Éxodo 31:3 - Bible in Tzeltal de Oxchuc y Tenejapa

³ La jnojesbeyix ta yo'tan te espíritu cu'une, soc ay sp'ijil ta spasel spisil te at'ele. Ay ta yo'tan te bila ya spas, soc yilojix ta pasel, ay smajt'an yu'un ta spisil.

Bible in Tzeltal Bachajón

³ soc la jnojesbe ta yo'tan te Espíritu yu'un Dios, soc sp'ijil yo'tan, snopojibal, sna'el bin ay ta na'el, soc sna'el spasel bintic t'ujbil,

Éxodo 31:3 Referans Kwoze

Éxodo 35:31

Nojesbilix ta yo'tan te espíritu yu'un Dios te ya sna'bey swentail ta lec te at'ele. Ay ta yo'tan te bila ya spase, soc yilojix ta spasel. Ay smajt'an yu'un xchicnantesel ta spisil.

Isaías 28:26

Dios ya sp'ijubtes te bit'il ya sc'an ya spase.

1 Reyes 7:14

Te Hiram, yal jtul me'ba ants, sts'umbal Neftalí, yan te state, ja' slumal te Tiro. Ya sna' lec at'el ta bronce. Te Hiram mero ma'yuc bi wocol la yaiy, mero bayal sp'ijil yo'tan yu'un at'el ta bronce. Ya sna'bey swentail te bit'il ay ta tuuntesel te bronce, soc ya sna' spasel biluc at'elil. Jich c'ot ta stojol te muc' ajwalil Salomón, la spasbey spisil te yat'ele.

Isaías 28:6

Ja' ya yac' ta lequil chajbanwanej te juecetic te yich'oj yat'elic ta chajbajibal, soc ya yac'bey yip yo'tanic te soldadoetic te ya scanantayic te lume.

1 Reyes 3:9

Ac'bon c'otuc ta co'tan spisil, swenta yu'un ya xju' cu'un sna'el te bila leque, soc te bila ma lecuque. Melel ¿mach'a ya xju' yu'un swentainel te lum awu'un te mero bayale? —xi'.

Éxodo 28:3

Ya me ata ta c'op spisilic te mach'atic ay sp'ijil yo'tanic, ja' te mach'atic cac'ojbeyix smajt'an ta spasele. Ja' me ya spasbeyic sc'u'-spac' te Aarón, jich me ya cu'unin ta abatinel ta sacerdoteil.

Éxodo 31:4

Ya sna' snopel ta yo'tan te bila ya sc'an ya spase, soc ya xju' ya xchicnantes ta pasel chican me oro, plata o bronce.

Éxodo 35:35

Nojesbil ta yo'tanic sna'el spasel biluc at'elil ta swaluyel; soc ta snopel; soc te ya xch'al ta ts'isel soc naubil stsotsil chij te bonbil ta morada, púrpura soc tsaj, soc ta t'ujbil lino; soc ya sna' sjalel biluc paq'uil te yich'oj te bila t'ujbil ta ilel soque.

2 Crónicas 2:7

Jich yu'un ticunbon tel jtul winic te ay sp'ijil te ya sna' at'el yu'un te oro, plata, bronce, hierro, soc púrpura pac', tsajal pac' soc te morada paq'ue, soc te ya sna' xalel ta bojel ton. Ja' me ya scoltay sba ta at'el soc te maestroetic te ayic ta abatinel cu'un ta sq'uinal Judá soc ta lum Jerusalén, te la xchajban jilel te jtat David.

1 Reyes 7:13

Te muc' ajwalil Salomón la sticun ta iq'uel tel te Hiram ta lum Tiro.

Proverbios 2:6

Melel ja' Cajwaltic te ya yac' te p'ijil-o'tanil, p'ijil c'op soc te p'ijil jolole, ja' ya xloc' tel ta ye stuquel.