Éxodo 31:13 - Bible in Tzeltal de Oxchuc y Tenejapa

¹³ —C'opona te alumal israeletic, jich ya awalbey: “Jich la yal te Cajwaltique: ‘Te ja'ex ya me awich'bonic ta muc' te jayeb c'aal swenta cux-o'tan cu'un. Te ja'ex soc te jo'one ja' me señail ya xc'ot cu'untic ta swenta cajalcaj bael te awal-anich'nabique. Jich me ay ta na'el stojol te jo'on Ajwalilon te la jtsaexe.

Bible in Tzeltal Bachajón

¹³ Ya me awalbe te snich'nab Israel: Ta mero melel ya me acanantayic te c'ahc'aletic yu'un cux-o'tan cu'un, como ha seña ya xc'oht ta jtojol soc ta atojolic soc te cajalcaj ats'umbalic, scuenta yu'un ya me ana'ic te ho'on Jehovahon te ya jch'ultesex.

Éxodo 31:13 Referans Kwoze

Ezequiel 20:20

Ich'a ta muc' soc ch'ultesa me te sc'aalelal cux-o'tan cu'une, swenta yu'un ja' me seña ya xc'otic te trato la jpas ta atojolique. Jich me ya ana'ic a te jo'on te Ajwalilon awu'unic soc te Dioson awu'unique”, xoon.

Ezequiel 20:12

Ja' nix jich la cac'bey sna'ic te sc'aalelal cux-o'tan cu'une. Ja' seña te trato cu'un te la jchap ta stojolique, soc swenta sna'jibal te bit'il jo'on te yajwalonic te la jch'ultes, yu'un jo'on cu'une.

Levítico 19:30

“Ich'bonic ta muc' te sc'aalelal cux-o'tanil cu'une. Bayaluc me sc'oplal ta awo'tanic te ch'ul awilal cu'une. Jo'on Ajwalilon.

1 Tesalonicenses 5:23

Dios, te lamal q'uinal ta swentae, ts'acal ac'a me yutstesex. Soc ya me swentainbeyex spisil te acuxlejale: te awo'tane, te ach'ulele soc te abaq'uetale, swenta yu'un ma me ayuc bila quechel ta awentaic a te c'alal ya xchicnaj tel te Cajwaltic Jesucristoe.

Levítico 20:8

Pasaic me te mandaliletic cu'une, t'unaic ta pasel. Jo'on Ajwalilon te ya jch'ultesexe.

Éxodo 31:17

Ja' me seña cu'untic ta sbajt'el q'uinal te ja'ex te israelexe’, xi' te Diose”, uta me —xi' te Cajwaltique. Melel te Cajwaltic waqueb nax me c'aal la spas te ch'ulchan balumilale; yan ta sjuquebal c'aal ma ba at'ejix a, la xcux yo'tan.

San Juan 17:17

Ac'a u'uninbotuc yo'tanic yu'un te bila melele. Te bila melele ja' te ac'ope.

Levítico 19:3

“Ta juju-jtulex ich'aic ta muc' te atatic, soc ich'aic ta muc' te ame'ique. “Ya me awich'bonic ta muc' te sc'aalelal cux-o'tan. Jo'on Ajwalilon, Dioson awu'unic.

Ezequiel 44:24

Ta banti ay c'op ya me xchajbanwanic; ja' me juecetic, ja' me ya xchajbanwanic a te mandaliletic cu'une. Ya me xch'uunic spasel te mandaliletic cu'un soc te nopjibaletic cu'une, te ya yalbey sc'oplal spisil te q'uinetic cu'une. Ya me yich'ic ta muc' te c'aaleltic swenta cux-o'tan ch'ultesbil cu'une.

Ezequiel 37:28

Sbajt'el me q'uinal ay ta yolilic te ch'ul templo cu'une, te yantic nacionetic ya me sna'ic te jo'on jtsaoj yu'un ch'ul lum cu'un te Israel’, xi' me”, uta me —xi' te Cajwaltique.

