Éxodo 30:7 - Bible in Tzeltal de Oxchuc y Tenejapa

⁷ Spisil ora ta jujun c'aal ta sab, te c'alal ya yich' chajbanel te c'ajq'uetique, te Aarón ya me xchic' pom te bujts'an yiq'ue, tey me a ta sba te scajtijibe.

Bible in Tzeltal Bachajón

⁷ Te Aarón tey me ya schic' pom a te sumet yic' ta jujun sab c'alal ya schahpan te tsumbil c'ahq'ue.

Éxodo 30:7 Referans Kwoze

1 Samuel 2:28

Soc la jtsa loq'uel ta yolil spisil sts'umbal Israel te mach'atic ya x'ochic ta sacerdoteil cu'un, swenta yu'un ya me yac'bonic chic'bil jmajt'an ta scajtijib cu'un, soc ya me xchic'bonic pom, soc ya me slapic tel efod ta jtojol. Soc xan, te antiguo ats'umbalic la cac'bey te majt'aniletic te ya yac' ta chiq'uel te israeletic ta swenta quich'el ta muq'ue.

San Lucas 1:9

Jich te bit'il ay ta spasel yu'unic la yich' tsael ta numeroetic te sacerdote te ya x'och ta xchiq'uel pom ta bay yutil templo yu'un te Cajwaltique. Ja' c'ot ta swenta Zacarías.

1 Crónicas 23:13

Te snich'nab Amram, ja'ic te Aarón soc Moisés. Te Aarón ja' tsaot yu'un Dios te ya swentain yaq'uel ch'ul majt'aniletic, te ya xchic' pom ta stojol te Cajwaltic, te ya x'abatinot yu'une, soc te ya sc'anbey bendición ta stojol te israeletic ta spisil ora. Ja' te at'el te ya swentain sbajt'el q'uinal te Aarón soc te sts'umbale.

Hechos 6:4

Yan te jo'otique, ja' me ya cat'elintic sc'oponel Dios soc yalel te sc'op Diose —xiic.

1 Samuel 3:3

Te Samuel wayal ta templo yu'un Cajwaltic te banti ay te cajón yu'un Dios, yac ta tilel c'ajc' ta ch'ul awilal.

Éxodo 30:34

Te Cajwaltic, jich la yalbey te Moisés: —Tsaca me te bitic bujts'an yic' te xch'ailele. Pajal me sp'isol ya awac' te juju-jchajbe: ja' te xuch'il te', te uña te bujts'an yiq'ue, te pom soc te gálbano.

Éxodo 30:6

Ac'a ta bay yelaw te pac' macal a te scajonil trato, ta stojol te yawil perdón te bay ya jta jbajtic ta c'ope.

Éxodo 30:8

Ta xmal c'aal ja' ni me jich ya xchic' te c'alal ya stsum te c'ajq'uetique. Ja' me jich ya yich' pasel ta stojol Cajwaltic ta spisil ora bael yu'un te patil alnich'anetique.

Éxodo 40:27

La xchic' te pom te bayal sbujts' te yiq'ue, jich bit'il yaloj mandal te Cajwaltique.

Números 16:40

Ja' me sjultesibal stsa c'ot te israeletic te ma me ayuc mach'a ya xju' ya xnoptsaj ta scajtijib majt'anil ta yaq'uel pom ta stojol Cajwaltic, teme ma ja'uc sts'umbal Aarón, jich me ya xc'ot ta swenta te bila c'ot ta swenta Coré soc te sjo'taque. Spisil la yich' pasel jich bit'il yalojbey mandal Cajwaltic ta stojol Eleazar ta swenta Moisés.

2 Crónicas 2:4

Yu'un ya jpas templo yu'un Cajwal te Dios cu'une, swenta yu'un ya me cac'bey yu'unin. Tey me ya yich' chiq'uel perfumeetic ta swenta yich'el ta muc', soc ya me yich' cholel ta mesa ta stojol te wajetic, ya me yich' chiq'uel majt'anil ta sab soc ta malc'aalil, soc te bi c'aalil swenta cux-o'tan, soc te bi ora ya yich' pasel q'uinetic yu'un te yach'il u, soc te bi ora te ay yantic q'uinetic te yich'jibal ta muc' te Cajwaltic Diose, te ya yich' pasel spisil ora cu'untic te jo'otic israelotique.

2 Crónicas 26:18

Jich la yalbeyic ta sit te muc' ajwalil: —Muc' ajwalil Uzías, ma awentauc xchiq'uel pom ta stojol te Cajwaltique. Ja' me ay ta swentaic te sacerdoteetic te sts'umbalic te namey q'uinal Aarón, te ja' ch'ultesbilic stuquelic, te jich ya spasique. Ja'at muc' ajwalil, loc'an tel ta ch'ul templo, melel ma me lecuc ta jc'axel te bila ya apas ta stojol te Cajwaltique. Ma me xacuy te ya yac'bat awutsilal yu'une —la yutic.

Levítico 6:5

biluc a te la yal ta jamal ta lote. Ya me sujt'esbey ta stojol spisil te yajwal, soc ya me yac' jun ta yo'ebal swenta sjol, te bi ora ya yac' te milbil majt'anil yu'un te smule.

Deuteronomio 33:10

Te Jacob, ja' te lum Israel, ya yac'bey snopic te mandaliletique. Ta scajtijib ta chiq'uel amajt'an ya yaq'uic majt'anil pom soc majt'anil chambalametic ta atojol.

1 Crónicas 6:34

te snich'an Elcana, te snich'an Jeroham, te snich'an Eliel, te snich'an Toa,

2 Crónicas 2:3

Ta patil te Salomón la sticunbey ta alel te Hiram te muc' ajwalil ta lum Tiro, jich la yalbey: “Jich me xapas ta jtojol te bit'il la apasbey te jtat David, te la aticunbey cedroetic, swenta yu'un ya yich' pasel palacio a ta bay ya xju' ainele.

2 Crónicas 29:7

La smacbeyic yochibal te mero templo, la stup'beyic te c'ajq'uetique, soc la yijq'uitayic ta chiq'uel pom ta stojol te Dios yu'un Israel.

Salmos 141:2

Cajwal, lecuc me ta atojol te jc'ope, smesetuc sbujts' yic' jichuc pom ya xc'ot ta atojol; te jc'ab jtoyoj ta atojol, jichuc c'oem te bit'il milbil amajt'an, ja' te amajt'an swenta smalel c'aale.