Éxodo 30:8 - Bible in Tzeltal de Oxchuc y Tenejapa

⁸ Ta xmal c'aal ja' ni me jich ya xchic' te c'alal ya stsum te c'ajq'uetique. Ja' me jich ya yich' pasel ta stojol Cajwaltic ta spisil ora bael yu'un te patil alnich'anetique.

Bible in Tzeltal Bachajón

⁸ Te c'alal ya stsun te c'ahc' ta yihc'ubel q'uinal te Aarón ha nix hich ya me schic' te pom. Spisil ora ya me yich' pasel ta stojol Jehová yu'un te patil al-nich'anetique.

Éxodo 30:8 Referans Kwoze

Hebreos 9:24

Melel te Cristoe, ma teyuc och bael a ta bay te templo pasbil ta sc'ab ants-winiquetic te ja' seña to nax te mero temploe. Tey och bael stuquel ta bay te ch'ulchane, tey yac'oj sba ta ilel ta stojol Dios cu'untic ta ora to.

Hebreos 7:25

Jich ya xju' ya scoltay sbajt'el q'uinal te mach'atic ya xnoptsajic ta stojol Dios ta swentae, melel ya xju' ya xc'opoj yu'unic spisil ora stuquel te bit'il cuxul ay sbajt'el q'uinal.

1 Tesalonicenses 5:17

C'oponaic Dios spisil ora.

Romanos 8:34

¿Ay bal mach'a ya xju' yu'un te ya x'ac'awan ta lajele? Ma'yuquix. Melel ja' la stojix te Cristo te c'alal laje. Soc ma jipuc a te laje, cha'cux tel, soc ayix ta swa'el sc'ab Dios te banti yac ta c'op cu'untique.

Éxodo 12:6

Ya to me scanantayic ja' to me ta xchanlajunebal sc'aalelal te ue. Jich ora ta spisilic juju-jtul israel ya me smilic te chambalam ta mal c'aalil.

Éxodo 27:21

Te Aarón soc te snich'nab ja' me ya swentainic xchajbanel te c'ajq'uetique. Ya me stilesic sjunal ajc'ubal ta jtojol jo'on te Ajwalilon, ta Nailpac' te bay ya quich' c'oponele. Ja' me ta spat te pac' smacoj scajonil te tratoe. Ja' jmandal ta sbajt'el q'uinal ta stojol te israeletic soc te sts'umbalique.

Éxodo 30:7

Spisil ora ta jujun c'aal ta sab, te c'alal ya yich' chajbanel te c'ajq'uetique, te Aarón ya me xchic' pom te bujts'an yiq'ue, tey me a ta sba te scajtijibe.

Éxodo 30:9

Ma me ayuc yan pom ya yich' aq'uel ta chiq'uel tey a, soc ma me ayuc milbil jmajt'an te ya yich' chiq'uel tey a, soc ma me xawac'bon te majt'anil harina, soc ma me xyich' malel vino tey a.

1 Samuel 2:28

Soc la jtsa loq'uel ta yolil spisil sts'umbal Israel te mach'atic ya x'ochic ta sacerdoteil cu'un, swenta yu'un ya me yac'bonic chic'bil jmajt'an ta scajtijib cu'un, soc ya me xchic'bonic pom, soc ya me slapic tel efod ta jtojol. Soc xan, te antiguo ats'umbalic la cac'bey te majt'aniletic te ya yac' ta chiq'uel te israeletic ta swenta quich'el ta muq'ue.

2 Crónicas 26:18

Jich la yalbeyic ta sit te muc' ajwalil: —Muc' ajwalil Uzías, ma awentauc xchiq'uel pom ta stojol te Cajwaltique. Ja' me ay ta swentaic te sacerdoteetic te sts'umbalic te namey q'uinal Aarón, te ja' ch'ultesbilic stuquelic, te jich ya spasique. Ja'at muc' ajwalil, loc'an tel ta ch'ul templo, melel ma me lecuc ta jc'axel te bila ya apas ta stojol te Cajwaltique. Ma me xacuy te ya yac'bat awutsilal yu'une —la yutic.

Salmos 141:2

Cajwal, lecuc me ta atojol te jc'ope, smesetuc sbujts' yic' jichuc pom ya xc'ot ta atojol; te jc'ab jtoyoj ta atojol, jichuc c'oem te bit'il milbil amajt'an, ja' te amajt'an swenta smalel c'aale.

Éxodo 25:37

Soc ya me apasbey juqueb ch'in c'ajq'uetic. Ya me acajan tey a swenta yu'un ya xojobaj tel ta elawal.