Éxodo 30:34 - Bible in Tzeltal de Oxchuc y Tenejapa

³⁴ Te Cajwaltic, jich la yalbey te Moisés: —Tsaca me te bitic bujts'an yic' te xch'ailele. Pajal me sp'isol ya awac' te juju-jchajbe: ja' te xuch'il te', te uña te bujts'an yiq'ue, te pom soc te gálbano.

Bible in Tzeltal Bachajón

³⁴ Te Jehová la yalbe xan te Moisés: Ich'a te bintic sumet yic', ha xuch'il te', ha'mal te sumet yic' soc gálbano, soc lequil pom, pajal yalal spisil;

Éxodo 30:34 Referans Kwoze

Éxodo 37:29

Te Bezaleel la spas te aceite swenta ch'ultesel, soc te pom te capal soc lequil perfume. Jich la spas te bit'il mach'a ya sna' spasel perfumeetic.

Levítico 2:15

Ya me awac'bey aceite soc pom ta sba, melel ja' majt'anil swenta sit awalts'unubil.

Éxodo 30:23

—Lea atuquel ta bay mero lequic te bitic bujts'an yiq'ue: waqueb me kilo mero lequil mirra, oxeb kilo canela, oxeb kilo jalal yilel te ay yiq'ue,

Éxodo 25:6

yaceiteil sit olivo yu'un ch'in c'ajq'uetic; perfumeetic te ya yich' capel soc aceite te ya xtuun cu'un ta ch'ulteswanej soc te ya yich' capel soc pom te bujts'an yiq'ue;

San Mateo 2:11

Jich ochic ta na ta banti ay te alale. La yilic soc te sme'e, ja' te Mariae. La squejan sbaic ta stojol, soc la sjam te yawil sbiluquique. Jich la yac'beyic smajt'anin oro, perfume soc mirra.

Cantares 3:6

¿Bila a te yac ta talel ya quiltic ta jochol taquin q'uinale, yac ta talel ta yolil ch'ail, ta yolil xch'ailel mirra soc xch'ailel pom, soc spisil ta jchajp te perfumeetique?

Nehemías 13:5

Ja' yu'un la yac'bey ta swenta jun muc'ul cuarto, ja' te banti la yich' q'uejel smajt'an Dios ta neelal toe, ja'ic te pom, spisil bitic ya xtuun ta templo, soc te diezmoetic yu'un trigo, vino soc aceite te albil mandal ya yich' aq'uel te levitaetic soc te jc'ayojetic soc te jcanan-ti'nailetic. Soc la yich' q'uejel ta neelal to tey a te patanetic yu'un ya yich'ic te sacerdoteetique.

Levítico 24:7

Ya me awac'bey lequil pom ta juju-jchol, ya me xtuun soc ta swenta majt'anil yu'un jna'jibal. Te pom ya yich' chiq'uel swenta quich'jibal ta muc' jo'on te Ajwalilone.

Levítico 5:11

“Teme mero ma xju' yu'un smanel te cheb puliwoquetic, o cheb alal stsumutetic, ya me xju' ya yich'bon tel ta swenta jmajt'an yu'un smul cheb kilo mero lequil harina. Ma me xju' ya yac'bey aceite, soc ma me xyac'bey pom ta sba, melel ja' te majt'anil yu'un te mulile.

Levítico 2:1

“Teme ay mach'a ya yich'bon tel jmajt'anin harina jo'on te Ajwalilon, ya me sc'an te ja' ya yich' tel harina te mero lec, soc ya me yac'bey aceite soc pom ta sba.

Éxodo 30:33

Teme ay mach'a ya xchajban aceite te pajal soque, soc teme mach'auc nax ya smalbey ta sjole, jc'axel me ya yich' loq'uesel ta yolil te lume —xi' te Cajwaltique.

Éxodo 30:35

Chajbana ta spisil te ch'ul lequil pome. Ya me acap ta lec ta spisil, jich bit'il mach'a ya sna' spasel perfume.

Éxodo 31:11

te aceite swenta ch'ultesel, soc te pom te buen bujts'an yic' te ya yich' chiq'uel ta ch'ul awilal. Ja'ic me ya spasic ta spisil jich te bit'il calojbat mandal —xi' te Cajwaltique.

Éxodo 35:15

te scajtijib ta chiq'uel pom ta bay ya yich' chiq'uel soc te sq'uechjibale, te aceite swenta ch'ultesel, te pom ay sbujts' yiq'ue, te smajq'uil pac' ta swenta yochibal te Nailpac' Templo,

Levítico 16:12

Ya me stsac jun xchic'jibal pom, ya me snojes ta ac'al. Te ac'ale ya me yich' ta scajtijib ta chiq'uel majt'anil te ay ta jtojol jo'on te Ajwalilone, soc cha'jojp juch'bil pom te bujts'an yiq'ue, ya me yich' bael ta spat te pac' t'imile.

Números 4:16

Te Eleazar snich'an te sacerdote Aarón, ja' me ya swentain te aceite yu'un te ch'in c'ajq'uetic, te pom te bayal sbujts' yic', te harina ta swenta majt'aniletic cu'un te ya nix yac'ulaybonic a, soc te aceite swenta ch'ultesel. Soc ya me scanantay te Nailpac' Templo soc spisil te bitic ay yu'une —xi' te Cajwaltique.

Isaías 43:23

Ma la awac'bon chic'bil jmajt'an chijetic; ma la awich'on ta muc' soc milbil majt'anil. Ma ba lubat cu'un te la jc'anbat majt'anil; soc ma la cuts'inat yu'un sujbelat ta sc'anel pom.

Éxodo 30:7

Spisil ora ta jujun c'aal ta sab, te c'alal ya yich' chajbanel te c'ajq'uetique, te Aarón ya me xchic' pom te bujts'an yiq'ue, tey me a ta sba te scajtijibe.

Números 7:14

soc xan jun muc'ul cuchara pasbil ta oro te lajuneb swacwinic (110) gramo te yalale, nojel ta pom;