Éxodo 30:6 - Bible in Tzeltal de Oxchuc y Tenejapa

⁶ Ac'a ta bay yelaw te pac' macal a te scajonil trato, ta stojol te yawil perdón te bay ya jta jbajtic ta c'ope.

Bible in Tzeltal Bachajón

⁶ Ya me awac' te scajtajib ta chiq'uel pom ta stojol te tsalul pac' macal a te scaxahul Testigo-c'op, ta stojol te yawil stahel perdón te ay ta sba te Testigo-c'op, te banti ya jta jbahtic ta c'op.

Éxodo 30:6 Referans Kwoze

Hebreos 4:16

Jich yu'un jun co'tantic ac'a noptsajucotic bael ta smuc'ul nactijib te Diose, te bayal yutsil yo'tan cu'untic stuquele, swenta yu'un jich me ya jtatic c'uxtayel yu'un. Melel ta swenta nax yutsil yo'tan ya scoltayotic teme ay bila ay jwocoltic yu'une.

San Mateo 27:51

Jich ora jats coel tel c'alal sba c'alal ye'tal te pac' tsalbil a te temploe. Nijc' te lum q'uinale, soc jat te ch'entiquile.

1 Crónicas 28:11

Te David la yac'bey ta sc'ab Salomón ja' te snich'ane, te splanoil yochibal te templo, te nanatic yu'une, te snail biluquetic, te tsalaltsal piso ta cajal, soc te cuartoetic ta yutil, soc te Mero Ch'ul Awilale.

Números 17:4

Ya me awac' spisil sbastonic ta Nailpac' te bay ya quich' c'oponel ta stojol te scajonil trato te tey ya ataonic ae.

Levítico 16:13

Ya me yac' ochel te pom ta sba ac'al ta jtojol jo'on te Ajwalilone, te xch'ailel pom ya me spots te yawil perdón ay ta sba te scajail trato. Jich me ma xlaj a te Aarón.

Éxodo 40:26

Te scajtijib ta chiq'uel pom te pasbil ta oro, la yac' ta yutil te Nailpac' te bay ya yich' c'oponel Dios, ja' te bay yelaw nix te pac' ta olile.

Éxodo 40:5

Ac'a te scajtijib ta chiq'uel pom ta stojol scajonil trato. Jojc'ana te pac' yu'un ta yochibal te ch'ul awilal.

Éxodo 40:3

Te scajonil trato ac'a me ta mero yutil. T'imana c'axel te pac' te ya stsal ta olil te Nailpac' Templo.

Éxodo 30:36

Buen lec me ya ajuch' oliluc. Ac'a me ta stojol scajonil trato ta Nailpac' te bay ya quich' c'oponele. Ja' te pom, mero cu'un me ya awaiy ta awo'tanic te ja'exe.

Éxodo 30:5

Pasbeya sq'uechjibal ta acacia, pac'beya ta potsel ta oro.

Éxodo 30:7

Spisil ora ta jujun c'aal ta sab, te c'alal ya yich' chajbanel te c'ajq'uetique, te Aarón ya me xchic' pom te bujts'an yiq'ue, tey me a ta sba te scajtijibe.

1 Crónicas 23:13

Te snich'nab Amram, ja'ic te Aarón soc Moisés. Te Aarón ja' tsaot yu'un Dios te ya swentain yaq'uel ch'ul majt'aniletic, te ya xchic' pom ta stojol te Cajwaltic, te ya x'abatinot yu'une, soc te ya sc'anbey bendición ta stojol te israeletic ta spisil ora. Ja' te at'el te ya swentain sbajt'el q'uinal te Aarón soc te sts'umbale.