Éxodo 31:6 - Bible in Tzeltal de Oxchuc y Tenejapa

⁶ Ja' me jcoltaywanej ya xc'ot yu'un te Aholiab te snich'an Ahisamac, te sts'umbal Dan. Soc spisil mach'atic te ay sp'ijilic yu'un te at'ele, ya to jtoyesbey xan te sp'ijilique. Jich me ya xju' spasel yu'unic spisil te bit'il calojbat mandal:

Bible in Tzeltal Bachajón

⁶ Soc la jca'be sjoquin ta a'tel te Aholiab snich'an Ahisamac, te sts'umbal Dan. Soc spisil te mach'atic ya sna'ic spasel a'tel la jca'beyix sp'ijil yo'tanic scuenta yu'un ya xhu' ya spasic spisil te bin la jcalbat ta mandar:

Éxodo 31:6 Referans Kwoze

Éxodo 35:34

Ac'bil smajt'an yu'un p'ijteswanej. Ja' ya sjoin sba soc te Aholiab snich'an Ahisamac te sts'umbal Dan.

Éxodo 35:10

“Spisil te mach'atic ay sp'ijil yo'tanic ac'a taluc ta spasel spisil te bila mandal yaloj te Cajwaltique:

Éxodo 28:3

Ya me ata ta c'op spisilic te mach'atic ay sp'ijil yo'tanic, ja' te mach'atic cac'ojbeyix smajt'an ta spasele. Ja' me ya spasbeyic sc'u'-spac' te Aarón, jich me ya cu'unin ta abatinel ta sacerdoteil.

Hechos 13:2

Jun c'aal, c'alal la stsob sbaic ta yalel wocol ta stojol te Cajwaltique soc spasojic ayuno a, jich albotic yu'un te Ch'ul Espiritue: —Ac'bonic ta jwenta te Bernabé soc te Saulo te tsabiliquix cu'un ta spasel te at'ele —utotic yu'un.

San Lucas 10:1

Ta patil te Cajwaltic la stsa xan lajuneb xchanwinic (70) ta jtul winiquetic. Che'cheb la sticun bael ta juju-jpam lum soc ta juju-jsejp q'uinal ta banti ya xc'ax bael ta patile.

1 Reyes 3:12

Ja' yu'un, ya me cac'bat te bila la ac'anbone. Ya me cac'bat ana' spisil, soc ya me cac'bat sp'ijil awo'tan yu'un stsajtayel spisil. Ma'yuc jich sp'ijil yich'ojic te mach'atic neel c'ax awu'une, soc ni ayuc mach'a jich ya yich' xan te mach'a patil awu'une.

Santiago 1:5

Teme ay ma'yuc sp'ijil awo'tanique, c'anbeyaic te Diose, jich me ya yac'beyex. Ma p'isbiluc ya yac' stuquel, soc ma ba amen ya yaiy te bit'il ya yich' c'anbele.

Éxodo 36:8

Te mach'atic ay smajt'anic ta spasel te bila t'ujbile, c'ax jich te bit'il te yantic j'at'eletic, la spasic te Nailpac' Templo. La sjalic lajunlijc' pac' ta ts'otbil lino soc ta naubil stsotsil chij bonbil ta morada, púrpura soc tsaj. Buen t'ujbil la xch'alic ta ts'isel soc sloc'ombail te querubinetique.

Éxodo 6:26

Ja' nix Aarón soc Moisés te albotic yu'un Cajwaltic te ya sloq'uesic ta Egipto spisil ta jchajp te israeletique.

Éxodo 31:5

Ya me sna' xch'ulel te', ya sna' snajc'anel te t'ujbil tonetic, ya sna' swaluyel te'etic, soc ya sna' spasel biluc t'ujbil te bitic ya sc'an ya yich' pasele.

Éxodo 35:35

Nojesbil ta yo'tanic sna'el spasel biluc at'elil ta swaluyel; soc ta snopel; soc te ya xch'al ta ts'isel soc naubil stsotsil chij te bonbil ta morada, púrpura soc tsaj, soc ta t'ujbil lino; soc ya sna' sjalel biluc paq'uil te yich'oj te bila t'ujbil ta ilel soque.

Éxodo 38:23

Ja' coltayot yu'un te Aholiab snich'an Ahisamac te sts'umbal Dan. Ja' la sna' stenel taq'uin, jalab, soc xch'alil ta ts'isel naubil stsotsil chij te bonbil ta morada, púrpura soc tsaj, soc t'ujbil lino.

Éxodo 35:4

Te Moisés la sc'opon xan ta spisil te slumal israeletic, jich la yalbey: —Ja' mandal yu'un Cajwaltic te ya sc'an ya yich' pasele: