Éxodo 31:2 - Bible in Tzeltal de Oxchuc y Tenejapa

² —Aiya awaiy stojol, jtsaojix jtul winic ta yolil spisil te winiquetic yu'un Judá, ja' te Bezaleel te snich'an Urí, te ja' smam te Hur.

Bible in Tzeltal Bachajón

² Ilawil, tsahbilix cu'un te Bezaleel snich'an Uri, te snich'an Hur, sts'umbal Judá,

Éxodo 31:2 Referans Kwoze

Éxodo 36:1

“Ja' yu'un te Bezaleel soc te Aholiab ja' me ya sju'tesic ta pasel spisil te bila mandal la yal te Cajwaltique. Ja' me ya sjoin sbaic ta at'el soc spisil mach'atic ay smajt'anic yu'un spasel bitic t'ujbil te ac'bilic sp'ijil yo'tanic yu'un Cajwaltic ta sna'el spasel ta lec spisil te bitic ya xtuun ta na'el Dios a ta bay te Nailpac' Templo —xi' te Moisese.

Éxodo 35:30

Te Moisés, jich la yalbey te israeletic: —Aiya awaiyic stojol, ta yolil spisil te winiquetic yu'un Judá, ja' tsabilix yu'un te Cajwaltic te Bezaleel snich'an Urí, te ja' smam te Hur.

San Juan 3:27

Te Juan jich la yal: —Ma'yuc jtuluc winic te ay bila ya xc'ot ta swenta spasel teme ma ja'uc ya x'ac'bot spas yu'un te Diose.

Éxodo 37:1

Te Bezaleel la spas te scajonil trato ta acacia. Jun metro soc lajuneb centímetro sp'isol te snajt'ile. Jo'eb xchanwinic (65) centímetro te sjamalule, soc jo'eb xchanwinic (65) centímetro te stoylejale.

Éxodo 33:17

La yal te Cajwaltique: —Te bila la awalbone, jich nix ya jpasbat, melel jun co'tan ta atojol scaj te ya jna'bat aba ta lec soc te lec c'oemat ta jsite —xi'.

Éxodo 33:12

Te Moisés jich la yalbey te Cajwaltique: —Ya calbat ta atojol, ja'at nix la awalbon te jo'on jtsobwanejon yu'un te lume; ja'uc me to, ma ba ya awalbon caiy te mach'a ya awac' sjoinon baele. Soc awalojbon te jun awo'tan ta jtojol: “Ya jna'bat aba ta lec soc lec c'oemat ta jsit”, te xaate.

Éxodo 17:10

Te Josué jich la spas te bit'il pasot ta mandal yu'un Moisés. Loc' bael ta yac'beyel guerra te amalequetique. Ja'uc me to, moic bael ta jol wits te Moisés, te Aarón soc te Hur.

Éxodo 38:22

Te Bezaleel snich'an Urí, te smam Hur, ja' te sts'umbal Judá, ja' la spas spisil te bila mandal la yal Moisés te la yich' pasele.

2 Crónicas 1:5

Te scajtijib milbil majt'anil te pasbil ta bronce te spasoj Bezaleel te snich'an Uri, te ja' smam te Hur, tey nix ay ta Gabaón ta stojol te Nailpac' yu'un te Cajwaltique. Te Salomón soc te lum bajt'ic ta sc'oponel Dios tey a.

Éxodo 38:23

Ja' coltayot yu'un te Aholiab snich'an Ahisamac te sts'umbal Dan. Ja' la sna' stenel taq'uin, jalab, soc xch'alil ta ts'isel naubil stsotsil chij te bonbil ta morada, púrpura soc tsaj, soc t'ujbil lino.

1 Reyes 7:14

Te Hiram, yal jtul me'ba ants, sts'umbal Neftalí, yan te state, ja' slumal te Tiro. Ya sna' lec at'el ta bronce. Te Hiram mero ma'yuc bi wocol la yaiy, mero bayal sp'ijil yo'tan yu'un at'el ta bronce. Ya sna'bey swentail te bit'il ay ta tuuntesel te bronce, soc ya sna' spasel biluc at'elil. Jich c'ot ta stojol te muc' ajwalil Salomón, la spasbey spisil te yat'ele.