x'ilinat ta stojol te lum awu'un, te ja'at nix la aloq'ues tel ta Egipto ta smuc'ul awu'el soc yu'el te ac'abe?

Éxodo 22:24

Ja' yu'un ta swenta yip te quilimba, ya me jmilex ta puñal. Jich nix me ya xjilic ta me'ba ants te awinamic soc ta me'ba alaletic te anich'nabique.

Santiago 5:16

Jich yu'un albeya abaic ta jamal teme ay amul ataojique, soc c'oponbeya abaic Dios swenta yu'un jich me ya xlamaj te chamele. Te c'alal ya sc'opon Dios te mach'a toj yo'tane, bayal yip ya xc'ot.

Jeremías 15:1

Te Cajwaltic la yalbon: —Manchuc me ya xtal stejc'an sbaic ta jtojol li'to te Moisés soc Samuel, te jo'one ma ja'uc ya jna'bey yo'bolil sba yu'un a te lume. Albeya, ac'a loc'uc bael ta jtojol, ac'a bajt'uquic.

Jeremías 14:11

Te Cajwaltic la yalbon: —Ma me xawalbon wocol ta sc'anel yutsilal in lum to.

Éxodo 33:3

Tey xbaex a ta bay ya x'oquin leche soc chab c'oem. Te jo'one ma ba ya joinex bael teme repente ya jlajinex jilel ta be, melel ma xapejc'an abaic ta jyalel, ma xach'uunic mandal —xi'.

Números 16:21

—Q'ueja abaic loq'uel ta yolil te lume, ta ora nax me ya jlajin —xi'.

Salmos 106:23

Te Dios la yalbey sc'oplal ta lajinel ta jc'axel; ja'uc me to, te Moisés te tsabil yu'une, c'opoj yu'unic. Jich lamaj bael sc'ajc'al yo'tan te Diose; ma ba la slajin ta jc'axel te lume.

Jeremías 7:16

La yalbon te Cajwaltique: —Ja'at, Jeremías, ma me xac'oponon yu'un in lum to, ma xawalbon wocol yu'un, ma xc'opojat yu'unic. Ma me xasujon, melel ma me xcaiybat stojol.

Jeremías 11:14

Ja' yu'un te ja'at Jeremías, ma me xc'opojat ta ac'anbelon xc'uxtayel te lume; ma me xc'opojat yu'un ta awalbelon wocol ta swentaic. Melel ma me ba ya caiy stojol c'alal ya ac'anbon coltayel loq'uel ta yolil te woclajele.

Ezequiel 20:13

Pero la stoy sbaic ta jtojol ta jochol taquin q'uinal, ma ba la xch'uunbonic te mandaliletic cu'une. La xch'ayic te mandaliletic la cac'bey yu'un ya sta xcuxlejal sc'oplal a te mach'a ya xch'uun spasele. Jc'axel la sboltesbon te sc'aalelal cux-o'tan cu'une. Ja' yu'un te jo'on la jnop ta co'tan te ya jt'omes bael ta stojolic te quilimbae, c'an jlajin ta jc'axel tey ta jochol taquin q'uinale.

Génesis 12:2

Muc'ul lum ya xc'oat cu'un, soc ya me cac'bat bendición, soc muc' ya xc'ot ac'oplal cu'un, soc ay me bendición ta stojol yantic ta awenta.