Nehemías 9:14

La awac'bey snopic te ya scanantaybat te ch'ul c'aal yu'un cux-o'tane. La apas ta mandal, soc la awac'bey mero melel nopjibaletic, mandaliletic soc p'ijubtesel ta swenta te awabat Moisés.

Levítico 26:2

Ich'bonic me ta muc' te sc'aalelal cux-o'tan cu'une. Ayuc me sc'oplal ta awo'tanic te ch'ul awilal cu'une. Jo'on te Ajwalilone.

Levítico 23:3

“Waqueb nax me c'aal ya x'at'ejat, te sjuquebal c'aal ma me ayuc bila at'elil ya apas a. Melel ja' te c'aal mero tsabil yu'un sc'aalelal cux-o'tan, soc ay me ch'ul tsoblej awu'unic a. Ta bayuc ayex, ja' me c'aal yu'un cux-o'tan ta swenta quich'jibal ta muc' jo'on te Ajwalilone.

Levítico 21:8

Ma me xawac' scap sbaic soc yantic, melel ja'ic me te ya yaq'uic waj ta jtojol. Ch'ultesbilic me ta atojol, melel jo'on Ajwalilon, ch'ul Dioson, soc jo'on te ya jch'ultesexe.

Levítico 25:2

—C'opona te israeletic, jich xawalbey: “Te c'alal ochemexix tey ta lumq'uinal ya cac'beyexe, te lumq'uinal ay me yorail cux-o'tan yu'un swenta quich'jibal ta muc' jo'on te Ajwalilone.

Judas 1:1

Jo'on Judason te abaton yu'un te Jesucristoe, soc ja' jbanquil te Jacoboe. Ya jpatbeyex awo'tanic ja'ex te ic'bilex yu'un te Jtatic Diose, soc te ch'ultesbilex yu'une, soc te canantaybilex yu'un te Jesucristoe.

San Juan 17:19

Ta spasemal co'tan jc'axel ya cac' jba ta swentaic, swenta yu'un jich me ch'ultesbil yo'tanic yu'un te bila melele.

San Mateo 23:17

¡Bolex, ma'sitex! ¿Bila a te muc' sc'oplal? ¿Ja' bal te oro, o ja' te templo te ya xch'ultes te oroe?

Éxodo 31:12

Te Cajwaltic c'opoj soc Moisés, jich la yalbey:

Deuteronomio 5:12

“Na'a me te bi c'aalil yu'un cux-o'tan, te ja' swenta ch'ultesel ta jtojol te Ajwalilone, jich nix te bit'il la calbat mandal te Ajwalilon te Dioson awu'une.

Isaías 56:2

Bin nax yutsil te mach'a ya xch'uun spasel te mandaliletique, te jun nax yo'tan ya sc'otes ta pasele; te ya yich' ta muc' te bi c'aalil yu'un te cux-o'tanile soc te ma ba ya sboltesbey sc'oplal, ja' te ya scanantay sba te ma spas te bila amene —xi'.

Jeremías 17:22

Ni ma me xaloq'uesic ni junuc ijc'atsil ta anaic te bi c'aalil yu'un cux-o'tanil, ni ma me ayuc at'el ya apasic jtebuc a. Ac'bonic cu'unin te bi c'aalil yu'un cux-o'tanil, jich bit'il la calbey mandal te antiguo ame'-atatique.

Amós 8:5

jich ya awalic: —¿Bi c'aalil ya xc'ax te q'uin yu'un te yach'il u, swenta yu'un ya xju' jchontic a te trigo? ¿Bi c'aalil ya xc'ax te sc'aalelal cux-o'tan, swenta yu'un toyol xan stojol ya jchontic a te jtrigotique? Ya me jtuuntestic te ma ts'acaluc sp'isol soc te ma ts'acaluc kilo,