Éxodo 31:4 - Bible in Tzeltal de Oxchuc y Tenejapa

⁴ Ya sna' snopel ta yo'tan te bila ya sc'an ya spase, soc ya xju' ya xchicnantes ta pasel chican me oro, plata o bronce.

Bible in Tzeltal Bachajón

⁴ scuenta yu'un ya sna' schahpanel bintic ay ta pasel, ya sna' a'tel ta oro, ta plata soc bronce,

Éxodo 31:4 Referans Kwoze

2 Crónicas 2:7

Jich yu'un ticunbon tel jtul winic te ay sp'ijil te ya sna' at'el yu'un te oro, plata, bronce, hierro, soc púrpura pac', tsajal pac' soc te morada paq'ue, soc te ya sna' xalel ta bojel ton. Ja' me ya scoltay sba ta at'el soc te maestroetic te ayic ta abatinel cu'un ta sq'uinal Judá soc ta lum Jerusalén, te la xchajban jilel te jtat David.

1 Reyes 7:14

Te Hiram, yal jtul me'ba ants, sts'umbal Neftalí, yan te state, ja' slumal te Tiro. Ya sna' lec at'el ta bronce. Te Hiram mero ma'yuc bi wocol la yaiy, mero bayal sp'ijil yo'tan yu'un at'el ta bronce. Ya sna'bey swentail te bit'il ay ta tuuntesel te bronce, soc ya sna' spasel biluc at'elil. Jich c'ot ta stojol te muc' ajwalil Salomón, la spasbey spisil te yat'ele.

Éxodo 28:15

“Te bolsa ay ta stan te muc' sacerdote, ta bay ochem te bitic ya xtuun ta na'el a te sc'anjel yo'tan te Diose, jich nix me xapas te bit'il efod, ja' te bit'il buen ya yich' ch'alel ta ts'isele. Ya me yich' pasel ta hilera pasbil ta oro, ta stsotsil chij bonbil ta morada, púrpura soc tsaj, soc ta ts'otbil lino.

Éxodo 26:1

“Pasa Nailpac' Templo ta lajunlijc' lino-pac' te lec ts'otbile, jalbil me ta stsotsil chij bonbil ta morada, púrpura soc tsaj. T'ujbil me xch'alil ta ts'isel sloc'ombail tey a te querubinetique.

Éxodo 31:3

La jnojesbeyix ta yo'tan te espíritu cu'une, soc ay sp'ijil ta spasel spisil te at'ele. Ay ta yo'tan te bila ya spas, soc yilojix ta pasel, ay smajt'an yu'un ta spisil.

Éxodo 31:5

Ya me sna' xch'ulel te', ya sna' snajc'anel te t'ujbil tonetic, ya sna' swaluyel te'etic, soc ya sna' spasel biluc t'ujbil te bitic ya sc'an ya yich' pasele.